IRCTC Offers Budget Bhutan Tour: విదేశాలకు వెళ్లాలని చాలా మంది కలలు కంటుంటారు. కానీ, ఖర్చులు ఎక్కువగా ఉంటాయని భావించి చాలామంది ఆ ఆలోచనను వదిలేస్తారు. అలాంటి వారికి ఐఆర్సీటీసీ గుడ్ న్యూస్ చెప్పింది. ప్రకృతి అందాలతో ప్రపంచ వ్యాప్తంగా ప్రసిద్ధి చెందిన భూటాన్ కు ప్రత్యేక టూర్ ప్యాకేజీని ప్రకటించింది. తక్కువ ఖర్చుతో విదేశీ టూర్ చేయాలనుకునే మంచి అవకాశం కల్పిస్తోంది.
ఈ టూర్ ప్యాకేజీ 5 రాత్రులు, 6 రోజుల పాటు కొనసాగుతుంది. లక్నో నుంచి ఈ యాత్ర మే 22న ప్రారంభం కానుంది. ఈ ప్యాకేజీ కోసం ఒక్కో వ్యక్తి సుమారు రూ.79,000 చెల్లించాల్సి ఉంటుంది. ఇంత తక్కువ ధరలో విదేశీ టూర్ కు తీసుకెళ్లడం పట్ల సంతోషం వ్యక్తం చేస్తున్నారు. ముఖ్యంగా కుటుంబం, స్నేహితులతో కలిసి విదేశీ ట్రిప్ ప్లాన్ చేసుకునే వారికి బెస్ట్ ఆప్షన్ గా చెప్పుకోవచ్చు.
భూటాన్ ప్రపంచంలోనే ప్రశాంతమైన దేశాల్లో ఒకటిగా గుర్తింపు పొందింది. అక్కడి ప్రకృతి అందాలు, పచ్చని కొండలు, మంచుతో కప్పబడిన పర్వతాలు, ప్రశాంత వాతావరణం పర్యాటకులను ఎంతగానో ఆకర్షిస్తాయి. అలాగే పురాతన బౌద్ధ మఠాలు, చారిత్రక కోటలు, సంప్రదాయ సంస్కృతి కూడా భూటాన్ ప్రత్యేకతగా నిలుస్తాయి. అక్కడి ప్రజలు సహజత్వానికి, సాదాసీదా జీవన విధానానికి ఎక్కువ ప్రాధాన్యం ఇస్తారు. అందుకే భూటాన్ ను హ్యాపినెస్ కంట్రీగా పిలుస్తారు.
ఐఆర్సీటీసీ టూర్ ప్యాకేజీలో ప్రయాణికులకు అవసరమైన సౌకర్యాలు కల్పించనున్నారు. హోటల్ వసతి, భోజనం లాంటి సదుపాయాలు ప్యాకేజీలోనే ఉంటాయి. ప్రత్యేకంగా హోటల్స్ బుక్ చేసుకోవడం, భోజన ఏర్పాట్ల గురించి ఆలోచించాల్సిన అవసరం ఉండదు. టూర్ సమయంలో భూటాన్ లోని ప్రముఖ పర్యాటక ప్రదేశాలను సందర్శించే అవకాశం కూడా కల్పించనున్నారు.
భూటాన్కు వెళ్లే పర్యాటకులు సాధారణంగా అక్కడి అందమైన లోయలు, ఆధ్యాత్మిక కేంద్రాలు, ప్రకృతి అందాలను ఎక్కువగా ఆస్వాదిస్తారు. ప్రశాంతత కోరుకునే వారికి ఇది అద్భుతమైన డెస్టినేషన్ గా చెప్పుకోవచ్చు. ముఖ్యంగా గజిబిజి నగర జీవితానికి దూరంగా కొన్ని రోజులు ప్రశాంతంగా గడపాలనుకునే వారికి భూటాన్ మంచి ఆప్షన్ గా చెప్పుకోవచ్చు.
ఇటీవల విదేశీ టూర్లపై భారతీయుల్లో ఆసక్తి పెరుగుతోంది. అయితే, ఎక్కువ ఖర్చు కారణంగా చాలామంది వెనక్కి తగ్గుతున్నారు. అలాంటి సమయంలో ఐఆర్సీటీసీ తీసుకొచ్చిన ఈ టూర్ ప్యాకేజీ ప్రయాణ ప్రియులను ఆకర్షిస్తోంది. తక్కువ బడ్జెట్లో విదేశీ యాత్ర అనుభవాన్ని అందుకోవాలనుకునే వారికి ఇది మంచి అవకాశం కల్పిస్తోంది. భూటాన్ పర్యటనలో ప్రకృతి అందాలు మాత్రమే కాకుండా అక్కడి సంప్రదాయ ఆహార రుచులను కూడా ఆస్వాదించే అవకాశం ఉంటుంది. మొత్తానికి తక్కువ ఖర్చుతో అందమైన విదేశీ యాత్ర చేయాలనుకునే వారికి ఐఆర్సీటీసీ భూటాన్ టూర్ మంచి అవకాశంగా చెప్పుకోవచ్చు.
Read Also:
Share
విజయ్ మార్క్ పాలిటిక్స్.. సీఎం కుర్చీపై టవల్ అవుట్.. సోషల్ మీడియా పుణ్యమేనా?
కాకరకాయ గింజలను పారేస్తున్నారా? ఈ హెల్త్ సీక్రెట్స్ తెలిస్తే కళ్లకు అద్దుకుని తింటారు!
