Mini-moon Vacation: సాధారణంగా కొత్తగా పెళ్లయిన జంటలు ఏదైనా ట్రిప్ ప్లాన్ చేస్తుంటే.. దానిని హనీమూన్ అంటుంటాం. ఈ హనీమూన్ నూతన దంపతులను మానసికంగా మరింత దగ్గర చేస్తుంది. అయితే, ప్రస్తుతం పెళ్లయిన యువ జంటలు హనీమూన్ కంటే.. ముందు కొత్త పద్ధతిని ఫాలో అవుతున్నారు. దానినే ‘మినీ మూన్’ అని అంటున్నారు. పెళ్లి తర్వాత వెంటనే కొన్నిరోజుల పాటు మినీమూన్కు వెళ్లడం ఇప్పుడు కొత్త ట్రెండ్గా మారిందని పర్యాటక రంగ నిపుణులు చెబుతున్నారు. తాజాగా ‘థ్రిల్లోఫీలియా’ అనే ట్రావెల్ సంస్థ విడుదల చేసిన నివేదిక ప్రకారం.. ఈ ట్రెండ్ క్రమంగా పెరుగుతోంది. మరి హనీమూన్ కంటే ముందే మినీమూన్ ప్లాన్ చేసుకోవడానికి గల కారణాలేంటో ఇప్పుడు తెలుసుకుందామా..
అప్పుడే పెళ్లయిన కొత్త జంటలు పెళ్లి జరిగిన 15 రోజులు లేదా నెల రోజుల తర్వాత ఏకాంతంగా గడపడానికి హనీమూన్కు వెళ్తుంటారు. అయితే, ఈ థ్రిల్లోఫీలియా అనే ట్రావెల్ సంస్థ ప్రారంభించిన కొత్త ట్రెండ్ ప్రకారం.. పెళ్లి జరిగిన వెంటనే కొత్త జంటలు ట్రిప్కు వెళ్లడాన్నే మినీమూన్ అంటారు. అంటే.. పెళ్లి తాలూకు హడావుడి నుంచి బయటపడి సేద తీరేందుకు యువ జంటలు ఈ మినీమూన్ను ఎంచుకుంటున్నాయి. కేవలం 3 నుంచి 5 రోజులపాటు అలా మినీమూన్లో ఎంజాయ్ చేస్తారు. ఆ తర్వాత తీరిగ్గా హనీమూన్కు ప్లాన్ చేసుకుంటారన్నమాట.
ఈ మినీమూన్ అందించే ప్రత్యేక ప్రయోజనాల కారణంగానే రోజురోజుకీ ఈ ట్రెండ్కు ఆదరణ పెరుగుతోంది. ఇలాంటి ట్రిప్స్ను సులభంగా ప్లాన్ చేసుకోవచ్చు. అలాగే ఈ 3-5 రోజుల ట్రిప్కు ఖర్చులు కూడా పెద్దగా ఉండవు. అలాగే ఉద్యోగం చేసేవాళ్లు మినీమూన్ కోసం ఎక్కువ సెలవులు తీసుకోవాల్సిన అవసరం కూడా ఉండదు. ఈ ట్రిప్లో ఒకరికొకరు దగ్గరయ్యాక.. కొన్ని నెలల తర్వాత తీరిగ్గా హనీమూన్కు ప్లాన్ చేసుకుంటున్నారు. కాబట్టి ప్రస్తుత యువ జంటలు ముందుగా మినీమూన్కు వెళ్లొచ్చి, తర్వాత దంపతులిద్దరికీ ఇష్టమైన ప్రదేశాలను ఎంచుకుని సుదీర్ఘ ట్రిప్కు వెళ్తున్నారు.
థ్రిల్లోఫీలియా అనే ట్రావెల్ సంస్థ తీసుకొచ్చిన ఈ మినీమూన్ ట్రెండ్ వల్ల యువ జంటలు తమకు నచ్చిన ప్రదేశానికి వెళ్లి, ప్రశాంతంగా సేదతీరుతున్నాయి. అలాగే నేటి యువత లగ్జరీ టూర్ల కంటే.. మానసికంగా దగ్గరయ్యే టూర్స్కు మొగ్గుచూపుతున్నారు. ఈ మినీమూన్లో భాగంగా.. సూర్యాస్తమయాలను ఎంజాయ్ చేసేలా సముద్రయానాలు, బీచ్లో డిన్నర్స్ వంటి వాటిని ఎంచుకుంటున్నారు.
Share
Sankranti Release Movies: గోదావరి జిల్లాలను టార్గెట్ చేసిన సంక్రాంతి సినిమాలు .. ఈవెంట్స్ అన్నీ అక్కడే.. ఎందుకంటే?
Vivo X300, X300 Pro: కెమెరా దిగ్గజం వివో ఎక్స్ 300 ప్రో లాంచ్.. ఇండియాలో ప్రీమియం ఫోన్ల రేసులో హాట్ టాపిక్.
