Car Gadgets: వర్షాకాలంలో కారు డ్రైవింగ్ చేయడం ఒక సవాలుతో కూడుకున్న పని. ఎంత జాగ్రత్తగా ఉన్నా.. భారీ వర్షం, తడిచిన రోడ్లు, అద్దాలపై పడే నీటి బిందువులు డ్రైవర్ ఏకాగ్రతను దెబ్బతీస్తాయి. ఇలాంటి సమయంలో డ్రైవింగ్ ను సులభతరం చేసే ఎన్నో రకాల గ్యాడ్జెట్స్ మార్కెట్లో అందుబాటులో ఉన్నాయి. అందులో రూ.500 లోపే లభించే అత్యుత్తమ స్మార్ట్ గ్యాడ్జెస్ట్స్ ను ఈ కథనంలో అందించడం జరుగుతోంది. వాటి వల్ల డ్రైవింగ్ లో కలిగే బెనిఫిట్స్ ఏంటో ఇప్పుడు చూద్దాం.
వర్షంలో నావిగేషన్ చూడటం ఎంతో సవాలుతో కూడుకున్న పని. ఫోన్ చేతిలో పట్టుకుని డ్రైవ్ చేయడం చాలా ప్రమాదకరం. ఈ సమస్యకు ‘పోర్ట్రానిక్స్ క్లాంప్ M3 ఫోన్ హోల్డర్’ చెక్ పెడుతుంది. డాష్బోర్డ్ లేదా ఏసీ వెంట్ వద్ద ఫోన్ను ఇది స్ట్రాంగ్ కు పట్టి ఉంచుతుంది. డ్రైవింగ్ చేస్తున్నప్పుడు దృష్టి మల్లకుండా మ్యాప్స్ చూసుకోవడానికి ఇది ఎంతో ఉపయోగపడుతుంది.
వర్షాకాలంలో లాంగ్ డ్రైవ్ కు వెళ్తున్నప్పుడు ఫోన్ బ్యాటరీ డౌన్ అయితే ఎన్నో ఇబ్బందులు ఎదుర్కొవాల్సిందే. కాబట్టి పోర్ట్రానిక్స్ 80W ఫాస్ట్ కార్ ఛార్జర్ ను కొనుగోలు చేస్తే.. ప్రయాణంలోనే మీ స్మార్ట్ఫోన్, ఇతర డివైజ్లను చాలా వేగంగా ఛార్జ్ చేసుకోవచ్చు. అత్యవసర సమయంలో ఇది ఎంతగానో తోడ్పడుతుంది.
వర్షాకాలంలో కార్ డోర్ల మధ్య నీరు చేరి.. ఒక్కోసారి అవి లాక్ అయ్యే ఛాన్స్ ఉంది. ఒకవేళ ప్రమాదవశాత్తూ కార్ డోర్లు లాక్ అయితే బయటపడటానికి ఈ లైఫ్ సేవింగ్ టూల్ చాలా ఉపయోగపడుతుంది. దీని ద్వారా విండో గ్లాస్ను సులభంగా పగలగొట్టవచ్చు. అలాగే సీట్ బెల్ట్ కట్టర్గా కూడా ఇది పనిచేస్తుంది.
తడి రోడ్లపై టైర్లకు గ్రిప్ చాలా అవసరం. టైర్లలో గాలి సరైన ప్రమాణంలో ఉందో లేదో తెలుసుకోవడానికి డిటాచి డిజిటల్ టైర్ ప్రెజర్ గేజ్ బాగా ఉపయోగపడుతుంది. ఇది డిజిటల్ స్క్రీన్పై ఖచ్చితమైన ప్రెజర్ చూపిస్తుంది. తద్వారా సురక్షితంగా డ్రైవ్ చేసేందుకు వీలు కల్పిస్తుంది.
వర్షం పడుతున్నప్పుడు సైడ్ మిర్రర్లపై నీటి చుక్కలు నిలిచిపోయి వెనుక వచ్చే వాహనాలు సరిగ్గా కనిపించవు. ఈ నేపథ్యంలో HSR యాంటీ-ఫాగ్ ఫిలింను సైడ్ మిర్రర్లకు అతికిస్తే.. వర్షపు నీరు అద్దంపై నిలవకుండా జారిపోతుంది. దీనివల్ల వ్యూ చాలా క్లియర్గా ఉంటుంది.
Also Read: 8 కేజీల వాషింగ్ మిషన్లే ఎందుకు హాట్ కేకుల్లా అమ్ముడవుతున్నాయి? కారణాలివే!
వర్షాకాలంలో కార్లు తరుచూ రిపేర్లు వస్తుంటాయి. ఒకవేళ రాత్రి వేళ కారు రిపేర్ వచ్చి.. చీకటి ప్రదేశంలో ఆపాల్సి వస్తే ఈ రీఛార్జబుల్ ఎమర్జెన్సీ లైట్.. ఎంతగానో ఉపయోగపడుతుంది. ఇది మంచి లైటింగ్ ఇవ్వడంతో పాటు పోర్టబుల్గా తీసుకెళ్లడానికి ఎంతో ఈజీగా ఉంటుంది.
Also Read: ఒకే ఏడాదిలో పలుమార్లు ఉద్యోగాలు మారారా? ఐటిఆర్ ఫైల్ చేసేటప్పుడు ఈ డాక్యుమెంట్స్ తప్పనిసరి
Share
పేపర్ లీక్.. ఉద్యోగాలు సేల్? డీఎస్సీ మంటల్లో ఏపీ రాజకీయం!
వైభవ్ తలరాత మార్చిన జింబాబ్వే..ర్యాంకింగ్స్ లో 230 స్థానాలు ఎగబాకిన వైభవ్
