Jagga Reddy Humanity: జగ్గారెడ్డి మరోసారి మానవత్వం.. ఆ వ్యక్తికి రూ.50 వేలు సాయం

Jagga Reddy Humanity: తెలంగాణ రాజకీయ నేతల్లో ఆయన శైలి వేరు. ఎవరు ఏమనుకున్నా ఏ మాత్రం పట్టించుకోరు. చెప్పాల్సిన నాలుగు మాటలు, చేయాల్సిన సాయం చేస్తుంటారు. ఆయన ఎవరో తెలంగాణ కాంగ్రెస్ వర్కింగ్ ప్రెసిడెంట్ జగ్గారెడ్డి. ఆయన మరోసారి మానవత్వం చాటుకున్నారు.

మరోసారి మానవత్వం చాటుకున్న టీపీసీసీ వర్కింగ్ ప్రెసిడెంట్ జగ్గారెడ్డి

రాజకీయ నాయకులంటే కార్లలో తిరిగేవారిని ఒకప్పుడు పేరు ఉండేది. తెలంగాణ రాజకీయ నేతల్లో సీనియర్ నాయకుడు జగ్గారెడ్డి శైలి వేరు. పదవిలో ఉన్నా, లేకున్నా ఒకేలా ఉంటారు. నిత్యం ప్రజలతో మమేకం అవుతారు. అందుకే నియోజకవర్గంలో ఎవరికి సమస్య వచ్చినా నేరుగా ఆయన ఇంటిని తడతారు ప్రజలు. నిత్యం సామాన్యులకు అందుబాటులో ఉంటారు కూడా.

మరోసారి మానవత్వం చాటుకున్నారు టీపీసీసీ వర్కింగ్ ప్రెసిడెంట్ జగ్గారెడ్డి. సంగారెడ్డి పట్టణంలో రోడ్డు పక్కన చెప్పులు కుట్టుకుంటూ జీవనం సాగిస్తున్నాడు ఓ వ్యక్తి. పేద కార్మికుడి ఆర్థిక పరిస్థితి చూసి ఆయన చలించిపోయారు. ఆ పేదోడి ఆర్థిక స్థితి గురించి తెలుసుకున్నారు.

పేద కార్మికుడికి తన వంతు ఆర్థిక సాయం

ఆ కుటుంబానికి అండగా నిలవాలనే ఉద్దేశంతో తక్షణమే రూ.50 వేలను నగదు ఆర్థికసాయంగా అందజేశారు. కష్టాల్లో ఇన్నవారిని ఆదుకోవడంలో తాను ముందు ఉంటానని మరోసారి నిరూపించారు. మూడురోజుల కిందట సదాశివపేట పట్టణంలో పర్యటించారు జగ్గారెడ్డి. కారు దిగి నేరుగా నిమ్మ సోడా బండి దగ్గరకు వెళ్లి ఆగారు. నిమ్మ సోడా తాగుతూ ఆ బండి నడుపుతున్న మహిళతో ముచ్చటించారు.

తన వ్యాపారంలో సమస్యల గురించి సదరు మహిళ.. జగ్గారెడ్డికి వివరించింది. తన జేబులోంచి లక్ష రూపాయలు తీసి సదరు మహిళకు అందజేశారు. ఈ డబ్బులతో ఎండాకాలం వచ్చేలోపు సోడాల మిషన్ కొనుగోలు చేసి మంచిగా వ్యాపారం చేసుకోవాలని ఆమెకి సూచన చేశారు. ఆ సమయంలో జగ్గారెడ్డి చేసిన సాయానికి ఆ మహిళ ఒక్కసారిగా షాకైంది. మంచిగా వ్యాపారం చేసుకోవాలంటూ చెప్పి అక్కడి నుంచి వెళ్లిపోయారు జగ్గారెడ్డి.

ALSO READ: తెలంగాణలో మున్సిపల్ పోరుకు సర్వం సిద్ధం.. రేపే 123 పట్టణ సంస్థలకు పోలింగ్

చెప్పులు కుట్టుకునే వ్యక్తికి రూ.50 వేలు సాయం చేసిన జగ్గారెడ్డి

మరోసారి మానవత్వం చాటుకున్న టీపీసీసీ వర్కింగ్ ప్రెసిడెంట్, మాజీ ఎమ్మెల్యే జగ్గారెడ్డి

రోడ్డు పక్కన చెప్పులు కుట్టుకునే వ్యక్తిని పలకరించి, ఆర్థిక అవసరాల నిమిత్తం రూ.50 వేలు సాయం చేసిన జగ్గారెడ్డి

TPCC Working… pic.twitter.com/M2YzNVi4GZ

— BIG TV Breaking News (@bigtvtelugu) February 10, 2026