Telangana DGP : సీనియర్ ఐపీఎస్ అధికారి రవిగుప్త.. తెలంగాణ నూతన డిజీపీగా నియమితులయ్యారు.
Telangana DGP : తెలంగాణ ఎన్నికలలో కాంగ్రెస్ విజయం సాధించిన సందర్భంగా డిజీపీ అంజనీకుమార్ కాంగ్రెస్ అధ్యక్షుడు రేవంత్ రెడ్డిని కలిశారు. అయితే ఒక డిజిపీ స్థాయిలో ఉండి.. ఎన్నికల కోడ్ ఉల్లంఘించినందుకు ఎన్నికల కమిషన్ ఆయనను సస్పెండ్ చేసింది. ఇప్పుడు ఆయన స్థానంలో కొత్త డిజీపీని తెలంగాణ ప్రభుత్వం నియమించింది. సీనియర్ ఐపీఎస్ అధికారి రవిగుప్త.. తెలంగాణ నూతన డిజీపీగా నియమితులయ్యారు. ఈ మేరకు చీఫ్ సెక్రటరి శాంత కుమారి ఉత్తర్వులు జారీ చేశారు.
1990 బ్యాచ్కు చెందిన సీనియర్ ఐపీఎస్ ఆఫీసర్ అయిన రవిగుప్త.. ప్రస్తుతం విజిలెన్స్ అండ్ ఎన్ఫోర్స్మెంట్ విభాగం, ఏసీబీ డైరెక్టర్ జనరల్గా బాధ్యతలు నిర్వహిస్తున్నారు. అంజనీకుమార్ స్థానంలో అన్ని అర్హతలు ఉన్న అధికారి అయిన రవిగుప్తను నియమించారు.
ఎన్నికల కోడ్ అమలులో ఉండగా.. కాంగ్రెస్ అధ్యక్షుడు రేవంత్ రెడ్డిని అంజనీకుమార్తో పాటు ఇద్దరు అదనపు డీజీలు మహేశ్భగవత్, సందీప్కుమార్ జైన్ కూడా కలిశారు. ఇద్దరు అదనపు డీజీలకు ఎన్నికల కమిషన్ నోటీసులు జారీ చేసింది.
Share
Telangana Congress : ఆ వ్యూహం ఫలించిందా..? కాంగ్రెస్ గెలుపునకు కారణాలివేనా..?
Telangana Elections : తెలంగాణ ఎన్నికల్లో సక్సెస్ సాధించిన ఫ్యామిలీ సెంటిమెంట్ !
