KCR: మంత్రుల్లో సత్యవతి రాథోడ్ సంథింగ్ డిఫరెంట్. సీఎం కేసీఆర్ అంటే విపరీతమైన అభిమానం. ఎంతంటే.. కేసీఆర్ మూడోసారి ముఖ్యమంత్రి అయ్యే వరకూ తాను చెప్పులు వేసుకోనంటూ గతంలో శపథం చేశారు. చెప్పినట్టే చాన్నాళ్లుగా ఆమె చెప్పులు లేకుండానే తిరుగుతున్నారు. మారుమూల నాయకురాలైన తనను.. ఎమ్మెల్సీని చేసి, మంత్రి పదవి కట్టబెట్టారనే అభిమానమే ఆమెతో ఇలాంటి పనులు చేయిస్తున్నట్టుంది. లేటెస్ట్గా మరో అనూహ్యం నిర్ణయం తీసుకున్నారు మంత్రి సత్యవతి రాథోడ్.
తెలంగాణ దశాబ్ది వేడుకల్లో భాగంగా హైదరాబాద్ బంజారాభవన్లో సాంస్కృతికోత్సవాలు జరుగుతున్నాయి. మంత్రి సత్యవతి ఆ కార్యక్రమానికి విచ్చేసి.. అక్కడ ఏర్పాటు చేసిన స్టాల్స్ చూస్తున్నారు. అంతలోనే ఆమెకు ఓ చోట బంజారా స్టైల్ పచ్చబొట్టు స్టాల్ కనిపించింది. వెంటనే ఓ నిర్ణయం తీసుకున్నారు. తన కుడిచేతిపై.. పెద్ద పెద్ద అక్షరాలతో.. KCR అని పచ్చబొట్టు పొడిపించుకున్నారు.
ఆ సమయంలో అక్కడే ఉన్న అధికారులు, గిరిజన సంఘాల నేతలు మంత్రిని వారించారు. మేడమ్ చాలా పచ్చబొట్టు పొడుస్తుంటే చాలా నొప్పిగా ఉంటుంది.. మీరు భరించలేరు.. వద్దంటూ అడ్డుచెప్పబోయారు. కానీ, మంత్రి వినలేదు. కేసీఆర్ తనకు దైవసమానులని, ఊపిరి ఉన్నంత వరకు ఆయన చేసిన మేలు మర్చిపోలేనని చెబుతూ.. కేసీఆర్ పేరుతో ‘టాటూ’ వేయించుకున్నారు. ఇదీ సంగతి.
అప్పుడు చెప్పులు.. ఇప్పుడు పచ్చబొట్టు. ఈసారి బీఆర్ఎస్ మళ్లీ అధికారంలోకి వస్తే.. సత్యవతి రాథోడ్కు మళ్లీ మంత్రి పదవి పక్కా.. అని చర్చించుకుంటున్నారు.
Share
Nellore: నెల్లూరు పెద్దారెడ్ల సైకిల్ సవారీ.. వైసీపీకి దారేది?
JP Nadda: జగన్ పాలనపై నడ్డా అటాక్.. ఏంటి సంగతి?
