మానవత్వం చాటుకున్న మంత్రి జూపల్లి.. కాన్వాయ్‌లోనే బాధితుడి తరలింపు!

Jupally Krishna: రహదారి ప్రమాదంలో తీవ్రంగా గాయపడి, ప్రాణాపాయ స్థితిలో ఉన్న ఓ వ్యక్తికి రాష్ట్ర మంత్రి జూపల్లి కృష్ణారావు సకాలంలో స్పందించి అండగా నిలిచారు. తన ప్రయాణాన్ని పక్కన పెట్టి, బాధితుడిని స్వయంగా ఆసుపత్రికి పంపించి తన ఉదారతను చాటుకున్నారు.

సింగోటం వద్ద ప్రమాదం

కొల్లాపూర్ సమీపంలోని సింగోటం గ్రామం వద్ద ఒక రోడ్డు ప్రమాదం జరిగింది. ఈ ఘటనలో నార్లాపూర్ గ్రామానికి చెందిన కావలి మల్లేష్ తీవ్రంగా గాయపడి, అపస్మారక స్థితిలో రహదారిపై పడిపోయాడు. రక్తపు మడుగులో ఉన్న అతడిని ఎవరూ గమనించని సమయంలో.. అదే మార్గంలో వెళ్తున్న మంత్రి జూపల్లి కృష్ణారావు దృష్టికి ఈ విషయం వచ్చింది.

కాన్వాయ్ వాహనంలోనే ఆసుపత్రికి తరలింపు

రోడ్డుపై పడి ఉన్న బాధితుడిని చూడగానే మంత్రి వెంటనే తన ప్రయాణాన్ని నిలిపివేశారు. క్షణం కూడా ఆలస్యం చేయకుండా తన కాన్వాయ్‌లోని ఒక వాహనంలోనే మల్లేష్‌ను కొల్లాపూర్ ప్రభుత్వ ఆసుపత్రికి తరలించారు. అత్యవసర పరిస్థితిలో మంత్రి త్వరితగతిన స్పందించడం వల్ల బాధితుడికి సకాలంలో వైద్యం అందే అవకాశం లభించింది.

Also Read: SSC అభ్యర్థులపై పోలీసుల ప్రతీకారం.. సాహిల్ కంటి చూపుపై రాహుల్ ఆవేదన!

వైద్యులకు స్పష్టమైన ఆదేశాలు

బాధితుడికి తక్షణమే మెరుగైన వైద్య చికిత్స అందించాలని ఆసుపత్రి వైద్యులను మంత్రి ఫోన్ ద్వారా ఆదేశించారు. ఒకవేళ పరిస్థితి విషమిస్తే, మెరుగైన చికిత్స కోసం హైదరాబాద్ లేదా జిల్లా ఆసుపత్రికి తరలించడానికి ఏర్పాట్లు చేయాలన్నారు. బాధితుడి ఆరోగ్య పరిస్థితిని ఎప్పటికప్పుడు తనకు తెలియజేయాలని సూచించారు.

మానవత్వం చాటుకున్న మంత్రి జూపల్లి

కొల్లాపూర్ మండలం సింగోటం గ్రామ సమీపంలో రోడ్డు ప్రమాదానికి గురై అపస్మారక స్థితిలో ఉన్న కావలి మల్లేష్‌ను మంత్రి జూపల్లి కృష్ణారావు సకాలంలో స్పందించి కాపాడారు. తన ప్రయాణాన్ని నిలిపివేసి, బాధితుడిని స్వయంగా తన కాన్వాయ్‌లో ఆసుపత్రికి తరలించారు.… pic.twitter.com/6vp0eF2AfM

— BIG TV Breaking News (@bigtvtelugu) July 24, 2026