‘ప్రస్తుత అధ్యక్షుని నియామకం చెల్లదు’.. హెచ్‌సీఏకి హైకోర్టు భారీ షాక్

High Court – HCA: హైదరాబాద్ క్రికెట్ అసోసియేషన్ (హెచ్‌సీఏ)కు హైకోర్టు షాకిచ్చింది. ప్రస్తుతం అధ్యక్షునిగా ఉన్న అమర్ నాథ్ నియామకం చెల్లదని తీర్పునిచ్చింది. వెంటనే బాధ్యతల నుంచి వైదొలగాలని ఆయనకు ఆదేశాలు జారీ చేసింది. స్పెషల్ యాన్యువల్ జనరల్ బాడీ మీటింగ్ జరిపి కొత్త అధ్యక్షున్ని ఎన్నిక చేయాలని పేర్కొంది.

ఇంతకు ముందు వరకూ హెచ్‌సీఏ అధ్యక్షునిగా జగన్మోహన్ రావు ఉన్న విషయం తెలిసిందే. ఈ పదవి కోసం ఇటీవల జరిగిన ఎన్నికల్లో గెలాక్సీ క్రికెట్ క్లబ్ కు చెందిన అమర్ నాథ్ పై జగన్మోహన్ రావు ఒక్క ఓటు తేడాతో విజయం సాధించారు. అయితే జగన్మోహన్ రావు ఎన్నికను ఎన్నికను సవాల్ చేస్తూ అమర్ నాథ్ అంబుడ్స్ మెన్ కు ఫిర్యాదు చేశారు. మాజీ మంత్రి కృష్ణాయాదవ్ కు చెంది గౌలిపురాలో ఉన్న శ్రీచక్ర క్రికెట్ క్లబ్ లో సభ్యునిగా ఉన్నట్టు జగన్మోహన్ రావు ఫోర్జరీ సర్టిఫికెట్లు సృష్టించి హెచ్ సీఏ అధ్యక్ష ఎన్నికల్లో పోటీ చేశారని పేర్కొన్నారు.

Also Read: ఎయిర్ ప్యూరిఫైయర్ వాడుతున్నారా? ఈ తప్పులు చేస్తే.. ఊరిపితిత్తులు ఔట్!

దీనిపై విచారణ జరిపిన అంబుడ్స్ మెన్ జగన్మోహన్ రావు స్థానంలో అమర్ నాథ్ ను అధ్యక్షునిగా నియమిస్తూ ఆదేశాలు జారీ చేసింది. హెచ్ సీఏ కార్యకలాపాలు స్తంభించకుండా చూసేందుకే ఈ నిర్ణయం తీసుకున్నట్టుగా పేర్కొంది. కాగా, అమర్ నాథ్ ను హెచ్ సీఏ అధ్యక్షునిగా నియమించటాన్ని సవాల్ చేస్తూ జగన్మోహన్ రావు హైకోర్టులో పిటిషన్ దాఖలు చేశారు. దీనిపై విచారణ జరిపిన హైకోర్టు అంబుడ్స్ మెన్ నిర్ణయంతో జరిగిన అమర్ నాథ్ నియామకం చెల్లదని తీర్పునిచ్చింది. జనరల్ బాడీ మీటింగ్ జరిపి కొత్త అధ్యక్షుడ్ని ఎన్నుకోవాలని సూచించింది.

Also Read: కాక్రోచ్ ఉద్య‌మంపై కాషాయ ద‌ళం విషం! కిస్ ఆఫ్ ల‌వ్ నిర‌స‌న ఫోటోలతో ప‌క్క‌దారి ప‌ట్టించే య‌త్నం..