Gas Cylinder Blast: హైదరాబాద్లోని చందానగర్ పోలీస్ స్టేషన్ పరిధిలో భారీ అగ్నిప్రమాదం చోటుచేసుకుంది. లింగంపల్లి రైల్వే స్టేషన్ సమీపంలో నిర్మాణంలో ఉన్న 52 అంతస్తుల భారీ భవన ప్రాంగణంలో ఈ ఘటన జరిగింది. భవన నిర్మాణ పనుల కోసం కార్మికులు నివసించేలా ఏర్పాటు చేసిన తాత్కాలిక షెడ్లలో ఒక్కసారిగా మంటలు చెలరేగాయి.
ప్రాథమిక సమాచారం ప్రకారం.. షెడ్లలో నిల్వ ఉంచిన గ్యాస్ సిలిండర్ అకస్మాత్తుగా పేలడంతో మంటలు వేగంగా వ్యాపించాయి. దాంతో షెడ్లన్నీ క్షణాల్లో అగ్నికి ఆహుతయ్యాయి. మంటలు భారీగా ఎగసిపడటంతో పరిసర ప్రాంతాల్లో భయాందోళనలు నెలకొన్నాయి.
అయితే ప్రమాద సమయంలో కార్మికులందరూ భవన నిర్మాణ పనుల కోసం బయటకు వెళ్లి ఉండటంతో పెను ప్రమాదం తప్పింది. ఎలాంటి ప్రాణనష్టం జరగకపోవడంతో అధికారులు ఊపిరి పీల్చుకున్నారు. ఘటనపై సమాచారం అందుకున్న అగ్నిమాపక శాఖ సిబ్బంది వెంటనే స్పందించి మూడు ఫైర్ ఇంజన్లతో సంఘటనా స్థలానికి చేరుకున్నారు. సుమారు గంటపాటు శ్రమించి మంటలను పూర్తిగా అదుపు చేశారు.
ఈ అగ్నిప్రమాదంలో షెడ్లకు భారీ ఆస్తినష్టం వాటిల్లినట్లు అంచనా. ఘటనపై చందానగర్ పోలీసులు కేసు నమోదు చేసి గ్యాస్ సిలిండర్ పేలుడు కారణాలపై దర్యాప్తు చేపట్టారు. భవిష్యత్తులో ఇలాంటి ఘటనలు జరగకుండా భద్రతా చర్యలు తీసుకోవాలని అధికారులు సూచించారు.
Share
KCR : కేసీఆర్ బయటకు వస్తేనే బీఆర్ఎస్కు బతుకుదెరువు!
Lok Sabha: జీ-రామ్-జీ బిల్లుకు ఆమోదం.. వ్యతిరే కించిన కాంగ్రెస్ సహా విపక్షాలు, రెండు దశాబ్దాల తర్వాత
