Fire Accident: హైదరాబాద్‌లో భారీ అగ్ని ప్రమాదం..

Fire Accident: హైదరాబాద్‌లో భారీ అగ్ని ప్రమాదం జరిగింది. శ్రీకన్య కంఫర్ట్ రెస్టారెంట్ భవనంలోని ఐదవ అంతస్తులో ఒక్కసారిగా మంటలు చెలరేగడంతో దట్టమైన పొగలు అలుముకున్నాయి. ఈ ప్రమాదం కారణంగా రెస్టారెంట్‌‌లో ఉన్న కస్టమర్లు, సిబ్బంది తీవ్ర భయాందోళనకు గురయ్యారు.

సమాచారం అందుకున్న వెంటనే అగ్నిమాపక సిబ్బంది హుటాహుటిన ఘటనా స్థలానికి చేరుకున్నారు. ఐదవ అంతస్తులో ఉన్న కస్టమర్లందరినీ సురక్షితంగా అగ్నిమాపక సిబ్బంది కిందకు పంపించి, పరిస్థితిని అదుపులోకి తీసుకువచ్చారు. ప్రాణనష్టం జరగకుండా అధికారులు తక్షణ చర్యలు చేపట్టడం, సరైన సమయంలో కస్టమర్లను ఖాళీ చేయించడం వల్ల పెను ప్రమాదం తప్పింది. ప్రస్తుతం అగ్నిమాపక సిబ్బంది మంటలను పూర్తిగా ఆర్పేందుకు శ్రమిస్తున్నారు. ఈ ప్రమాదానికి గల కారణాలు తెలియాల్సి ఉంది.

Join WhatsApp Channel

Share

• 
• 
• 
• 
• 
•