Drinking Water Supply Hyd: హైదరాబాద్ నగర వాసులకు హెచ్చరిక.. ఆ 24 గంటలు నీటి సరఫరాకు అంతరాయం

Drinking Water Supply Hyd: హైదరాబాద్ నగరవాసుల కోసం జీహెచ్ఎంసీ కీలక ప్రకటన చేసింది. ఈ విషయాన్ని గమనించి నగరవాసులు ముందస్తు జాగ్రత్తలు తీసుకోవాలని కూడ సూచించింది. హైదరాబాద్ మహానగరానికి తాగునీరు సరఫరా చేసే గోదావరి డ్రింకింగ్ వాటర్ సప్లై ఫేజ్-1 లోని కొండపాక పంపింగ్ స్టేషన్ వద్దనున్న 3000 ఎంఎం డయా ఎంఎస్ పంపింగ్ మెయిన్ కు.. 900 ఎంఎం డయా వాల్వులు బీఎఫ్ అండ్ ఎన్ఆర్వీ అమర్చనున్నారు. ఈ పనులు 17 వతేదీ సోమవారం ఉదయం 6 గంటల నుంచి మరుసటి రోజు 18 వ తేదీ మంగళవారం ఉదయం 6 గంటల వరకు కొనసాగుతాయి. ఈ 24 గంటలు పలు ప్రాంతాల్లో నీటి సరఫరాలో అంతరాయం ఏర్పడనుందని జీహెచ్ఎంసీ అధికారులు ప్రకటించారు.

అంతరాయం కలిగే ప్రాంతాలు ఇవే..
☀ ఓ అండ్ ఎం డివిజన్-6 : ఎస్.ఆర్.నగర్, సనత్ నగర్, బోరబండ, ఎస్పీఆర్ హిల్స్, ఎర్రగడ్డ, బంజారాహిల్స్, వెంగళ్ రావు నగర్, ఎల్లారెడ్డిగూడ, సోమాజిగూడ, ఫతేనగర్.
☀ ఓ అండ్ ఎం డివిజన్-9 : కూకట్ పల్లి, భాగ్యనగర్, వివేకానంద నగర్, ఎల్లమ్మబండ, మూసాపేట్, భరత్ నగర్, మోతీ నగర్, గాయత్రినగర్, బాబా నగర్, కేపీహెచ్ బీ, బాలాజీ నగర్, హస్మత్ పేట్.
☀ ఓ అండ్ ఎం డివిజన్-12 : చింతల్, సుచిత్ర, జీడిమెట్ల, షాపూర్ నగర్, గాజుల రామారం, సూరారం, ఆదర్శ్ నగర్, భగత్ సింగ్ నగర్, జగద్గిరిగుట్ట, ఉషోదయ.
☀ ఓ అండ్ ఎం డివిజన్-13 : అల్వాల్, ఫాదర్ బాలయ్య నగర్, వెంకటాపురం, మచ్చబొల్లారం. డిఫెన్స్ కాలనీ, వాజ్ పేయ్ నగర్, యాప్రాల్, చాణిక్యపురి, గౌతమ్ నగర్, సాయినాథపురం.
☀ ఓ అండ్ ఎం డివిజన్-14 : చెర్లపల్లి, సాయిబాబా నగర్, రాధికా.
☀ ఓ అండ్ ఎం డివిజన్-15 : కొండాపూర్, డోయెన్స్, మాదాపూర్

Also Read: ఆ భారీ హోర్డింగులను పీకి పడేసిన హైడ్రా.. ఒకటి కాదు రెండు కాదు 50కు పైనే!

☀ ఓ అండ్ ఎం డివిజన్-17 : హఫీజ్ పేట్, మియాపూర్.
☀ ఓ అండ్ ఎం డివిజన్-21 : కొంపల్లి, గుండ్ల పోచంపల్లి, తూంకుంట, జవహర్ నగర్, దమ్మాయిగూడ, నాగారం.
☀ ఓ అండ్ ఎం డివిజన్-22 : నిజాంపేట్, బాచుపల్లి, ప్రగతి నగర్, గండి మైసమ్మ, తెల్లాపూర్, బొల్లారం.
☀ ట్రాన్స్ మిషన్ డివిజన్-4 : ఎంఈఎస్, త్రిశూల్ లైన్స్, గన్ రాక్, హకీంపేట్ ఎయిర్ ఫోర్స్, సికింద్రాబాద్ కంటోన్మెంట్, బీబీనగర్ ఎయిమ్స్.
☀ ఆర్ డబ్ల్యూఎస్ ఆఫ్ టేక్స్ ప్రాంతాలు : ప్రజ్ఞాపూర్ గజ్వేల్, ఆలేర్ భువనగిరి, ఘన్ పూర్ మేడ్చల్/ శామీర్ పేట్

ఆయా ప్రాంతాల్లో నివాసం ఉండే ప్రజలు ముందస్తుగానే తాగు నీటిని అందుబాటులో ఉండేవిధంగా నిల్వ చేసుకోవాలని అధికారులు కోరారు. 24 గంటల అనంతరం మళ్లీ నీటి సరఫరాను పునరుద్దరిస్తామని జీహెచ్ఎంసీ తెలిపింది.