Kavitha: 6న వస్తానని.. ఆ తర్వాత రాలేనన్నారు. సీబీఐ చెప్పిన డేట్ నాడు తనకు కుదరదని చెప్పారు. 11, 12, 14, 15 తేదీలైతే ఓకే అన్నారు కవిత. సరే, అలానే కానిద్దాం. మీరు చెప్పినట్టుగానే డిసెంబర్ 11న మిమ్మల్ని మీ ఇంట్లోనే విచారిస్తాం.. ఉదయం 11 గంటలకు వస్తాం.. అంటూ కవితకు ఈ-మెయిల్ లో సమాచారం అందించింది సీబీఐ. దీంతో.. ఢిల్లీ లిక్కర్ స్కాం కేసు పీక్స్ కు చేరింది.
ఈ నెల 6నే కవిత వాంగ్మూలం నమోదు చేయాలని భావించింది సీబీఐ. అందుకు ముందు ఓకే అన్న కవిత.. ఆ తర్వాత ప్రగతి భవన్ కు వెళ్లి సీఎం కేసీఆర్ తో చర్చలు జరిపాక.. తనకు నాట్ ఓకే అంటూ సీబీఐకు లేఖ రాశారు. ఫిర్యాదు కాపీ, ఎఫ్ఐఆర్ కాపీని తనకు అందించాలని కోరారు కవిత. స్పందించిన సీబీఐ అధికారులు వెబ్ సైట్ లో ఉంది చూసుకోమంటూ మెయిల్లో కవితకు రిప్లై ఇచ్చారు.
కట్ చేస్తే.. ఎఫ్ఐఆర్ లో తన పేరు ఎక్కడా లేదని.. 6వ తేదీన తాను బిజీగా ఉన్నానని.. 11, 12, 14, 15 తేదీల్లో హైదరాబాద్లోని తన ఇంట్లో అందుబాటులో ఉంటానంటూ సీబీఐకు మళ్లీ మెయిల్ చేశారు కవిత. ఆ మెయిల్ కు ఇప్పుడు సీబీఐ రిప్లై ఇచ్చింది. కవిత చెప్పినట్టే 11న వాంగ్మూలం తీసుకునేందుకు ఉదయం 11 గంటలకు ఇంటికి వస్తామంటూ సీబీఐ అధికారులు తెలిపారు.
కవితను సీబీఐ విచారించనుండటం తెలంగాణలో రాజకీయ వేడి రగిలిస్తోంది. ఢిల్లీ లిక్కర్ స్కాంలో కవిత అరెస్ట్ తప్పదంటూ రాష్ట్ర బీజేపీ నేతలు ఇప్పటికే ఊదరగొడుతున్నారు. వాళ్ల మాటలే నిజమైతే.. ఈ కేసులో కవితను వాంగ్మూలంతోనే సరిపెడతారా? అరెస్ట్ కూడా చేస్తారా? అనే ఉత్కంఠ మాత్రం కొనసాగుతోంది.
ఢిల్లీ లిక్కర్ స్కాంలో సౌత్ గ్రూప్ పేరుతో 100 కోట్ల ముడుపులు ఇచ్చినట్టు.. కవితతో పాటు వైసీపీ ఎంపీ మాగుంట శ్రీనివాసులురెడ్డి పేరునూ రిమాండ్ రిపోర్టులో చేర్చింది సీబీఐ. అయితే, మాగుంట విచారణపై ఇప్పటికైతే ఎలాంటి సమాచారం లేదు.. కవిత విషయంలో మాత్రం సీబీఐ దూకుడుగా వ్యవహరించడం వెనుక రాజకీయ కోణం ఉందనేది టీఆర్ఎస్ ఆరోపణ. నిజానిజాలు ఎలా ఉన్నా.. కవిత ఇంటికి సీబీఐ అధికారులు రావడం మాత్రం.. ఆమె ఇమేజ్ కు, అధికార పార్టీకి భారీ డ్యామేజే అంటున్నారు. మరి, విచారణలో కవిత ప్రమేయంపై క్లారిటీ వస్తే.. ఈ కేసులో మరింత ఉచ్చు బిగిసే అవకాశం కూడా లేకపోలేదు.
Share
Pooja Hegde : అమ్మా.. బుట్టబొమ్మ ఎంత పని చేశావమ్మా!
NTR Voice Over : సాయిధరమ్ సినిమాకు ఎన్టీఆర్ వాయిస్ ఓవర్
