Hyderabad News: సాకర్ స్టార్ ప్లేయర్ లియోనల్ మెస్సీ హైదరాబాద్ టూర్పై ఆసక్తి మొదలైంది. ‘గోట్ ఇండియా టూర్’లో భాగంగా మెస్సీ భాగ్యనగరానికి రానున్నాడు. డిసెంబర్ 13న ఉప్పల్ స్టేడియం వేదికగా ఎగ్జిబిషన్ మ్యాచ్ జరగనుంది. ఆ మ్యాచ్లో మెస్సీ ఆడనున్నాడు. ఆయనతో తలపడేందుకు సీఎం రేవంత్రెడ్డి సిద్ధమవుతున్నారు. అందుకోసం ముమ్మరంగా ప్రాక్టీసు చేస్తున్నారు.
ఫుట్బాల్ మ్యాచ్ ప్రాక్టీసులో సీఎం రేవంత్రెడ్డి
ఆదివారం రాత్రి సెక్రటేరియట్లో సమావేశం తర్వాత MCHRD గ్రౌండ్లో ప్రాక్టీస్ చేశారు సీఎం రేవంత్రెడ్డి. బిజీ షెడ్యూల్లో ప్రాక్టీస్లో పాల్గొన్నారు. రేవంత్రెడ్డి యాక్టివ్గా రన్నింగ్ చేస్తూ మైదానంలో మ్యాచ్ ఆడిన తీరుని చూసి రెగ్యులర్ ప్లేయర్లు ఆశ్చర్యపోయారు. సుమారు గంటసేపు ప్రాక్టీసులో పాల్గొన్నట్లు తెలుస్తోంది.
సెలబ్రిటీ ఫ్రెండ్లీ మ్యాచ్లో మెస్సీ టీమ్తో మరో జట్టు తలపడనుంది. ఆ టీమ్కి సీఎం రేవంత్రెడ్డి సారథ్యం వహించే అవకాశముంది. ఆర్ఆర్9 జెర్సీతో బరిలోకి దిగనుంది సీఎం టీమ్. ప్రభుత్వ పాఠశాలకు చెందిన ఫుల్బాల్ ఆటగాళ్లు ఆడుతారని సమాచారం.
మెస్సితో మ్యాచ్ కోసం ముమ్మరంగా సాధన
సాకర్ ప్లేయర్ మెస్సీతో తలపడే ఈ మ్యాచ్లో సెంటర్ ఫార్వర్డ్ పొజిషన్లో ముఖ్యమంత్రి ఆడతారని తోటి ఆటగాళ్లు చెబుతున్నారు. ఫుట్బాల్ గేమ్ ఎంతగానో ఇష్టపడతారు రేవంత్రెడ్డి. మెస్సీతో మ్యాచ్ కోసం బిజీ షెడ్యూల్లో రాత్రి వేళ ముమ్మరంగా ప్రాక్టీస్ చేస్తున్నారు. పైన కనిపిస్తున్న ఫోటో కూడా అందులోనిది.
ALSO READ: ప్రజా పాలనకు రెండేళ్లు.. జిల్లాల పర్యటనకు సీఎం రేవంత్ శ్రీకారం
సెలబ్రిటీల మ్యాచ్తో హైదరాబాద్ స్పోర్ట్స్ స్పిరిట్ను హైలైట్ చేశారు. తెలంగాణ రైజింగ్లో క్రీడా రంగాన్ని ప్రోత్సహించేందుకు సీఎం రేవంత్ రెడ్డి రకరకాల చర్యలు చేపడుతున్నారు. ఈ నేపథ్యంలో కీలకమైన నిర్ణయాలను తీసుకుంటున్నారు. మెస్సీ పర్యటన గురించి సీఎం రేవంత్రెడ్డి స్వయంగా ఎక్స్ వేదికగా వెల్లడించారు. మరోవైపు మెస్సీ టూర్ ఏర్పాట్లను అధికారులు ప్రత్యేకంగా పర్యవేక్షించనున్నారు.
Share
MSVPG: 500 మంది డ్యాన్సర్స్ తో చిరు ,వెంకీ పవర్ ఫుల్ సాంగ్..రంగంలోకి స్టార్ కొరియోగ్రాఫర్!
Pumpkin Seeds: ఈ గింజలను పారేస్తున్నారా? ప్రాణాలను కాపాడే పోషక నిధి ఇదే..
