Aghori: స్టైల్ మార్చిన అఘోరీ.. న్యూటర్న్ తీసుకొని శ్రీనివాస్‌గా మారబోతున్నాడా?

Aghori: అప్పుడే ఏడ్వడం.. అప్పుడే శాపనార్థాలు.. అప్పుడే దేవాలయాల సందర్శనలు.. అప్పుడే పీఠాల పర్యటనలు.. ఎప్పుడు ఎక్కడ ప్రత్యక్షమవుతుందో తెలియదు. ఇదంతా తెలుగు రాష్ట్రాల్లో హాట్ టాపిక్ అయిన లేడీ అఘోరీ నాగసాధువు గురించే. రకరకాల డౌట్లు, రకరకాల ఊహాగానాల మధ్య అఘోరీ హైటెన్షన్ తెలుగునాట వాతావరణాన్ని వేడెక్కిస్తోంది. వెనకా ముందూ ఎవరూ కనిపించడం లేదు. సనాతన ధర్మం, మహిళల రక్షణే ధ్యేయమంటూ సింగిల్ గానే చక్రం తిప్పుతుండడం చర్చనీయాంశంగా మారింది.

తాజాగా అఘోరీ కొత్త అవతారంలో ప్రత్యక్షమైంది. గడ్డం, మీసాలతో హల్చల్ చేసింది. గత కొద్ది కాలంగా సంచిరిస్తున్న అఘోరీ మొదట తను లేడీనని ప్రచారం చేసింది. ఆ తర్వాత అమె తల్లి దండ్రులు అమ్మాయి కాదు అబ్బాయి కాదు ట్రాన్స్‌జెండర్ అని చెప్పడంతో నిర్ధారణ అయింది. కొన్నాళ్ల నుంచి తెలుగు రాష్ట్రాల్లో నగ్నంగా సంచరిస్తూ పలు విమర్శలు ఎదుర్కొంది. ప్రస్తుతం గడ్డం, మీసాలతో, గాజులు వేసుకుని కారులో కూర్చున్న అఘోరీతో.. ఓ మహిళ వాగ్వాదానికి దిగింది. మంత్రాలు చేయడానికి వచ్చావా అంటూ ఆ మహిళ ప్రశ్నించింది. ప్రస్తుతం ఈ వీడియో నెట్టింట సంచలనంగా మారింది.

భగవంతుడికి. భక్తుడికి మధ్య అనుసంధానంగా తానున్నానంటూ లేడీ అఘోరీ నాగసాధువు తెలుగునాట ప్రత్యక్షమైంది. సికింద్రాబాద్ ముత్యాలమ్మ ఆలయంలో విగ్రహం ధ్వంసం తర్వాత ఒక్కసారిగా తెరపైకి వచ్చింది. ఒంటికాలిపై పూజలు చేసింది. సనాతన ధర్మాన్ని కాపాడుతానంది. లోక కల్యాణం కోసం జనంలోకి రాక తప్పలేదన్నది. క్లుప్తంగా ఇదీ లేడీ అఘోరి కథ. కానీ ఆమె ఎక్కడ పర్యటనకు వెళ్లినా ఏదో ఒక అలజడి మాత్రం కనిపిస్తూనే ఉంది. పోలీసులకు కూడా ఈ మ్యాటర్ ఎలా డీల్ చేయాలో తెలియని పరిస్థితి. ఎందుకంటే అంతా కొత్త. పైగా మహిళ అంటున్నారు. దిగంబంరంగా తిరుగుతున్నారు. ముట్టుకుంటే ఏమవుతుందో తెలియదు.. పట్టుకుంటే ఎలాంటి పరిణామాలుంటాయో అర్థం కావట్లేదు. అందుకే సింపుల్‌గా రాష్ట్ర సరిహద్దులు దాటించి సేఫ్ అనుకుంటున్నారు.

నిజానికి అఘోరాలు, అఘోరీలు, నాగసాధువులు జనంలో కనిపించరు. ఎక్కడో కాశీ, హరిద్వార్, హిమాలయాలు, కొండలు, గుహలే వీరి ఆవాసాలు. కుంభమేళా వంటివి వచ్చినప్పుడే పుణ్య స్నానాల కోసం అది కూడా గుంపులు గుంపులుగా వస్తుంటారు. స్నానాలు చేసి తిరిగి వెళ్తుంటారు. వారు ఎక్కడికి వెళ్తారో కూడా తెలియదు. అలా తమ గోప్యత పాటిస్తారు. సింగిల్‌గా ఎక్కడా తిరగరు. కనిపించరు కూడా.. కానీ తెలుగునాట తిరుగుతున్న లేడీ అఘోరి కథే వేరుగా కనిపిస్తోంది. పొంతనలేని మాటలు, సంబంధం లేని చర్యలు.. వీటి గురించే చాలా మంది క్వశ్చన్ చేస్తున్నారు.

Also Read: అఘోరీ మాత కారు మొరాయింపు.. పాదయాత్రగా పయనం.. ఎక్కడికో తెలుసా?

ఇక ఇటీవల లేడీ అఘోరి నాగసాధువు మాటలు వింటే.. తనకు ఇంకా 30 ఏళ్ల పాటు మరణం లేదని, ఆ తర్వాత తానే ప్రాణార్పణ చేసుకుంటానని చెబుతున్నారు. సీన్ కట్ చేస్తే శ్రీకాళహస్తిలో ప్రత్యక్షమైంది. అక్కడికి వెళ్లిన లేడీ అఘోరిని అక్కడి సిబ్బంది అడ్డుకున్నారు. వస్త్రధారణపై ప్రశ్నించారు. దుస్తులుంటేనే లోపలికి అనుమతిస్తామన్నారు. తన శివయ్యను అలాగే దర్శించుకుంటానని అఘోరీ వాదించింది. కోపగించుకుంది. శపించేందుకు సిద్ధమైపోయింది. వెంటనే కారులో పెట్రోల్ క్యాన్ ను బయటకు తీసి ఇదిగో ఇలా ఒంటిపై పోసుకుంది. అక్కడే ఆత్మార్పణ చేసుకుంటాననన్నది. వెంటనే మహిళా పోలీసులు, ఇతర మహిళలు వచ్చి నచ్చజెప్పి సర్ది చెప్పి అక్కడి నుంచి పంపించారు.

30 ఏళ్ల పాటు ఇంకా జీవితకాలం ఉందని చెబుతున్న ఈ అఘోరీ.. శ్రీకాళహస్తిలో చేసిందేమిటన్న ప్రశ్నలు వస్తున్నాయి. నిజానికి సనాతన ధర్మం కోసమైనా, మహిళల రక్షణ కోసమైనా.. చాలా రకాల పనులు జరుగుతున్నాయి. అయితే అఘోరీ మాత్రం తన టైం వచ్చిందని తెలుగు రాష్ట్రాల్లో ప్రత్యక్షమవడం, ఎక్కడికెళ్లినా అలజడి, హైటెన్షన్ పెరగడం కామన్‌గా మారాయి. ముఖ్యంగా పోలీసులకు ఈ మ్యాటర్ ఎలా డీల్ చేయాలో తెలియడం లేదు. అగ్రెసివ్‌గా వెళ్తే ఒక సమస్య, అలాగే వదిలేద్దామనుకుంటే ఇంకో సమస్య.

అఘోరాలు, అఘోరీలు, నాగసాధువుల లెక్క వేరుగా ఉంటుంది. వారి పర్యటనలు రహస్యంగా సాగుతుంటాయి. కానీ ఇక్కడ లేడీ అఘోరి రూటే సపరేటుగా ఉండడంతో వెళ్లిన ప్రతి చోటా అలజడి రేగుతోంది. మొన్నటికి మొన్న తెలంగాణలో కొండగట్టు అంజన్న, కొమురవెల్లి మల్లన్న, వేములవాడ రాజన్న దర్శనాలతో వాతావరణం వేడెక్కింది. మరోవైపు ఏపీలో పవన్ కళ్యాణ్ ని కలవాలంటూ హల్ చల్ చేసింది. అఘోరి మాత స్వస్థలం మంచిర్యాల జిల్లా కుష్నపల్లి. చిన్నప్పుడే ఇంటి నుంచి వెళ్లిపోయారని, తల్లిదండ్రులు అంటున్నారు. అఘోరి మాతగా మారితే తాము చేసేదేమీ లేదంటున్నారు.