Shahid Afridi: నా అల్లుడు బంగారం..బాల్ ట్యాంపరింగ్ చేసింది ఆ దొంగ‌లే

Shahid Afridi: పాకిస్తాన్ సూపర్ లీగ్ 2026 టోర్నమెంట్ ( PSL 2026) నేపథ్యంలో బాల్ టాంపరింగ్ ( Ball Tampering) వ్యవహారం దుమారం రేపుతున్న సంగతి తెలిసిందే. ఈ సంఘటన లో లాహోర్ జట్టుకు సంబంధించిన కెప్టెన్ షాహీన్ అఫ్రిదీ, ఫఖ‌ర్ జమాన్ అలాగే హ‌రిస్ ర‌వూఫ్‌ ఇరుక్కున్నారు. బంతిని తీసుకొని ఆకారం మార్చేందుకు ముందుగా ఫఖ‌ర్ జమాన్ ప్రయత్నించాడు. దీంతో ఈ ముగ్గురిపై చర్యలు ఉంటాయని సోషల్ మీడియాలో వార్తలు వస్తున్నాయి. ఈ క్రమంలో బాల్ టాంపరింగ్ వ్యవహారంపై షాహిద్ అఫ్రిదీ స్పందించారు. తన అల్లుడు బంగారం అని.. ఈ బాల్ టాంపరింగ్ కు షాహీన్ అఫ్రిదీకి ఎలాంటి సంబంధం లేదని బాంబు పేల్చారు షాహిద్ అఫ్రిదీ. దీంతో షాహిద్ అఫ్రిదీ చేసిన వ్యాఖ్య‌లు వైర‌ల్ గా మారాయి.

Also Read: PSL 2026: PSLను అత‌లాకుత‌లం చేసిన తుఫాన్‌..గాల్లో ఎగిరిప‌డ్డ గ్రౌండ్ మెన్లు

నా అల్లుడు బంగారం.. చేసిందంతా వాళ్లే

పాకిస్తాన్ సూపర్ లీగ్ 2026 టోర్నమెంట్ నేపథ్యంలో బాల్ టాంపరింగ్ వ్యవహారంలో షాహీన్ అఫ్రిదీపై కూడా బ్యాన్ విధిస్తారని సోషల్ మీడియాలో వార్తలు వస్తున్నాయి. ఇలాంటి క్రమంలో పాకిస్తాన్ మాజీ కెప్టెన్ షాహిద్ అఫ్రిదీ వివాదాస్పద వ్యాఖ్యలు చేశారు. బాల్ టాంపరింగ్ వ్యవహారం పాకిస్తాన్ సూపర్ లీగ్ 2026 టోర్నమెంట్ లో చోటు చేసుకోవడం బాధాకరమన్నారు. ఇందులో షాహీన్ అఫ్రిదీ ప్రమేయం లేదని.. తన అల్లుడు బంగారం అంటూ వ్యాఖ్యానించారు. హరిస్ ర‌వూఫ్‌ అలాగే ఫఖ‌ర్ జమాన్ ఇద్దరు కలిసి ఈ బాల్ టాంపరింగ్ వ్యవహారంలో పాల్గొన్నారని తెలిపారు. కావాలనే తన అల్లుడిపై నిందలు వేస్తున్నారని మండిపడ్డారు. తన అల్లుడిపై చర్యలు తీసుకుంటే న్యాయపోరాటం చేస్తానని కూడా ప్రకటించారు షాహిద్ అఫ్రిది.

బాల్ టాంపరింగ్ సంఘటన ఎప్పుడు జరిగిందంటే ?

పాకిస్తాన్ సూపర్ లీగ్ 2026 టోర్నమెంట్ ( PSL 2026) సందర్భంగా బాల్ టాంపరింగ్ ( ball tampering in PSL ) వ్యవహారం జరిగింది. మొన్నటి ఆదివారం రోజున లాహోర్ ఖ‌లింద‌ర్స్‌ వర్సెస్ కరాచీ కింగ్స్ మధ్య మ్యాచ్ జరిగింది. ఇందులో లాహోర్ చేసిన తప్పిదానికి కరాచీ కింగ్స్ అవలీలగా విజయం సాధించింది. చివరి ఓవర్ లో 14 బంతులు కావాల్సి ఉన్న నేపథ్యంలో లాహూర్ జట్టుకు సంబంధించిన ఫఖ‌ర్ జమాన్ బాల్ టాంపరింగ్ చేశాడు. కెప్టెన్ షాహీన్ అఫ్రిదీ, ఫఖ‌ర్ జమాన్ అలాగే హ‌రిస్ ర‌వూఫ్… ఈ ముగ్గురు ఒకే దగ్గర ఉన్నప్పుడు బాల్ టాంపరింగ్ జరిగినట్లు అంపైర్లు గుర్తించారు. ఈ క్రమంలోనే ఐదు పరుగుల పెనాల్టీ కూడా విధించారు. ఇక త్వరలోనే ఈ ముగ్గురి పైన‌ కూడా యాక్ష‌న్ తీసుకునే ఛాన్సులు కనిపిస్తున్నాయి. అయితే తన అల్లుడికి ఇలాంటి సంబంధం లేదని తాజాగా షాహిద్ అఫ్రిదీ వెల్లడించారు. ఇక అటు ఈ పాకిస్తాన్ సూప‌ర్ లీగ్ 2026 టోర్న‌మెంట్ లో న‌సీమ్ షా వివాదం కూడా కొన‌సాగుతోన్న సంగ‌తి తెలిసిందే.

Also Read: Shahid Afridi: నాకు ఛాన్స్ ఇవ్వండి..టీమిండియాకు 100 మంది బుమ్రాల‌ను త‌యారు చేస్తా

https://www.facebook.com/photo/?fbid=122176316114797381&set=a.122094037550797381