Serena : సెరెనా విలియమ్స్ మళ్లీ టెన్నిస్ కోర్టులో అడుగుపెట్టబోతోంది. గత ఆగస్ట్ 9న ప్రొఫెషనల్ టెన్నిస్ కు వీడ్కోలు పలుకుతున్నట్లు ప్రకటించిన ఈ అమెరికా నల్లకలువ… తన నిర్ణయాన్ని మార్చుకుంటున్నట్లు సంచలన ప్రకటన చేసింది. తాను మళ్లీ బరిలోకి దిగడం ఖాయమని సెరెనా సంకేతమిచ్చింది.
తన వ్యాపార ప్రమోషన్లో భాగంగా నిర్వహించిన ఓ కార్యక్రమంలో మాట్లాడిన సెరెనా… తాను రిటైర్ కాలేదని వ్యాఖ్యానించింది. ఆట నుంచి తనను ఎవరూ దూరం చేయలేరని, ఇప్పటికీ తాను ఇంట్లో ప్రాక్టీస్ చేస్తున్నానని చెప్పుకొచ్చింది. రీ ఎంట్రీపై ఆమె హింట్ ఇవ్వ డంతో… అంతా ఒక్కసారి షాకయ్యారు. 2022 యూఎస్ ఓపెన్ మూడో రౌండ్లో నిష్క్రమించిన సెరెనాకు గ్రాండ్ గా వీడ్కోలు పలికిన నిర్వాహకులు, అభిమానులు… ఆమె మాటలకు అవాక్కవుతున్నారు.
కెరీర్ లో ఇప్పటిదాకా 23 గ్రాండ్స్లామ్లు గెలిచింది… సెరెనా విలియమ్స్. 41 ఏళ్ల ఈ నల్లకలువ… 2017లో తన చివరి గ్రాండ్ స్లామ్ ను గెలిచింది. అస్ట్రేలియన్ ఓపెన్ టైటిల్ సాధించింది. అదే సెంటిమెంట్ తో… వచ్చే ఏడాది ఆరంభంలో జరిగే ఆస్ట్రేలియన్ ఓపెన్ ద్వారా సెరెనా మళ్లీ టెన్నిస్ కోర్టులో ఆడుగుపెట్టే అవకాశాలు ఉన్నాయంటున్నారు… విశ్లేషకులు.
Share
Australia : శ్రీలంకపై ఆస్ట్రేలియా ఘన విజయం
Tesla : ఆపిల్ కు దీటుగా టెస్లా "పై"!
