Shikhar Dhawan: టీమ్ ఇండియా క్రికెట్ లో.. శిఖర్ ధావన్ ది ఒక శకం అని చెప్పాలి. సుమారు 13 ఏళ్లు భారత క్రికెట్ కు తను సేవలందించాడు. ఓపెనర్ గా వచ్చి ఎటాకింగ్ ప్లేకి కేరాఫ్ అడ్రస్ గా నిలిచాడు. తను క్రీజులో ఉన్నాడంటే, ప్రత్యర్థులకి హడల్ అని చెప్పాలి. అసలు భయమన్నదే ఎరుగని క్రికెటర్ గా శిఖర్ ధావన్ పేరు తెచ్చుకున్నాడు. అలాంటి తను సడన్ గా రిటైర్మెంట్ ప్రకటించేసరికి పలువురు సీనియర్ క్రికెటర్లు స్పందించారు. భారత క్రికెట్ లో నువ్వు ఒక శిఖరం అంటూ ఆకాశానికెత్తేశారు. ఇంతకీ వారేమన్నారంటే..
ముందుగా భారత కోచ్ గౌతమ్ గంభీర్ మాట్లాడుతూ “నువ్వు ఏ రంగాన్ని ఎంచుకున్నా ఇదే ఉత్సాహంతో పనిచేస్తావని, చేయాలని ఆశిస్తున్నాను. నువ్వు ఇంతకాలం భారత క్రికెట్ కు చేసిన సేవలు అద్భుతమైనవి.. నీ కెరీర్ కు అభినందనలు” అని తెలిపాడు.
Congratulations Shiki on a fantastic career! I know you will spread the same joy through everything you take up in the future! @SDhawan25 pic.twitter.com/yE3mQjKXj5
— Gautam Gambhir (@GautamGambhir) August 24, 2024
ఇక డాషింగ్ ఓపెనర్ వీరేంద్ర సెహ్వాగ్ మాట్లాడుతూ “ధావన్.. శుభాకాంక్షలు. నువ్వు కూడా మా టీమ్ లో జాయిన్ అవుతున్నావ్.. మొహలీలో ఆడేటప్పుడు నువ్వు నా స్థానంలో వచ్చావు. అప్పటి నుంచి అద్భుతమైన ప్రదర్శన ఇచ్చావు. ఇక నుంచి కుటుంబ సభ్యులతో నీ జీవితాన్ని ఆనందంగా గడపాలని కోరుకుంటున్నాను” అని తెలిపాడు.
భారత మాజీ క్రికెటర్ వసీం జాఫర్ మాట్లాడుతూ “నువ్వు రికార్డుల కోసం ఎప్పుడూ ఆడలేదు. ఎప్పుడు జట్టు గెలుపు కోసమే కష్టపడ్డావు. అదే నీ గొప్పతనం మిత్రమా.. నీకు అభినందనలు” అని తెలిపాడు.
Also Read: టీమిండియా ఆటగాడు శిఖర్ధావన్.. రిటైర్మెంట్ ప్రకటన.. కాకపోతే
ఐపీఎల్ ఫ్రాంచైజీ పంజాబ్ కింగ్స్ నుంచి ఒక ప్రకటన వచ్చింది. హ్యాపీ రిటైర్మెంట్ గబ్బర్ అంటూ రాసుకొచ్చారు. “నువ్వు పంజాబ్ కింగ్స్ కి అందించిన విజయాలు చిరస్మరణీయం. ఆ వేడుకలు ఇంకా మరిచిపోలేం. నువ్వు చేసిన పరుగులు, అందించిన ట్రోఫీలు, ఎన్నో జ్నాపకాలు పంజాబ్ కింగ్స్ ప్రయాణం నిండా ఉన్నాయి. నీ తర్వాత జీవితం మరింత అందంగా, అద్భుతంగా ఆనందమయం కావాలని కోరుకుంటున్నాను.”
బీసీసీఐ నుంచి కూడా ఒక ప్రకటన వచ్చింది. “నీ భవిష్యత్ జీవితం ఆనందమయం కావాలని కోరుకుంటున్నాం. నువ్వు దేశవాళి, అంతర్జాతీయ క్రికెట్ లో భారత్ కి చేసిన సేవలు మరిచిపోలేం. టీమ్ ఇండియా నుంచి ఒక మంచి క్రికెటర్ దూరమయ్యాడు.”
Impactful with the bat 💪
Memorable opening knocks 💯
And a pure smile on his face throughout 🤗𝙏𝙝𝙖𝙣𝙠 𝙔𝙤𝙪 𝙎𝙝𝙞𝙠𝙝𝙖𝙧 𝘿𝙝𝙖𝙬𝙖𝙣 🫡@SDhawan25 | #TeamIndia pic.twitter.com/U3ycf7GGvZ
— BCCI (@BCCI) August 24, 2024
వీరే కాకుండా అభిమానులు కూడా నెట్టింట బాధాతప్త హృదయంతో పలు సందేశాలు రాస్తున్నారు. మొత్తానికి గబ్బర్ గా పిలుచుకునే ధావన్ మరి క్రికెట్ ప్రపంచంలోనే ఉంటాడా? సీనియర్ల తరహాలో మెంటర్ గా పనిచేస్తాడా? అనేది తేలాల్సి ఉంది.
Share
SpaceX NASA Astronauts: అంతరిక్షంలో చిక్కుకున్న ఆస్ట్రోనాట్స్ ని తీసుకురాబోతున్న ఇలాన్ మస్క్.. నాసా ప్రకటన!
Russian jail clashes :రష్యన్ జైలులోకొట్టుకున్న ఖైదీలు..ఎనిమిది మంది మృతి
