కవిత పార్టీ పేరును చివర వరకు సస్పెన్స్లో ఉంచడంలో సక్సెసయ్యారని మనం గతంలో చెప్పుకున్నాం. తెలంగాణ రాష్ట్ర సేన అని టీఆరెస్ పేరు వచ్చేలా ఆమె రాజకీయ పార్టీని స్థాపించడమంటేనే ఆమె టార్గెట్ ఎవరో అందరికీ తెలిసిపోయింది. రాష్ట్రంలో ప్రతిపక్షం, ప్రధాన ప్రతిపక్షం రెండూ బీఆరెస్సే. అందుకే కవిత టార్గెట్ కూడా బీఆరెస్సే. తెలంగాణ పేరును తీసేసి.. తన ఉనికిని, ఇక్కడి ఆత్మను దూరం చేసుకున్నారు కేసీఆర్. అందుకే కవిత తన రాజకీయ పార్టీ పేరులో దీన్నే ప్రధానంగా తీసుకున్నారు.
ఇప్పుడు ఇదే ప్రామాణికం కూడా కానున్నది. బీఆరెస్ అని పేరు పెట్టిన సందర్భంలోనే చాలా విమర్శలు వచ్చాయి. ఇది పక్కా కేసీఆర్ నిర్ణయమే. కేసీఆర్ ఒక్కసారి నిర్ణయం తీసుకున్నారంటే దానికి తిరుగులేదు. ఆయన చుట్టూ ఉన్న భజన బ్యాచ్ దీనికి భజంత్రీలు కొట్టడమే తప్ప.. ఇది తప్పు.. దీని వల్ల నష్టం జరుగుతుంది. ఇలాంటి చర్యలు ప్రజలకు నచ్చవు.. దూరమవుతారు..అనే హిత వ్యాఖ్యలు వారికి రావు. కేసీఆర్కు తన దగ్గర తనకు సలహాలు, సూచనలు ఇచ్చే వారుండొద్దు.. ఆయన నిర్ణయాలకు జేజేలు కొట్టేవారుండాలి. ఆయన పాలనకు భుజకీర్తులు తగిలించి పొగడ్తల మత్తును జల్లే మందీ బార్బలమే కావాలి. అందుకే పదేళ్ల పాలనలో ఆయన ఏం చేసినా.. ఎవరూ వ్యతిరేకించలె. కిమ్మనలే. బీఆరెస్ పార్టీ పేరు పెట్టినప్పుడు కూడా అందే. దీని వల్ల తరువాత క్రమంలో బీఆరెస్ ప్రజలకు ఎలా దూరమైంది.
పతనమవుతూ వస్తున్న క్రమం అంతా చూస్తూనే ఉన్నారు. ఈ పరిణామలను కవిత నిశితంగా పరిశీలిస్తూ వస్తున్నారు. మనం గతంలో చెప్పుకున్నట్టుగానే కేసీఆర్ చేసిన తప్పిదాలు, లోపాలనే ఆమె తన కొత్త పార్టీకి పాఠాలుగా తీసుకున్నారు. తన ఎజెండాను అదే విధంగా రూపొందించుకున్నారు. పార్టీ పేరును ఆమె టీఆరెస్ అని ప్రకటించిన తరువాత అందరి కన్నా ముందుగా.. అవాక్కయ్యింది.. నివ్వెరపోయిది.. బీఆరెస్సే. కేటీఆర్, కేసీయారే! అవును. ఆమె సమయం, సందర్భం చూసి, అదును చూసి కొట్టిన ఈ దెబ్బ బలంగానే తాకింది వారికి. ఈ ఒక్క పరిణామాన్ని చూస్తే చాలు కవిత రూటు ఎలా ఉండబోతుంది. ఆమె పంథా ఎట్లా సాగబోతున్నది.
టీఆరెస్ అంటేనే ఒకప్పుడు ఇంటి పార్టీ. అంతలా అది తెలంగాణ ప్రజల మనోభావాలతో, భావోద్వేగాలతో కలసగలి ఉన్నది. అలాంటి పార్టీని దూరం చేసుకున్నారు. పార్టీ పేరు మార్చారు. విధనాలూ మారాయి. ఇప్పుడు అదే పేరును మళ్లీ తన కొత్త పార్టీకి పెట్టుకుని.. ఇంటి పార్టీగా తన పార్టీ ఆ పాత్రను పోషించనుందని నేరుగా జనానికి అప్పీలు చేసుకున్నారు కవిత.
Share
ఏసీ కోచ్లో చెత్త టాయిలెట్లు, రైల్వేకు భారీ జరిమానా!
భార్య కావాల్సిందే.. లేదంటే దూకేస్తా! రేడియో టవర్ పై భర్త హైడ్రామా...వైరల్ వీడియో
