కేటీఆర్ను సీఎం చేయడమే కేసీఆర్కున్న ఏకైక జీవిత లక్ష్యం. ఆయన రాజకీయ జీవిత చరమాంకంలో ఇదొక్కటి సాధించి తరువాత శాశ్వతంగా రాజకీయాలకు దూరమైనా సరే.. అనే భావనలో ఉన్నాడు. తన అంతర్గత మిత్రులతో .. అత్యంత సన్నిహితులతో ఆయన చెప్పుకునే మాట ఇదే.
ఇప్పుడీ టాపిక్ ఎందుకొచ్చిందంటే.. కేటీఆర్ మొన్న ఓ మాటన్నాడు. బీఆరెస్ గెలిస్తే కేసీఆర్ సీఎం అవుతాడు… కాంగ్రెస్ గెలిస్తే రేవంత్ సీఎం అవుతాడు..! మరి సీఎం క్యాండిడేట్ ఎవరో కూడా తెలియకుండా.. అసలు ఆ క్యాండేటే లేకుండా బీజేపీ ఎట్లా అధికారంలోకి వస్తుంది? అని.
ప్రశ్న బాగానే ఉంది. బీజేపీ నేతలు దీనిపై చర్చించుకోవాలి కూడా. సఖ్యత పెంచుకోవాల్సిన అనివార్యతను కూడా కేటీఆర్ వ్యాఖ్యలు తెలియజేశాయి. ఇప్పుడు ఇది కాదు ముచ్చట.. కేసీఆర్ సీఎం అనేది పైకి చెప్పే మాటే.. కానీ బీఆరెస్ గెలిస్తే.. వెంటనే కేసీఆర్ చేసే పనేంటో తెలుసా? వెంటనే కేటీఆర్ను సీఎంను చేయడం.
పదేండ్ల పాలనలో ముచ్చటగా ఆయన మూడు సార్లు కేటీఆర్ను సీఎం చేయాలని ట్రై చేశాడు. కానీ పరిస్థితులు అనుకూలించలేదు. సోనియా గాంధీ .. రాహుల్ విషయంలో చేసిన పొరపాటు తాను చేయబోనని కేసీఆర్ చాలా సార్లు చెప్పుకున్నాడు. ఒక్కసారి రాహుల్ను ప్రధాని చేసి ఉంటే.. ఓడినా మాజీ ప్రధాని హోదాలో.. రాజకీయాల్లో బలంగా చెలామణి అయి ఉండేవాడని ఆయన ఉవాచ.
అందుకే కేటీఆర్ను ఒక్కసారి సీఎం చేస్తే.. ఇక తన పని ముగుస్తుందని, అది నిలబెట్టుకుంటాడా? పోగొట్టుకుంటాడా? తనే చూసుకుంటాడనే దోరణిలో ముందుకు సాగాడు కేసీఆర్. ఇప్పుడు ఆ పార్టీ మొత్తం.. కేసీఆర్ సీఎం అంటుంది. జనం కూడా కేసీఆర్ వైపే ఉంటారు తప్ప.. ఒకవేళ కేటీఆర్ సీఎం అభ్యర్థిగా ఎన్నికల్లోకి పోతే అంతా తుస్సుమంటుందని వారికి తెలుసు.
అందుకే కేటీఆర్ కూడా సీఎంగా కేసీఆర్.. కేసీఆర్ సీఎం… అని జనాలకు ఫీడ్ బ్యాక్ ఇస్తున్నాడు. ఈసారి కచ్చితంగా ఎలాగోలా బీఆరెస్ను ఒంటిచేత్తో గెలిపించి.. ఆ వెంటనే తెలంగాణకు కేటీఆర్ను సీఎం చేయాలనేది కేసీఆర్ స్పష్టమైన నిర్ణయం. ఇది దాదాపు అందరికీ తెలుసు. కానీ బయటకు చెప్పరు. అంతే కొందరి జాతకాలు..అంతే!
నేరుగా పదవీయోగ్యత ఉండదు.. ఇలా తండ్రి చాటుగా.. పేరొకరిది ఊరొకరిది టైపు..గా వస్తే గానీ పదవీ యోగ్యం దొరకదు. ఇప్పుడు ఇదే చేస్తున్నారు బీఆరెస్లో. ఆ పదేండ్లలో కేటీఆర్ ఏం తక్కువ చెలాయించుకున్నాడా? ఆయనో షాడో సీఎం. కానీ ఇది చాలదుగా. సీఎంగా కుర్చీ ఎక్కి.. తెలంగాణ రాష్ట్ర చరిత్రలో సీఎంల పేర్ల లిస్టులో కల్వకుంట్ల తారక రామారావు.. తెలంగాణ ముఖ్యమంత్రి.. అని లిఖించబడి ఉండాలె. అది కదా అసలు కోరిక. ఇది కదా ఆ పెద్దాయన చివరి కోరిక.
Share
లాండ్రీ డ్రైయర్లో అల్యూమినియం ఫాయిల్.. ప్రతి గృహిణీ తెలుసుకోవాల్సిన సీక్రెట్ ట్రిక్!
విజయ్ 'జన నాయగన్' సినిమాలో మార్పులు.. ఆ సీన్స్ అన్నీ కట్!
