Bha Bha Ba OTT : రిలీజై నెలకూడా కాకముందే ఓటీటీలోకి మలయాళం కామెడీ డ్రామా… ఏ ఓటీటీలో ఎప్పుడు చూడొచ్చంటే ?

Bha Bha Ba OTT : ప్రముఖ మలయాళం నటుడు దిలీప్ నటించిన కామెడీ చిత్రం “భభబ” డిజిటల్ స్ట్రీమింగ్ కి సిద్ధమైంది. థియేటర్లలో విడుదలై నెల రోజులు కూడా పూర్తి కాకముందే ఓటీటీ ప్లాట్‌ఫామ్‌లలో విడుదల కానుంది. తాజాగా ఈ మూవీ ఓటీటీ రిలీజ్ డేట్ ను అఫిషియల్ గా అనౌన్స్ చేశారు. మరి ఈ మూవీని ఏ ఓటీటీలో, ఎప్పుడు చూడవచ్చు ? దాని కథ ఏంటో తెలుసుకుందాం పదండి.

జీ5 ఓటీటీలో స్ట్రీమింగ్

మలయాళ అగ్రనటుడు దిలీప్ నటించిన లేటెస్ట్ మూవీ ‘భభబ'(Bha Bha Ba). భయం భక్తి బహుమానం అనేది ఆ టైటిల్ ఫుల్ ఫామ్. శ్రీ గోకులం మూవీస్ బ్యానర్ ‌పై గోకులం గోపాలన్, కృష్ణమూర్తి సంయుక్తంగా నిర్మించిన ఈ మూవీకి ధనంజయ్ శంకర్ దర్శకత్వం వహించారు. మలయాళ సూపర్‌స్టార్ మోహన్‌లాల్ ఇందులో గెస్ట్ రోల్ లో కన్పించారు. బాలు వర్గీస్, బైజు సంతోష్, శరణ్య, సిద్ధార్ధ్, అశోకన్, వినీత్ శ్రీనివాసన్, ధ్యాన్ శ్రీనివాసన్, సాండీ తదితరులు ఈ సినిమాలో కీలక పాత్రల్లో నటించారు. షాన్ రహమాన్ సంగీతం అందించగా, గోపీ సుందర్ బ్యాక్‌గ్రౌండ్ స్కోర్ ఇచ్చారు.

కామెడీ డ్రామాగా రూపొందిన ఈ మూవీ డిసెంబర్ 18న థియేటర్లలో విడుదలైంది. భారీ అంచనాలతో విడుదలై, బాక్సాఫీస్ దగ్గర బొక్క బోర్లా పడింది. ఇక ఇప్పుడు విడుదలై నెల కూడా కాని ఈ మూవీ స్ట్రీమింగ్ కాబోతోంది. జనవరి 16న ఉదయం 12 గంటల నుండి సినిమా జీ5 ఓటీటీ (ZEE5)లో అందుబాటులో ఉంటుందని నిర్మాతలు అధికారికంగా ప్రకటించారు. మరి ఈ మలయాళ మూవీ ఇతర భాషల్లో కూడా స్ట్రీమింగ్ అవుతుందా లేదా ? అన్నది ఇంకా తెలియాల్సి ఉంది. పాత సినిమాలు, పాపులర్ పాత్రలతో తీసిన ఈ మాస్ స్పూఫ్ మూవీకి ఓటీటీలో ఎలాంటి రెస్పాన్స్ వస్తుందో చూడాలి.

మూవీపై స్పెషల్ ఇంట్రెస్ట్

గత 8 సంవత్సరాల క్రితం మలయాళం హీరోయిన్ పై జరిగిన దాడి సంచలనం సృష్టించిన సంగతి తెలిసిందే. ఏకంగా 10 మంది దుండగులు ఆమెపై ఈ దాడికి తెగబడ్డారు. మలయాళ స్టార్ దిలీప్ దీన్ని ప్లాన్ చేశాడని ఆరోపణలు రావడంతో, అతనిపై కేసు ఫైల్ చేశారు. తరువాత సదరు హీరో మూడు నెలల పాటు జైలు శిక్ష అనుభవించి, అనంతరం బెయిల్ మీద రిలీజ్ అయ్యాడు. అయితే ఈ 8 ఏళ్ల పాటు కేసు విచారణ కొనసాగింది. రీసెంట్ గా ఎర్నాకులం ప్రిన్సిపల్ సెషన్స్ కోర్టు ఈ కేసులో సంచలన తీర్పు ఇచ్చింది. దిలీపే ఈ దుర్ఘటనను ప్లాన్ చేశాడు అనడానికి సరైన ఆధారాలు లేవు అంటూ కేసును కొట్టేయడమే కాదు, అతనికి క్లీన్ చిట్ ఇచ్చింది. ఆ తరువాతే ‘భభబా’ మూవీ విడుదలైంది. నిజానికి ఈ 8 ఏళ్లపాటు దిలీప్ సినిమాలకు దూరంగా ఉంటూ వచ్చారు. ఇన్నేళ్ల తరువాత నిర్దోషిగా నిరూపించుకుని, సినిమాల్లోకి రీఎంట్రీ ఇచ్చారు. కానీ ఆడియన్స్ నుంచి మాత్రం ఈ సినిమాకు ఆశించిన రెస్పాన్స్ దక్కలేదు.