OTT Movie : దొంగతనానికి వెళ్లి టైం లూప్ లో… దొంగకు దిమ్మతిరిగే ట్విస్ట్… సర్ప్రైజింగ్ మలుపులు

OTT Movie : ఓటీటీలోకి రక రకాల సినిమాలు స్ట్రీమింగ్ కి వస్తుంటాయి. అయితే వీటిలో సైన్స్ ఫిక్షన్ థ్రిల్లర్ సినిమాలు చాలా ఇంట్రెస్టింగ్ ఉంటాయి. అందులోనూ టైమ్ ట్రావెల్ జానర్ కథలు, ఆడియన్స్ ని మరో లోకంలోకి తీసుకెళ్తుంటాయి. ఈ కథలో అన్నా, చెల్లెళ్ళు దొంగతనం చేసి. ఒక టైమ్ లూప్ లో చిక్కుకుంటారు. ఆ తరువాత కథ ఊహించని మలుపులు తిరుగుతుంది. చివరికి వీళ్ళు ఈ లూప్ నుంచి బయట పడే సీన్స్ చిల్లింగ్ థ్రిల్ ని ఇస్తాయి. ఈ సినిమా పేరు ఏమిటి ? ఎందులో ఉంది ? అనే వివరాల్లోకి వెళ్తే …

అమెజాన్ ప్రైమ్ వీడియోలో స్ట్రీమింగ్

‘థింగ్స్ విల్ బీ డిఫరెంట్’ (Things will be different) 2024లో వచ్చిన అమెరికన్ సైన్స్ ఫిక్షన్ థ్రిల్లర్ సినిమా. మైకల్ ఫెల్కర్ దీనికి దర్శకత్వం వహించారు. ఆడమ్ డేవిడ్, రైలీ డ్యాండీ, రోబర్ట్ ఇందులో నటించారు. ఈ సినిమా 2024 మార్చి 11న రిలీజ్ అయింది. అమెజాన్ ప్రైమ్ వీడియోలో 2024 అక్టోబర్ 4 నుంచి స్ట్రీమింగ్‌లో ఉంది.

కథలోకి వెళ్తే

జోసెఫ్, అతని సోదరి సిడ్నీ ఒక బ్యాంక్‌లో దొంగతనం చేస్తారు. పోలీసుల నుంచి తప్పించుకోవడానికి వాళ్లు ఒక ఫార్మ్‌ హౌస్‌కు పారిపోతారు. ఈ ఇల్లు సాధారణమైనది కాదు. టైమ్ ట్రావెల్ శక్తి ఈ ఇంట్లో ఉంటుంది. వాళ్లు ఇంట్లోకి వెళ్లగానే, ఒక విచిత్రమైన వ్యక్తి వస్తాడు. వాళ్లను టైమ్ లూప్‌లో చిక్కుకునేలా చేస్తాడు. ఈ లూప్‌లో వాళ్లు ఒక సంవత్సరం గతంలోకి వెళ్లిపోతారు. ఎంత ప్రయత్నించినా బయటకు రాలేరు. కథ టైమ్ ట్రావెల్, టెన్షన్‌తో మొదలవుతుంది. జోసెఫ్, సిడ్నీ టైమ్ లూప్ నుంచి బయటపడడానికి ప్రయత్నిస్తారు, కానీ ఒక అపరచిత వ్యక్తి వాళ్లను చంపాలని చూస్తాడు.

ఆ ఇంట్లో ఒక వింత శక్తి వాళ్ల మధ్య గొడవలు పెంచుతుంది. ఈ టైమ్ లూప్ వల్ల వాళ్లు మళ్లీ మళ్లీ అదే సమయంలోకి వెళ్తుంటారు. ఈ లూప్‌లో జోసెఫ్, సిడ్నీ తమ గతంలో జరిగిన తప్పుల గురించి రియలైజ్ అవుతారు. ఈ సమయంలో వాళ్ల మధ్య బంధం కొంచెం బలపడుతుంది. వీళ్ళను చంపడానికి వస్తున్న వ్యక్తి గురించి తెలుసుకుంటారు. అతను వాళ్ల గతంతో ముడిపడి ఉంటాడు. వీళ్ళు అతన్ని ఎలా ఫేస్ చేస్తారు ? ఈ టైమ్ లూప్ నుంచి బయట పడతారా ? వీళ్ళను చంపడానికి ప్రయత్నిస్తున్నది ఎవరు ? అనే విషయాలను, ఈ అమెరికన్ సైన్స్ ఫిక్షన్ థ్రిల్లర్ సినిమాను చూసి తెలుసుకోండి.