OTT Movie : అర్ధరాత్రి ఇంటికొచ్చే మాస్క్ మ్యాన్… క్షణక్షణం భయపెట్టే సర్వైవల్ మిస్టరీ థ్రిల్లర్

OTT Movie : ఓటీటీ సంస్థలు సరికొత్త స్టోరీలతో ఆడియన్స్ ని బుట్టలో వేసుకుంటున్నాయి. ఇందులో భాగంగా ఈటీవి విన్ లో ప్రతి వారం ఒక షార్ట్ ఫిల్మ్ స్ట్రీమింగ్ అవుతోంది. ఇది షార్ట్ ఫిల్మ్ లకు కేరాఫ్ అడ్రెస్ గా మారుతోంది. వీటిలో థ్రిల్లర్ నుంచి ఫ్యామిలీ ఎంటర్టైనర్ దాకా అన్ని జానర్లలో ఆడియన్స్ ని అలరిస్తున్నాయి. ఈ నేపధ్యంలో ఒక కామెడీ థ్రిల్లర్ సినిమా ఈ రోజు రిలీజ్ కానుంది. దీని పేరు ఏమిటి ? కథ ఎలా ఉంటుంది ? అనే విషయాలు తెలుసుకుందాం పదండి.

ఈటివి విన్ లో

‘ది మాస్క్’ (The Mask) కొత్తపల్లి సురేష్ దర్శకత్వం వహించిన ఈ షార్ట్ ఫిల్మ్ లో రావణ్ రెడ్డి, శ్రీనివాస్ రెడ్డి, గడ్డం శ్రీనివాస్ ప్రధాన పాత్రల్లో నటించారు. కథగాని పిక్చర్స్ బ్యానర్ లో దీనిని నిర్మించారు. ఇది ఈటీవి విన్ లో 2025 అక్టోబర్ 12 నుంచి స్ట్రీమింగ్ అవుతుంది. కథా సుధా కోవలోనే ‘4 టేల్స్ ’ అంటూ 4 స్టోరీస్, 4 ఎమోషన్స్, 4 సండేస్ అనే డిఫరెంట్ కాన్సెప్ట్‌తో స్టార్ట్ చేసిన ఆంథాలజీ సిరీస్ ఇది. అందులో మొదటి కథగా ‘ది మాస్క్ ’ను ఓటీటీలోకి వచ్చేసింది.

కథలోకి వెళ్తే

హీరో ఒక ఫుడ్ డెలివరీ బాయ్ గా పని చేస్తుంటాడు. అతనికి అందులో వస్తున్న సంపాదన ఏ మాత్రం సరిపోదు. ఓ పక్క ఫ్యామిలీ ప్రాబ్లమ్స్, మరోవైపు ఆర్థిక సమస్యలు అతన్ని నిరాశలో ముంచుతాయి. దీంతో అతను ఈ కష్టాల నుంచి బయట పడాలనుకుంటాడు. అందుకు గాను ఒక దొంగతనం చేయడానికి ప్లాన్ వేస్తాడు. తప్పించుకోవడానికి తేలికగా ఉండే ఒక ముసలి దంపతులు ఉండే ఇంటిని ఎంచుకుంటాడు. ఇక అనుకున్నదే తడవు, ఆ ఇంట్లోకి వెళ్ళి దొంగతనం చేయాలనకుంటాడు. అక్కడికి వెళ్ళాక స్టోరీ మొత్తం మారిపోతుంది.

హీరో ఒక గదిలోకి వెళ్ళాక చచ్చి పడి ఉన్న శవం కనబడుతుంది. దీంతో హీరోకి షర్ట్ తో పాటు, ప్యాంట్ కూడా తడిచిపోతుంది. బయటికి పారిపోయేందుకు ప్రయత్నించేలోపు అక్కడ డోర్ లాక్ అయిపోతుంది. ఇక హీరో కాస్త జీరో అయిపోతాడు. పై ప్రాణాలు పైకే పోయేలా ఉంటాయి. ఇక ఆ రాత్రి అతనికి కాల రాత్రి అవుతుంది. క్లైమాక్స్ ఊహించని ఒక షాకింగ్ ట్విస్ట్ తో ముగుస్తుంది. ఆ ట్విస్ట్ ఏంటి ? అక్కడ ఉన్న శవం ఎవరిది ? హీరో దీని నుంచి బయట పడతాడా ? అనే విషయాలను ఈ షార్ట్ ఫిల్మ్ ను చూసి తెలుసుకోవాల్సిందే.