OTT Movie : ఒకే విధంగా 7 మంది అమ్మాయిలను చంపే సీరియల్ కిల్లర్… ట్విస్టులతో టెన్షన్ పుట్టించే సైకో థ్రిల్లర్

OTT Movie : ఈ సైకో కిల్లర్ సినిమాలు ప్రేక్షకుల మైండ్ ను డిస్టర్బ్ చేస్తుంటాయి. ఆ విధంగానే ఈ స్టోరీలను తెరకెక్కిస్తుంటారు మేకర్స్. ఇప్పుడు మనం చెప్పుకోబోయే సినిమాలో కిల్లర్ వేశ్యలను టార్గెట్ చేస్తుంటాడు. ఒక డిటెక్టివ్ ఈ కిల్లర్ ని పట్టుకోవడానికి ప్రయత్నిస్తుంటాడు. ఈ స్టోరీ ట్విస్ట్ లతో మెంటలెక్కిస్తూ ఉంటుంది. ఈ మూవీ పేరు ఏమిటి ?ఎందులో స్ట్రీమింగ్ అవుతుంది ? అనే వివరాల్లోకి వెళితే ..

స్టోరీలోకి వెళితే

వెస్ట్ హాలీవుడ్‌లోని సన్‌సెట్ స్ట్రిప్‌లో వేశ్యలను ఒక కిల్లర్‌ చంపుతుంటాడు. ఈ హత్యలన్నీ ఒకే విధంగా జరిగిఉంటాయి. చాండ్లర్ మానింగ్ అనే అనుభవజ్ఞుడైన డిటెక్టివ్ ఒక వ్యక్తిని అనుమానించి పట్టుకుని పోలీసులకు అప్పజెప్పుతాడు. ఈ హత్యలు 19వ శతాబ్దంలో లండన్‌లో జాక్ ది రిప్పర్ చేసిన హత్యలను పోలి ఉంటాయి. ఏడు సంవత్సరాల క్రితం కూడా ఒక సీరియల్ కిల్లర్ ఇలానే హత్యలు చేసి ఉంటాడు. దీంతో మానింగ్ కి తప్పుడు నిందితుడిని అరెస్టు చేసి శిక్షించాడని అనుమానం వస్తుంది. మానింగ్ వ్యక్తిగత సమస్యలతో (తన భార్య ఆత్మహత్యా ప్రయత్నం, కూతురితో దూరం పెరగడం ) సతమతమవుతూ కిల్లర్‌ ఉచ్చులో చిక్కుకుంటాడు.

మరోవైపు ఎల్లెన్ బంటింగ్ అనే మానసిక స్థితి సరిగ్గా లేని ఒక మహిళ, తన గెస్ట్‌హౌస్‌ను మాల్కం అనే రచయితకి అద్దెకు ఇస్తుంది. ఎల్లెన్ హాల్యూసినేషన్స్‌తో బాధపడుతూ ఉంటుంది. ఆమె భర్త జోకి ఈ మాల్కం ప్రవర్తనపై అనుమానం వస్తుంది. ఎందుకంటే ఒక హత్య ఆ ప్రాంతంలో జరిగినప్పుడు, అతని ఫుట్‌ప్రింట్‌ వల్ల అతనిపై అనుమానం కలుగుతుంది. ఆ తరువాత జో కూడా కనిపించకుండా పోతాడు. చివరికి కిల్లర్ ని డిటెక్టివ్ పట్టుకుంటాడా ? కిల్లర్ వేశ్యలను ఎందుకు టార్గెట్ చేస్తున్నాడు ? అనే విషయాలను తెలుసుకోవాలి అనుకుంటే, ఈ మిస్టరీ క్రైమ్ థ్రిల్లర్ సినిమాను మిస్ కాకుండా చూడండి.

అమెజాన్ ప్రైమ్ వీడియో (Amazon Prime Video) లో

ఈ అమెరికన్ మిస్టరీ క్రైమ్ థ్రిల్లర్ మూవీ పేరు ‘ది లాడ్జర్’ (The Lodger). 2009 లో వచ్చిన ఈ మూవీకి డేవిడ్ ఒండాట్జే దర్శకత్వం వహించారు. ఇది 1913లో మేరీ బెలోక్ లోండెస్ రచించిన ‘ది లాడ్జర్’ అనే నవల ఆధారంగా రూపొందింది. ఇందులో ఆల్‌ఫ్రెడ్ మోలినా, హోప్ డేవిస్, సైమన్ బేకర్ వంటి నటులు నటించారు. ఈ స్టోరీ ఒక సీరియల్ కిల్లర్ చుట్టూ తిరుగుతుంది. ఈ మూవీ యునైటెడ్ స్టేట్స్‌లో 2009జనవరి 23న స్టేజ్ 6 ఫిల్మ్స్, శామ్యూల్ గోల్డ్‌విన్ ఫిల్మ్స్ ద్వారా థియేటర్‌లలో విడుదలైంది. ప్రస్తుతం అమెజాన్ ప్రైమ్ వీడియో (Amazon Prime Video) లో ఈ మూవీ అందుబాటులో ఉంది.