Survival thriller OTT : దీవిలో చిక్కుకునే జంట… భయపెట్టే సర్వైవల్ థ్రిల్లర్

Survival thriller OTT : థియేటర్లలో ఈ ఏడాది వచ్చిన ఒక సర్వైవల్ థ్రిల్లర్ సినిమా మంచి విజయాన్ని అందుకుంది. థ్రిల్లర్ ఎలిమెంట్స్ తో పాటు, కామెడీ కూడా ఈ సినిమాలో పుష్కలంగా దొరుకుతుంది. ఒక నిర్మానుష్య ద్వీపంలో చిక్కుకున్న బాస్, అతని మహిళా ఉద్యోగిని చుట్టూ ఈ కథ తిరుగుతుంది. ఈ సినిమా ఓటీటీలోకి త్వరలో రాబోతోంది. మరి ఇది ఏ ఓటీటీలోకి రాబోతోంది ? దీని కథ ఏమిటి ? అనే వివరాల్లోకి వెళితే…

ఎక్కడ చూడచ్చు అంటే

ఈ సర్వైవల్ థ్రిల్లర్‌గా మూవీ పేరు ‘సెండ్ హెల్ప్’ (Send Help). దీనికి సామ్ రైమి దర్శకత్వం వహించారు. ఇందులో రాచెల్ మెక్ ఆడమ్స్, డైలాన్ ఓ’బ్రియన్ ప్రధాన పాత్రల్లో నటించారు. ఈ సినిమా 2026 జనవరి 30న యునైటెడ్ స్టేట్స్‌లో 20 సెంచరీ స్టూడియోస్ ద్వారా విడుదలైంది. $40 మిలియన్ల బడ్జెట్‌తో ఇది $91.5 మిలియన్లు వసూలు చేసి మంచి విజయాన్ని కూడా అందుకుంది. ఇక ఈ సినిమా Jio hotstar లో వచ్చే నెల వచ్చే అవకాశం ఉంది.

స్టోరీ ఏమిటంటే

సాఫ్ట్‌వేర్ కంపెనీలో పనిచేసే లిండా (రాచెల్) అనే అమ్మాయిని, ఆమె పొగరుబోతు బాస్ బ్రాడ్లీ (డైలాన్) ఒక పని మీద ప్లేన్‌లో తీసుకెళ్తుంటాడు. కానీ విధి ఆడిన వింత నాటకంలో వీళ్ళ ప్లేన్ క్రాష్ అయ్యి సముద్రం మధ్యలో ఒక దీవిలో పడిపోతుంది. అదృష్టం కొద్దీ వీళ్ళు ప్రాణాలతో బయటపడతారు. అక్కడ మనుషులు ఉండరు, తినడానికి తిండి ఉండదు. అప్పటిదాకా ఆఫీసులో లిండాను తక్కువ చేసి చూసిన ఆ బాస్, తీరా అక్కడకు వెళ్ళాక పిల్లిలా మారిపోతాడు. లిండాకు సర్వైవల్ టెక్నిక్స్ బాగా తెలియడంతో, అక్కడి నుంచి ప్రాణాలతో బయటపడాలంటే ఆమె కాళ్ళు పట్టుకోవాల్సిన పరిస్థితి అతనికి వస్తుంది.

కానీ అసలు ట్విస్ట్ ఏంటంటే, ఆ దీవిలో భయంకరమైన వింత శక్తులు వీళ్ళని వేటాడటం మొదలుపెడతాయి. ఓ వైపు ఉత్కంఠంగా,మరోవైపు మధ్య మధ్యలో నవ్వు తెప్పించే కామెడీ సీన్లతో సినిమా మొత్తం ఒక రేంజ్‌లో ఉంటుంది. చివరికి వీళ్ళు ఆ దీవి నుంచి బయటపడతారా ? ఆ దీవిలో ఉన్న వింత శక్తులు ఏమిటి ? ఈ కథ ఎలా ముగుస్తుంది ? అనే విషయాలను తెలుసుకోవాలనుకుంటే, ఈ సర్వైవల్ థ్రిల్లర్‌ సినిమాను మిస్ కాకుండా చూడండి.