OTT Movie : పనిలేని వాడికి పవర్ వస్తే ఇట్టా ఉంటది… బ్యాంకుకు కన్నం వేసే మాస్టర్ ప్లాన్… వీళ్ళెక్కడి సూపర్ హీరోలు సామీ

OTT Movie : హాలీవుడ్ నుంచి వచ్చిన ఒక ఫ్యాంటసీ సినిమా డిఫరెంట్ స్టోరీతో ఆకట్టుకుంటోంది. చంద్రుడు మీద నుంచి పడ్డ ఒక పాదార్థంతో, ఒక ఫ్యామిలీకి సూపర్ పవర్స్ వస్తాయి. దీంతో వీళ్ళు బ్యాంకు దొంగతనం చేయడానికి ప్రయత్నించే సన్నివేశాలు, ఆడియన్స్ ని కడుపుబ్బా నవ్విస్తాయి. ఈ సినిమా పిల్లలతో పాటు, ఫ్యామిలీతో కలసి చూసే విధంగా ఉంటుంది. దీని పేరు ఏమిటి ? ఎక్కడ ఉంది ? కథ ఏమిటి ? అనే వివరాల్లోకి వెళ్తే ..

ఏ ఓటీటీలో ఉందంటే

‘సూపర్ బాబ్రోవ్స్’ (Super Bobrovs) 2016లో వచ్చిన రష్యన్ కామెడీ ఫ్యాంటసీ సినిమా. ద్మిత్రీ ద్యాచెంకో దీనికి దర్శకత్వం వహించారు. ఇందులో పవెల్, ఓక్సానా, రోమా, స్వెట్లానా ప్రధాన పాత్రల్లో నటించారు. ఈ సినిమా 2016 మార్చి 17న రష్యాలో విడుదల అయింది. ప్రస్తుతం ఈ సినిమా అమెజాన్ ప్రైమ్ వీడియోలో అందుబాటులో ఉంది.

కథలోకి వెళ్తే

ఒక రష్యన్ ఫ్యామిలీలో టాలిక్ అనే తండ్రి, ఓక్సానా అనే భార్య, రోమా అనే కొడుకు, స్వెటా అనే కూతురు ఉంటారు. వీళ్లకు ఆర్థిక సమస్యలు ఎక్కువగానే ఉంటాయి. దీంతో రోజూ చిన్న చిన్న గొడవలతో వీళ్ళ జీవితం మొదలవుతుంటుంది. ఒక రోజు వాళ్ల ఇంటి దగ్గర ఆకాశం నుంచి ఒక వస్తువు పడుతుంది. దీని వల్ల ఆశ్చర్యంగా కుటుంబంలో అందరికీ సూపర్ పవర్స్ వస్తాయి. మొదట వీళ్లు ఈ పవర్స్‌తో పిచ్చి పనులు చేస్తారు. ఆ తరువాత వాటితో వీళ్ళు సరదాగా ఆడుకుంటారు. వాళ్ళకు ఇప్పుడు ఒక ఆలోచన వస్తుంది. ఈ కుటుంబం డబ్బు కష్టాలు తీర్చడానికి తమ సూపర్ పవర్స్‌ను ఉపయోగించాలని అనుకుంటుంది.

వాళ్లు ఒక బ్యాంకు దొంగతనం చేయాలని, తమ కష్టాలు తొలగించుకోవాలని ప్లాన్ చేస్తారు. వాళ్లు ఈ ప్లాన్‌ను అమలు చేస్తారు. కానీ దొంగతనం సమయంలో చాలా పొరపాట్లు జరుగుతాయి. ఆ సమయంలో పవర్స్ సరిగ్గా పని చెయ్యవు. అక్కడ వీళ్ళంతా గందరగోళంలో పడతారు. అతి కష్టం మీద ఈ బ్యాంకు దొంగతనం సక్సెస్ అవుతుంది. ఈ దొంగతనం వల్ల వాళ్ల డబ్బు సమస్యలు తీరతాయి. వాళ్లు తమ పవర్స్‌ను సరిగ్గా ఉపయోగించడం కూడా నేర్చుకుంటారు. ఇక ఈ సినిమా స్టోరీ హ్యాపీ ఎండింగ్ తో ముగుస్తుంది.