Romantic Movie OTT : ఓటీటీలోకి వచ్చేస్తున్న వెండితెర అద్భుతం… గుండెలను హత్తుకునేలా సిద్ధాంత్-మృణాల్ లవ్ స్టోరీ.. ఎప్పుడు ఎక్కడ చూడచ్చో తెలుసా ?

Romantic Movie OTT : చాలా ప్రేమ కథలు ఓటీటీలోకి వస్తున్నాయి. ఒక్కో సినిమా, ఒక్కో స్టైల్ చూపిస్తుంటుంది. అయితే రీసెంట్ గా వచ్చిన బాలీవుడ్ ప్రేమ కథ చాలా డిఫరెంట్‌గా అనిపిస్తుంది. ఇందులో సిద్ధాంత్ చతుర్వేది, మృణాల్ ఠాకూర్ హీరో, హెరోయిన్ల కెమిస్ట్రీ హార్ట్ ని టచ్ చేస్తుంది. ఈ సినిమాలో ఊహించని మలుపులు ఉండవు. కానీ కథ నడిచే సమయంలో అలా చూస్తూ ఉండిపోతారు. ఒక మంచి ఫీల్ ను ఇస్తుంది ఈ సినిమా. థియేటర్లలో విడుదలైన ఎనిమిది వారాల తర్వాత ఈ సినిమా, ఇప్పుడు ఓటీటీ ఆడియన్స్ ని పలకరించబోతోంది. ఈ ఫీల్ గుడ్ మూవీ పేరు ఏమిటి ? ఏ ఓటీటీలోకి రాబోతోంది ? అనే వివరాల్లోకి వెళ్తే…

నెట్‌ఫ్లిక్స్ (Netflix)లో స్ట్రీమింగ్

సిద్ధాంత్ చతుర్వేది, మృణాల్ ఠాకూర్ నటించిన ఈ రొమాంటిక్ డ్రామా పేరు ‘దో దీవానే షెహర్ మే’ (Do Deewane Seher Mein). రవి ఉద్యావర్ దర్శకత్వంలో ఇది తెరకెక్కింది. 2026 ఫిబ్రవరి 20న థియేటర్లలో విడుదలైన ఈ సినిమా సంజయ్ లీలా భన్సాలీ నిర్మించారు. ఈ సినిమా నిడివి సుమారు 2 గంటల 17 నిమిషాలు ఉంటుంది. ఈ చిత్రాన్ని సుమారు ₹30 కోట్ల బడ్జెట్‌తో నిర్మించారు. అయితే బాక్సాఫీస్ వద్ద ఈ సినిమా ఆశించిన స్థాయిలో రాణించలేకపోయింది. ఇప్పుడు ఈ సినిమా డిజిటల్ స్ట్రీమింగ్ హక్కులను నెట్‌ఫ్లిక్స్ (Netflix) దక్కించుకుంది. April 17 నుంచి ఈ సినిమా స్ట్రీమింగ్ కాబోతోంది. సమ్మర్ లో కూల్ గా ఈ సినిమాను చూస్తూ ఎంజాయ్ చేయండి. .

స్టోరీ ఏమిటంటే

శశాంక్ (సిద్దాంత్ చతుర్వేది) ఓ ఎలక్ట్రానిక్ కంపెనీలో వర్క్ చేస్తుంటాడు. అతనిలో అంతా బాగానే ఉన్నా కొంచెం నత్తి ఉంటుంది. ఈ లోపంతో కొన్ని కార్యక్రమాలకి దూరంగా ఉంటాడు. నలుగురిలో కూడా మాట్లాడటానికి ఇబ్బంది పడుతుంటాడు. ఆఫీస్ లో కూడా ఇదే పరిస్థితి, టాలెంట్ ఉన్నా ఈ లోపం అతన్ని కొంచెం బాధపెడుతుంటుంది. మరోవైపు ముంబైలో ఉండే రోష్ని (మృణాల్ ఠాకూర్) కి కూడా ఇలాంటి వింత సమస్య తో భయపడుతుంటుంది. ఆమె అందంగా లేననే ఫీలింగ్ లోఉంటుంది. అలాంటి లోపాలున్న వీళ్ళు ఒక రోజు ఎదురు పడతారు. మొదట మాటలు, కుదిరితే కప్పు కాఫీ ఇలా సాగిపోతూ ప్రేమలో కూడా పడతారు. ఈ విషయం పెద్దలకు కూడా తెలుస్తుంది. వీళ్ళ ప్రేమ ఏమవుతుంది ? పెద్దలు ఒప్పుకుంటారా ? వీళ్ళ లోపాల వల్ల ఏమైనా సమస్యలు వస్తాయా ? అనే విషయాలను, ఈ రొమాంటిక్ సినిమాను చూసి తెలుసుకోవాల్సిందే.