Romantic drama OTT: భర్త పోయాక మరొకరితో… ఎవరూ చూడకుండా ఒకే గదిలో… సింగిల్స్ కు మాత్రమే

Romantic drama OTT : సినిమాలను ఎక్కువగా ఎంటర్టైన్మెంట్ కోసం చూస్తుంటాం. అయితే కొన్ని సినిమాలు, ఎంటర్టైన్మెంట్ తో పాటు సోషల్ మెసేజ్ ని కూడా ఇస్తాయి. అలాంటి మూవీనే ఇప్పుడు మనం చెప్పుకోబోతున్నాం. ఈ మూవీ ప్రధానంగా ఇస్లామిక్ ఆచారం నేపథ్యంలో సాగుతుంది. భర్త చనిపోయి ఒంటరిగా ఉన్న ఒక ముస్లిం మహిళకి, అనుకోని పరిస్థితుల్లో ఓ వ్యక్తి పరిచయం అవుతాడు. ఆ తర్వాత ఏం జరిగిందనేది ఈ కథ. ఈ సినిమా విమర్శకుల ప్రశంసలు కూడా అందుకుంది. దీని పేరు ? ఏ ఓటీటీలో ఉంది ? అనే వివరాల్లోకి వెళ్తే…

ఆహా (Aha) ఓటీటీలో స్ట్రీమింగ్

2023లో వచ్చిన ఈ తమిళ సినిమా పేరు ‘బుర్ఖా’ (Burqa). సర్జున్ కె.ఎం. దీనికి దర్శకత్వం వహించారు. ఇందులో కలైయరసన్, మిర్నా మీనన్ ప్రధాన పాత్రల్లో నటించారు. ఈ చిత్రం న్యూయార్క్ ఇండియన్ ఫిల్మ్ ఫెస్టివల్ లో ప్రీమియర్ అవ్వడంతో పాటు, ఉత్తమ చిత్రం, ఉత్తమ నటుడు, ఉత్తమ నటి విభాగాలలో అవార్డులకు నామినేషన్లు కూడా పొందింది. ఈ చిత్రం 2023 ఏప్రిల్ 7న నేరుగా ఆహా (Aha) ఓటీటీ ప్లాట్‌ఫామ్‌లో విడుదలైంది.

స్టోరీ ఏమిటంటే

నజ్మా అనే ఒక ముస్లిం నర్సు భర్త ఉన్నట్టుండి చనిపోతాడు. వాళ్ళ మత ఆచారం ప్రకారం ‘ఇద్దా’ అనే ఒక రూల్ ఉంటుంది. దాని ప్రకారం కొన్ని నెలల పాటు ఆమె ఏ పరాయి మగాడిని చూడకూడదు. అసలు గడప దాటి బయటకు కూడా రాకూడదు. అలా ఆమె ఒక గదికే పరిమితమై బాధలో ఉంటుంది. సరిగ్గా అదే టైంలో బయట గొడవలు జరిగి, దెబ్బలు తిన్న సూర్య అనే వ్యక్తి ప్రాణాలు కాపాడుకోవడానికి పరుగెత్తుకుంటూ వచ్చి ఆమె ఇంట్లో దాక్కుంటాడు. నజ్మాకు ఏం చేయాలో అర్థం కాదు. ఒక పక్క మత ఆచారాలు, ఇంకో పక్క ప్రాణాపాయంలో ఉన్న మనిషి. కానీ ఒక నర్సుగా ఆమె ఈ నియమాలను పక్కన పెట్టి అతనికి వైద్యం చేస్తుంది. ఆ రాత్రంతా వాళ్లిద్దరూ కూర్చుని మాట్లాడుకుంటారు కూడా . చివరికి ఆ రాత్రి అక్కడ ఏం జరుగుతుంది ? ఈ విషయం బయట తెలుస్తుందా ? ఈ క్లైమాక్స్ ఏంటి ? అనే విషయాలను, ఈ సినిమాను చూసి తెలుసుకోవాల్సిందే.