Romantic Drama OTT : కొత్త కాపురంలో చిచ్చు పెట్టే పాత ప్రేమికుడు… పిచ్చెక్కించే రొమాంటిక్ డ్రామా

Romantic Drama OTT : ట్రయాంగిల్ ప్రేమ కథలు చాలా ఇంట్రెస్టింగా ఉంటాయి. అయితే అంతే టెన్షన్ కూడా పెడుతుంటాయి. ఇప్పుడు మనం చెప్పుకోబోయే సినిమాలో పెళ్లి అయిన మహిళ లైఫ్ లోకి పాత ప్రేమికుడు వస్తాడు. ఆ తరువాత కథ రసవత్తరంగా ఉంటుంది. ఈ సినిమా బెంగాలీ బాక్సాఫీస్ వద్ద సూపర్ హిట్గా నిలిచింది. ఇందులో వెండితెర లెజెండ్స్ కూడా నటించారు. ఈ సినిమాలో జంటగా నటించిన, హీరో హీరోయిన్లకు ఇది 50వ సినిమా కావడం విశేషం.

ఏ ఓటీటీలో చూడచ్చు అంటే

ఈ బెంగాలీ రొమాంటిక్ డ్రామా పేరు ‘అజోగ్యో’ (Ajogyo). నేషనల్ అవార్డ్ విన్నర్ కౌశిక్ గంగూలీ ఈ చిత్రానికి దర్శకత్వం వహించారు. ఆయన సినిమాల్లో ఎప్పుడూ ఉండే క్లాసిక్ టచ్ ఇందులోనూ కనిపిస్తుంది. ఇందులో ప్రోసేన్‌జిత్ ఛటర్జీ, ఋతుపర్ణ సేన్‌గుప్త, శిలాజిత్ మజుందార్, లిల్లీ చక్రవర్తి లీడ్ రోల్స్ లోనటించారు. బెంగాలీ సినిమా ఇండస్ట్రీలో లెజెండరీ జోడీ అయిన ప్రోసేన్‌జిత్ ఛటర్జీ, ఋతుపర్ణ సేన్‌గుప్త కలిసి నటించిన 50వ సినిమా ఇది. వీరిద్దరూ దాదాపు 30 ఏళ్లుగా వెండితెరపై మ్యాజిక్ చేస్తున్నారు. ఇక అనుపమ్ రాయ్ అందించిన పాటలు బెంగాల్‌లో పెద్ద హిట్ అయ్యాయి కూడా. 2024లో వన్ ఆఫ్ ది బెస్ట్ కమర్షియల్ సక్సెస్‌గా ఈ సినిమా నిలిచింది. అయితే ఈ సినిమా ఓటీటీలోకి ఇంకా అడుగు పెట్టలేదు. తొందరలోనే hoichoi ఓటీటీలోకి వచ్చే అవకాశం ఉంది.

స్టోరీ ఏమిటంటే

ఒక మధ్యతరగతి ఫ్యామిలీలో భర్త రక్తీమ్ (శిలాజిత్)కి ఉన్నట్టుండి సాఫ్ట్‌వేర్ ఉద్యోగం ఊడిపోతుంది. ఇంట్లో పైసలు లేక తిప్పలు పడుతుంటే, భార్య పర్ణ (ఋతుపర్ణ) తానే ఏదోకటి చేయాలని బ్యాంక్ ఉద్యోగంలో చేరుతుంది. భర్త ఖాళీగా ఉండి తాగుడుకి అలవాటు పడితే, పెళ్లాం కష్టపడి ఇల్లు గడుపుతుంటుంది. ఇలాంటి టైమ్‌లో పాత కాలం నాటి దోస్తు, పెద్ద బిజినెస్ మ్యాన్ అయిన ప్రోసేన్ మిత్ర (ప్రోసేన్‌జిత్) వీళ్ల లైఫ్ లోకి ఎంట్రీ ఇస్తాడు.

ప్రోసేన్ మిత్ర రాకతో ఆ ఫ్యామిలీ కష్టాలన్నీ తీరిపోయినట్టు అనిపిస్తాయి కానీ, అక్కడే అసలు ట్విస్ట్ మొదలవుతుంది. పర్ణకి, ప్రోసేన్‌కి మధ్య గతంలో ఏదో బలమైన ప్రేమ కథ ఉందనే విషయం మెల్లగా బయటపడుతుంది. పాత ప్రేమికుడు మళ్ళీ కళ్ళ ముందు కనిపిస్తుంటే, అటు మొగుడి పరిస్థితి చూసి పర్ణ నలిగిపోతుంటుంది. అసలు వీడు సాయం చేయడానికి వచ్చాడా లేక పాత పగ తీర్చుకోవడానికి వచ్చాడా అనే సస్పెన్స్ తో కథ రసవత్తరంగా సాగుతుంది. చివరికి పర్ణ ఎవరి వైపు నిలబడింది? ఆ పాత ప్రేమ వల్ల ఇప్పుడున్న కాపురం కూలిపోయిందా ? ఈ కథకు ముగింపు ఏమిటి ? అనే విషయాలను ఈ సినిమాను చూసి తెలుసుకోవాల్సిందే.