Psychological Thriller OTT : కాజల్ నేషనల్ అవార్డు విన్నింగ్ మూవీ డిలీట్… ఇదే చివరి తేదీ

Psychological Thriller OTT : అందాల భామ కాజల్ అగర్వాల్ నటించిన ఒక మూవీ వార్తల్లో నిలిచింది. దాదాపు 8 సంవత్సరాల క్రితం ఓటీటీలోకి వచ్చిన ఈ సైకలాజికల్ థ్రిల్లర్ సినిమా మూవీ 2026 ఫిబ్రవరి 14న ప్రేమకుల దినోత్సవం రోజున ఓటీటీలోనుంచి వైదొలగనుంది. అయితే ఈ చిత్రం సాంకేతిక విభాగాల్లో రెండు జాతీయ చలనచిత్ర అవార్డులను కూడా సంపాదించడం అప్పట్లో ఒక విశేషం. ఈ మూవీ పేరు ఏమిటి? ఏ ఓటీటీ నుంచి తప్పుకోనుంది ? అనే విషయాలను తెలుసుకుందాం పదండి.

ప్రస్తుతం నెట్‌ఫ్లిక్స్‌లో స్ట్రీమింగ్

ఇది ‘హను మాన్’ లాంటి బ్లాక్ బస్టర్ చిత్రాన్ని అందించిన ప్రశాంత్ వర్మ దర్శకుడిగా పరిచయం అయిన ‘అవే’ (Awe)సినిమా. వాల్ పోస్టర్ సినిమా బ్యానర్ పై ప్రశాంతి తిపిర్నేనితో కలిసి నటుడు నాని ఈ చిత్రాన్ని నిర్మించారు. ప్రస్తుతం నెట్‌ఫ్లిక్స్‌లో స్ట్రీమింగ్ అవుతున్న ఈ సినిమా 2026 ఫిబ్రవరి 14 నుంచి ప్రేమికుల దినోత్సవం సందర్భంగా ఆ ప్లాట్‌ఫామ్ నుండి తొలగించబడుతోంది. ఇది ఆమె ఫ్యాన్స్ కి కొంచెం నిరాశ కలిగించే విషయమే. అయితే దీనిపై ఇంకా క్లారిటీ రావాల్సి ఉంది. 2018లో విడుదలైన ఈ సినిమాలో నిత్యా మీనన్, రెజీనా కసాండ్రా, ఈషా రెబ్బా, ప్రియదర్శి పుల్లికొండ, మురళీ శర్మ కీలక పాత్రల్లో నటించారు.

స్టోరీ ఏమిటంటే

ఈ సినిమా కథ మొత్తం ఒక రెస్టారెంట్‌లో జరుగుతుంది. ఇందులో ఒక మాంత్రికుడు, ఒక సైంటిస్ట్, ఒక చెఫ్, ఒక డ్రగ్ అడిక్ట్ ఇలా వేర్వేరు వ్యక్తుల కథలు ఒకదానితో ఒకటి సంబంధం లేకుండా సాగుతుంటాయి. ఆడియన్స్ కూడా అయోమయంలో పడుతుంటారు. అయితే క్లైమాక్స్‌లో ఈ పాత్రలన్నీ ‘కాళి’ (కాజల్ అగర్వాల్) అనే ఒకే యువతిలోని వివిధ రకాలుగా తిరిగే మానసిక స్థితి (Multiple Personality Disorder) అని తెలియడంతో ప్రేక్షకులను ఆశ్చర్యానికి గురిచేస్తుంది. ఈ కథలో ఆమె చిన్నప్పుడు జరిగిన ఒక చేదు సంఘటన కారణంగా, ఆ పాత్రలను తనకు తెలీకుండానే ఆమె ఊహించుకుంటుంది. ఇది క్లైమాక్స్ లోనే తెలుస్తుంది. మరి ఈ సైకలాజికల్ థ్రిల్లర్ సినిమా క్లైమాక్స్ ని మీరు కూడా చూడాలనుకుంటే దీనిపై ఓ లుక్ వేయండి. ఆ తరువాత చూడాలనుకున్నా ఉండకపోవచ్చు.