Psychological Thriller OTT : ఓటీటీలోకి ఒక సరికొత్త సైకలాజికల్ థ్రిల్లర్ మూవీ రాబోతోంది. ఒక మహిళా డాక్టర్ చుట్టూ తిరిగే ఈ స్టోరీ, లైంగిక వేధింపుల ఆరోపణల నేపథ్యంలో సాగనుంది. ఇప్పటికే వచ్చిన ఈ సినిమా ట్రైలర్‌కు విశేష స్పందన కూడా వస్తోంది. అయితే ఈ సినిమా థియేటర్లలో కాకుండా నేరుగా ఓటీటీలోకి వచ్చేస్తోంది. ప్రేక్షకులు మరి కొద్ది గంటల్లో ఈ సినిమాను చూడవచ్చు. దీని పేరు ఏమిటి ? ఏ ఓటీటీలో స్ట్రీమింగ్ కానుంది ? అనే వివరాల్లోకి వెళ్తే ..
అనుభూతి కశ్యప్ దర్శకత్వంలో వస్తున్న ఈ హిందీ సినిమా పేరు ‘అక్యూజ్డ్’ (Accused). కరణ్ జోహార్‌కు చెందిన ధర్మాటిక్ ఎంటర్‌టైన్‌మెంట్ ఈ సినిమాను నిర్మించింది. ఈ చిత్రం 2026 ఫిబ్రవరి 27న నేరుగా నెట్‌ఫ్లిక్స్ (Netflix) ఓటీటీలో విడుదల కానుంది. ఇది తెలుగు, హిందీ, తమిళం, ఇంగ్లీష్ భాషల్లో స్ట్రీమింగ్ అయ్యే అవకాశం ఉంది. ఈ సినిమాలో కొంకణా సేన్ శర్మ, ప్రతిభా రాంటా ఇద్దరూ స్వలింగ సంపర్కులుగా, భార్యాభర్తలుగా నటిస్తున్నారు. ఈ స్టోరీ ఉత్కంఠభరితమైన మలుపులతో నడుస్తున్నట్లు ట్రైలర్ చూస్తేనే తెలుస్తోంది.
లండన్‌లో గైనకాలజిస్ట్‌గా పనిచేసే డాక్టర్ గీతిక సేన్ (కొంకణా సేన్ శర్మ) లైఫ్ చాలా సాఫీగా సాగిపోతుంటుంది. ఆమె మీరా అనే వేరొక మహిళతో సహజీవనం చేస్తుంటుంది. తక్కువ వయసులోనే పెద్ద పొజిషన్‌కి వెళ్లిన ఆమె, హాస్పిటల్‌లో డీన్ పదవికి కూడా పోటీలో ఉంటుంది. సరిగ్గా అదే టైమ్‌లో, ఆమె తీవ్రమైన లైంగిక వేధింపులకు పాల్పడిందని సడన్‌గా ఆరోపణలు వస్తాయి. ఆ ఒక్క ఆరోపణతో ఆమె జీవితం తలకిందులైపోతుంది. సమాజంలో ఆమెకు ఉన్న గౌరవం పోవడమే కాకుండా, తన పార్ట్‌నర్ మీరాతో ఉన్న బంధం కూడా చిక్కుల్లో పడుతుంది.
ఆమె నిజంగానే ఆ తప్పు చేసిందా లేక ఆమెను ఎవరైనా కావాలనే ఇరికించారా? అందరూ ఆమెను దోషిగా చూస్తున్నప్పుడు, ఆమె తన నిజాయితీని ఎలా నిరూపించుకుంది? ఈ క్రమంలో ఆమె మానసిక ఒత్తిడిని ఎలా ఎదుర్కొంది ? అనే విషయాలను, ఈ సైకలాజికల్ థ్రిల్లర్ మూవీలో చాలా ఉత్కంఠభరితంగా చూపించనున్నారు.
Read Also : జోంబీగా మారే కూతురు… తండ్రి మాస్టర్ ప్లాన్… ఒక్కసారి చూస్తే జీవితంలో మర్చిపోలేరు భయ్యా
Share
Vishnupriya Father: తమిళ నటి విష్ణుప్రియ తండ్రి దారుణ హత్య.. అసలు ఏం జరిగింది అంటే?
Today Movies in TV : సోమవారం టీవీ చిత్రాలు.. మిస్ అవ్వకుండా చూడాల్సిన సినిమాలివే..
