OTT Movie : ఆ ఊర్లో అమావాస్య వచ్చిందంటే చావే… వెన్నులో వణుకు పుట్టించే హారర్ మూవీ

OTT Movie : హర్రర్ థ్రిల్లర్ మూవీస్ చూడాలనుకునే మూవీ లవర్స్ చాలామంది ఉంటారు. అయితే కొన్ని సినిమాలు హర్రర్ కామెడి ఎంటర్టైనర్ తో తెరకెక్కిస్తారు మేకర్స్. అటువంటి మూవీస్ ఈ మధ్య బాగానే ఎంటర్టైన్ చేస్తున్నాయి. అయితే కొన్ని సినిమాలు చూడాలంటే వణుకు పుడుతూ ఉంటుంది. భయంతో గుండె వేగంగా కొట్టుకుంటుంది. అటువంటి మూవీ ఒకటి థియేటర్లలో మంచి రెస్పాన్స్ తో రిలీజ్ అయి ప్రస్తుతం ఓటీటీలో స్ట్రీమింగ్ అవుతోంది. ఆ మూవీ పేరు ఏమిటి? ఎందులో స్ట్రీమింగ్ అవుతుందో తెలుసుకుందాం పదండి.

యూట్యూబ్ (youtube)

మనం ఇప్పుడు చెప్పుకుపోయే మూవీ పేరు “మురుధన్” (Murudhan). ఇది ఒక తమిళ్ మూవీ. ఒక ఊరిలో అమావాస్య రోజు మాత్రమే మనుషులు చనిపోతూ ఉండటంతో, ఎందుకు చనిపోతున్నారో తెలుసుకునే ప్రయత్నం చేసే హీరో చుట్టూ స్టోరీ నడుస్తుంది. ఈ హర్రర్ సస్పెన్స్ మూవీ యూట్యూబ్ (youtube) లో స్ట్రీమింగ్ అవుతుంది.

స్టోరీ లోకి వెళితే

హీరో తన ఫ్రెండ్స్ తో ఒక ఊరిలో సరదాగా ఆడుతూ పాడుతూ తిరుగుతూ ఉంటాడు. ఒకరోజు తన ఫ్రెండ్ ఇంట్లో అంజలి అనే అమ్మాయిని చూస్తాడు. మొదటి చూపులోనే ఆ అమ్మాయిని ప్రేమిస్తాడు. ఆ అమ్మాయి చుట్టూ తిరుగుతూ ఉంటాడు. ఒకరోజు హీరో తన ఫ్రెండ్స్ తో కల్లు తాగుతూ ఇంటికి వస్తుండగా, ఒక వ్యక్తి చనిపోతాడు. అది అమావాస్య కావడంతో ఇలా జరిగిందని ఊరి జనం అనుకుంటారు. ఆ ఊరిలో అమావాస్య రోజు ఎవరో ఒకరు చనిపోతూ ఉంటారు. మరోవైపు ఆ ఊరిలో ఒక ఇంట్లో ఒక ఆత్మ నిద్రపోతున్న అమ్మాయిలను ఇబ్బంది పెడుతూ ఉంటుంది. ఇది ఇలా ఉంటే ఒకరోజు హీరో తన ఫ్రెండ్స్ తో కల్లు తాగి వస్తుండగా. హీరో ఫ్రెండ్ అకస్మాత్తుగా కళ్ళు తిరిగి కిందపడి చనిపోతాడు. ఆరోజు కూడా అమావాస్య రోజు కావడంతో ఇలా జరిగిందని అంతా అనుకుంటారు.

అయితే ఒక పోలీస్ ఆఫీసర్ కళ్ళు తీస్తున్న చెట్టుకు కాపలాగా ఉండి అందులో ఏమన్నా కలుపుతున్నారేమో అని అక్కడే రాత్రంతా ఉంటాడు. అయితే ఎవరు ఏమీ కలపకపోవడంతో ఆ కల్లుని పోలీస్ ఆఫీసర్ తాగుతాడు. అది తాగిన మరుక్షణం పోలీస్ ఆఫీసర్ కూడా చనిపోతాడు. ఆ తరువాత హీరో ఆ రహస్యాన్ని కనుక్కోవటానికి ప్రయత్నిస్తాడు. ఆ ప్రయత్నంలో హెరోకి కొన్ని అనుకోని సంఘటనలు ఎదురౌతాయి. అమావాస్య రోజు ఎందుకు ఆ ఊరిలో మనుషులు చచ్చిపోతున్నారు? ఆ దయ్యానికి హీరోకి ఏమైనా సంబంధం ఉందా? ఆ దయ్యం నుంచి ఆ ఊరిని హీరో కాపాడగలుగుతాడా? అనే విషయాలను తెలుసుకోవాలనుకుంటే యూట్యూబ్ (youtube) లో స్ట్రీమింగ్ అవుతున్న మురుధన్ (Murudhan) మూవీని తప్పకుండా చూడండి. ఈ మూవీలో వెన్నులో వణుకు పుట్టించే సన్నివేశాలు చాలానే ఉన్నాయి. హర్రర్ థ్రిల్లర్ మూవీస్ ను ఇస్టపడే మూవీ లవర్స్ కు ఇదొక బెస్ట్ ఆప్షన్. మరెందుకు ఆలస్యం ఈ మూవీ పై ఓ లుక్ వేయండి.