Nellikkampoyil Night Riders on OTT : ఓటీటీలోకి మరో మలయాళ కామెడీ హారర్… కడుపుబ్బా నవ్వించే సీన్స్ ఉన్న సినిమా

Nellikkampoyil Night Riders on OTT : మరో మలయాళ కామెడీ హారర్ సినిమా ఓటీటీలో అడుగు పెట్టబోతోంది. ఇది బాక్సాఫీస్ వద్ద కూడా హిట్ టాక్ తో నడిచింది. ఇప్పుడు ఈ సినిమా స్ట్రీమింగ్‌కు వస్తుండటంతో ఆడియన్స్ కూడా చూడటానికి ఆసక్తి చూపిస్తున్నారు. ఇప్పటికే ఓటీటీలో నివిన్ పౌలీ, రియా శిబు నటించిన హారర్ కామెడీ మలయాళ చిత్రం ‘సర్వం మాయ’ ను తెగ చూస్తున్నారు ఆడియన్స్. ఇప్పుడు లేటెస్ట్ గా మరో కామెడీ హారర్ సినిమా ఓటీటీలోకి ఎంట్రీ ఇస్తోంది. ఒక దెయ్యం చుట్టూ ఈ కథ కూడా తిరుగుతుంది. మరి దీని పేరు ? ఎక్కడ చూడచ్చు ? అనే వివరాలను తెలుసుకుందాం.

ఏ ఓటీటీలో చూడవచ్చు అంటే

మాథ్యూ థామస్ నటించిన ఈ మలయాళ కామెడీ హారర్ సినిమా పేరు ‘నెల్లిక్కంపోయిల్ నైట్ రైడర్స్’. నౌఫల్ అబ్దుల్లా దర్శకత్వం వహించిన ఈ తాజా హర్రర్ కామెడీ 2026 ఫిబ్రవరి 6 నుంచి Zee5లో ప్లాట్‌ఫామ్ లో స్ట్రీమింగ్ కానుంది. 2025 అక్టోబర్ 24న థియేటర్లలోకి వచ్చిన ఈ సినిమా దాదాపు మూడు నెలల తర్వాత డిజిటల్ స్ట్రీమ్ కి వచ్చింది. అయితే ఈ చిత్రం మలయాళ వెర్షన్‌లో ఇంగ్లీష్ సబ్‌టైటిళ్లతో అందుబాటులో ఉంటుంది. తెలుగులో మరికొంత సమయం పట్టవచ్చు. మాథ్యూ థామస్, రోషన్ షానవాస్, శరత్ సభ, విష్ణు అగస్త్య, మీనాక్షి ఉన్నికృష్ణన్ వంటి నటులు ఇందులో నటిస్తున్నారు.

స్టోరీ ఏమిటంటే

నెల్లిక్కంపోయిల్ అనే గ్రామంలో వింత వింత సంఘటనలు జరుగుతుంటాయి. అక్కడ ప్రజలు ‘గుర్రపు కాళ్ళు’ కలిగిన ఒక మిస్టీరియస్ వ్యక్తి రాత్రి వేళల్లో తిరుగుతున్నాడని, వాడు కనిపిస్తే ఏదో కీడు జరుగుతుందని గట్టిగా నమ్ముతుంటారు. ఆ ఊరిని భయపెడుతున్న ఈ మిస్టరీని ఛేదించడానికి శ్యామ్ (మాథ్యూ థామస్) తన స్నేహితులతో కలిసి రంగంలోకి దిగుతాడు. వీళ్ళు చేసే సాహసాలు, వాటి వల్ల వచ్చే కామెడీ ఓ పక్క భయపెడుతూనే, మరో పక్క కడుపుబ్బా నవ్విస్తాయి. స్టోరీ నడిచేకొద్దీ ఆ ఊరి ప్రాచీన పురాణాలు, మూఢనమ్మకాల వెనుక ఉన్న అసలు రహస్యం తెలిసి అందరూ షాక్ అవుతారు. అసలు ఆ గ్రామంలో ఏం జరుగుతోంది ? గుర్రపు కాళ్ళతో భయపెడుతున్నది ఎవరు ? దీనిని శ్యామ్ టీం ఎలా ఛేదించారు. అనే విషయాలను, ఈ సినిమాను చూసి తెలుసుకోవాల్సిందే