Nawab Cafe OTT : రాజీవ్ కనకాల కొత్త మూవీ మూడు వారాలు తిరక్కుండానే ఓటీటీలోకి… స్ట్రీమింగ్ ఎక్కడంటే ?

Nawab Cafe OTT : రాజీవ్ కనకాల నటించిన కొత్త వెబ్ సిరీస్ ‘D/O ప్రసాద్ రావు కనబడుటలేదు’. ఈ సిరీస్ లో తన నటనకి మంచి మార్కులే పడ్డాయి. ఈ సిరీస్ ప్రస్తుతం ETV Win లో ప్రసారం అవుతోంది. ఈ ఉత్కంఠభరితమైన డ్రామాలో, రాజీవ్ కనకాల మిస్సింగ్ అయిన ఒక అమ్మాయి తండ్రిగా నటించి, ప్రేక్షకుల ప్రశంసలు అందుకున్నారు. ఉదయ్ భాను పోలీసు పాత్రలో సిరీస్ కి హైప్ తెచ్చింది. అయితే రాజీవ్ తండ్రి పాత్ర పోషించన మరో మూవీ ఓటీటీలో స్ట్రీమింగ్ కి రాబోతోంది. బాక్సాఫీస్ వద్ద డిజాస్టర్‌గా నిలిచిన ఈ సినిమాకి, ఓటీటీలో ఏమాత్రం రెస్పాన్స్ వస్తుందో చూడాలి.

ఎక్కడ చూడచ్చు అంటే

శివ కందుకూరి, తేజు అశ్విని, రాజీవ్ కనకాల ప్రధాన పాత్రలు పోషించిన ఈ సినిమా పేరు ‘నవాబ్ కేఫ్’. ఇది 2026 ఫిబ్రవరి 20న థియేటర్ లలో అడుగుపెట్టింది. ఇప్పుడు ETV Win ఈ సినిమా డిజిటల్ హక్కులను సొంతం చేసుకుంది. 2026 మార్చి 12 నుండి ఈ సినిమా డిజిటల్ స్ట్రీమింగ్ అవుతుంది. అంటే థియేటర్లలో విడుదలైన మూడు వారాల తర్వాత ఇది ఓటీటీలోకి వస్తోంది. ప్రమోద్ హర్ష దర్శకత్వం వహించిన ఈ కథ హైదరాబాద్‌లోని ఒక పురాతన కేఫ్ చుట్టూ తిరుగుతుంది. మొదటి ఈ సినిమాకు చాయ్‌ వాలా అని టైటిల్‌ పెట్టారు. కానీ సెన్సార్‌ బోర్డ్‌ అభ్యంతరం తెలపడంతో ‘నవాబ్‌ కేఫ్‌’గా మార్చారు.

కథ ఏమిటంటే

రంగనాథ్ (రాజీవ్ కనకాల) హైదరాబాద్‌లోని పాతబస్తీకి చెందిన వ్యక్తి. ఎన్నో ఏళ్లుగా వారసత్వంగా వచ్చిన ‘నవాబ్ కేఫ్’ని నడుపుతుంటాడు. ఆ కొట్టును ప్రాణం కన్నా ఎక్కువగా చూస్తాడు. అయితే చదువుకున్న ఆయన కొడుకు రాజా(శివ కందుకూరి)కి మాత్రం ఆ కేఫ్‌లో పని చేయడం అస్సలు ఇష్టం ఉండదు. అమెరికాకు వెళ్ళే ఆలోచనలో ఉంటాడు. అలాగే సఖీ( తేజు అశ్విని) అనే అమ్మాయితో ప్రేమలో కూడా ఉంటాడు. ఒక రోజు ఆ కేఫ్‌ని అమ్మేయాలని ప్లాన్ కూడా వేస్తాడు. రంగనాథ్ కు ఈ విషయం తెలిసి కొడుకుతో గొడవ పడతాడు. ఇద్దరి మధ్య మాటా, మాటా పెరుగుతుంది. ఇక ఆ మరుసటి రోజు తెల్లారి నిద్ర లేవడు. అదేరోజు రాత్రి రంగనాథ్‌ గుండెపోటుతో మరణిస్తాడు. ఆ తర్వాత రాజా ఏం చేశాడు ? తన అమెరికా కల కోసం కేఫ్ ను అమ్మేశాడా? తండ్రి కోసం కేఫ్‌ని మళ్లీ రన్‌ చేశాడా? అనే విషయాలను తెలుసుకోవాలనుకుంటే, ఈ సినిమాను చూడాల్సిందే.