OTT Movie : 15 ఏళ్లకే పెళ్లి, భర్తకు తెలీకుండా మరొకరితో ప్రేమ … ఈ కొరియన్ సినిమాలో ఎన్ని ట్విస్టులో

OTT Movie : 15 ఏళ్ల బో-యున్ ఒక సాధారణ హైస్కూల్ అమ్మాయి. తన పరీక్షల గురించి ఆందోళన చెందుతూ ఉంటుంది. మరో వైపు స్కూల్ బేస్‌బాల్ టీమ్ ఆటగాడు జంగ్-వూ మీద క్రష్‌తో ఉంటుంది. ఆమె జీవితం సరదాగా సాగుతున్న సమయంలో, ఆమె తాత ఒక షాకింగ్ నిర్ణయం తీసుకుంటాడు. ఆమెకు 20లలో ఉన్న సాంగ్-మిన్ అనే యువకుడితో పెళ్లి చేయాలని నిర్ణయించుకుంటాడు. బో-యున్, సాంగ్-మిన్ ఇద్దరూ ఈ పెళ్లికి వ్యతిరేకంగా ఉన్నప్పటికీ, తాత ఒత్తిడి వల్ల వారు ఒప్పుకోవాల్సి వస్తుంది. బో-యున్ తన స్కూల్ లైఫ్‌ను, క్రష్‌ను కొనసాగించాలని అనుకుంటుంది. ఈ వ్యవహారం స్కూల్‌లో గందరగోళంగా మారుతుంది. ఇక వీరిద్దరూ కలసి ఉంటారా ? విడిపోతారా ? ఈ సినిమా పేరు ఏమిటి ? ఏ ఓటీటీలో ఉంది ? అనే విషయాలను తెలుసుకుందాం పదండి.

స్టోరీలోకి వెళితే

బో-యున్ (మూన్ గ్యూన్-యంగ్) అనే ఒక 15 ఏళ్ల హైస్కూల్ అమ్మాయి, స్కూల్ బేస్‌బాల్ టీమ్ ఆటగాడు జంగ్-వూ మీద క్రష్‌తో ఉంటుంది. సాంగ్-మిన్ (కిమ్ రే-వాన్) అనే 20 ఏళ్ల కాలేజీ విద్యార్థి, కొంచెం ప్లేబాయ్ స్వభావం కలిగి ఉంటాడు. వీరిద్దరూ చిన్నప్పటి నుండి స్నేహితులు. వీళ్ళ కుటుంబాలు కొరియన్ యుద్ధ సమయంలో ఒకరికొకరు సన్నిహితంగా ఉండేవి. బో-యున్ తాత (కిమ్ ఇన్-మున్), తన స్నేహితుడైన సాంగ్-మిన్ తాతతో చేసిన ఒప్పందం ప్రకారం, వీరిద్దరినీ పెళ్లి చేయాలని నిర్ణయిస్తాడు. తాత ఆరోగ్యం గురించి బో-యున్, సాంగ్-మిన్ ఈ వివాహానికి ఒప్పుకుంటారు. అయితే ఈ నిర్ణయంతో వీళ్ళు ఇంకా షాక్ లోనే ఉంటారు. ఇంతలోనే పెళ్లి కూడా జరిగిపోతుంది.

ఇక బో-యున్ తన సాధారణ స్కూల్ జీవితాన్ని కొనసాగించాలనుకుంటుంది. కాబట్టి ఆమె తన వివాహాన్ని స్కూల్‌లో రహస్యంగా ఉంచుతుంది. ఆమె జంగ్-వూ (స్కూల్ బేస్‌బాల్ ప్లేయర్)తో డేటింగ్ ప్రారంభిస్తుంది. బో-యున్ పట్ల సాంగ్-మిన్ జాగ్రత్తగా, గౌరవంగా వ్యవహరిస్తాడు. ఆమె సౌకర్యం కోసం తన అలవాట్లను కూడా పక్కన పెడతాడు. ఇక స్టోరీ గందరగోళంగా సాగుతుంది. ఎందుకంటే బో-యున్ స్కూల్‌లో సాంగ్-మిన్ టీచర్ ఇంటర్న్‌గా చేరతాడు. ఇది హాస్యాస్పదమైన, ఇబ్బందికరమైన సన్నివేశాలకు దారితీస్తుంది. బో-యున్ బెస్ట్ ఫ్రెండ్ కి, జంగ్-వూ మీద క్రష్ ఉంటుంది. దీనివల్ల బో-యున్ పట్ల ఆమె ఈర్ష్యతో ఉంటుంది. ఇది స్టోరీని మరో లెవెల్ కి తీసుకెళ్తుంది.

స్కూల్‌లో ఒక టీచర్ అయిన మిస్ కిమ్, సాంగ్-మిన్‌తో ఫ్లర్ట్ చేస్తుంది. కానీ అతనికి బో-యున్‌తో వివాహం అయిన విషయం తెలిసినప్పుడు, ఆమె బో-యున్‌ను శిక్షించడానికి ఒక స్టేజ్ గోడను పెయింట్ చేయమని ఆదేశిస్తుంది. ఈ విషయంలో సాంగ్-మిన్ రహస్యంగా బో-యున్‌కు సహాయం చేస్తాడు. ఒక కుటుంబ సమావేశంలో, జంగ్-వూ తో బో-యున్ ఉన్న వీడియో బయటపడటంతో స్టోరీ మలుపు తీసుకుంటుంది. చివరికి బో-యున్ ఎవరిని ఇష్టపడుతుంది ? భర్త సాంగ్-మిన్‌తో ఉంటుందా ? బాయ్ ఫ్రెండ్ జంగ్-వూ తో ఉంటుందా ? అనే విషయాలను ఈ కొరియన్ సినిమాను చూసి తెలుసుకోండి.

ఈ సినిమా ఏ ఓటీటీలో ఉందో తెలుసా

ఈ కొరియెన్ మూవీ పేరు ‘మై లిటిల్ బ్రైడ్’ (My Little Bride). ఈ సినిమాకి కిమ్ హో-జూన్ దర్శకత్వం వహించారు. ఇందులో మూన్ గ్యూన్-యంగ్ (బో-యున్), కిమ్ రే-వాన్ (సాంగ్-మిన్), కిమ్ బో-క్యుంగ్, అహన్ సన్-యంగ్, కిమ్ ఇన్-మున్ (తాత) వంటి నటులు నటించారు. 1 గంట 55 నిమిషాల రన్‌ టైమ్ ఉన్న ఈ సినిమాకి IMDbలో 7.0/10 రేటింగ్ ఉంది. అమెజాన్ ప్రైమ్ వీడియో (Amazon prime video) లో ఈ సినిమా అందుబాటులో ఉంది.