OTT Movie : భార్య కళ్ళముందే విదేశీ అమ్మాయితో… అన్నీ అవే సీన్లు… కల్లోనూ కలవరింతలు పుట్టించే కథ

OTT Movie : విదేశీ పర్యాటకులను మోసం చేసే నకిలీ గురువుల ఆధారంగా రూపొందిన సినిమా ‘మొహల్లా అస్సీ’. మొహల్లా అస్సీ అనేది వారణాసిలో గంగా నది ఒడ్డున ఉన్న ఒక ఘాట్. ఇక్కడ 1980-1990 మధ్య కాలంలో వారణాసిలో మతం వ్యాపారం గా మారుతున్న దృశ్యాలను, ఈ సినిమా సెటైరికల్ గా చూపిస్తుంది. ఇందులో సన్నీ డియోల్ సంస్కృత ఉపాధ్యాయుడిగా, సనాతన మత గురువుగా నటించారు. రామజన్మభూమి ఉద్యమంలో జరిగిన సంఘటనల ద్వారా సినిమా కథ సాగుతుంది. 2015 జూన్ 30న మతపరమైన మనోభావాలను దెబ్బతీసినందుకు ‘మొహల్లా అస్సీ’ విడుదలపై ఢిల్లీ కోర్టు స్టే విధించింది. దీంతో ఈ సినిమా విడుదలకి 3 సంవత్సరాలు ఆలస్యమైంది. ఇది ఏ ఓటీటీలో ఉంది ? దీని కథ ఏమిటి ? అనే వివరాలను తెలుసుకుందారం పదండి.

అమెజాన్ ప్రైమ్ వీడియోలో స్ట్రీమింగ్

‘మొహల్లా అస్సీ’ (Mohalla Assi) 2018లో విడుదలైన భారతీయ హిందీ సెటైరికల్ సినిమా. ఇందులో సన్నీ డియోల్, సాక్షి తన్వర్ ప్రధాన పాత్రల్లో నటించారు. మిగతా పాత్రల్లో సౌరభ్ శుక్లా, ముఖేష్ తివారీ, రవి కిషన్, రాజేంద్ర గుప్తా నటించారు. ఇది కాశీనాథ్ సింగ్ ప్రసిద్ధ నవల కాశీ కా అస్సీ ఆధారంగా, చంద్రప్రకాశ్ ద్వివేదీ దర్శకత్వంలో తెరకెక్కింది. 2 గంటల 35 నిమిషాల ఈ సినిమా అమెజాన్ ప్రైమ్ వీడియోలో స్ట్రీమింగ్ అవుతోంది.

స్టోరీలోకి వెళ్తే

వారణాసి గంగా తీరంలోని అస్సీ ఘాట్ మొహల్లాలో ధర్మనాథ్ పాండే అనే సంస్కృత పండితుడు తన భార్య సుమిత్రా , కుమారుడితో కలిసి ఆదర్శవంతమైన జీవితం గడుపుతుంటాడు. అతను ఉదయం గంగా స్నానం, వేద పఠనం, శుద్ధ హిందూ సంప్రదాయాలు పాటిస్తుంటారు. కానీ 1980-90ల నాటి భారతదేశంలో గ్లోబలైజేషన్, విదేశీ పర్యాటకుల రాకతో మొహల్లా మారిపోతుంది. స్థానికులు ఫేక్ బాబాలు, యోగా గురువులు, జ్యోతిషులుగా మారి ఫారినర్స్‌ను మోసం చేస్తుంటారు. డ్రగ్స్, సెక్స్, డబ్బు కోసం హిందూ మతాన్ని వ్యాపారంగా మారుస్తారు. పాండే ఈ మోసాలను చూసి ఆగ్రహిస్తాడు, కానీ అతని స్వంత ఇల్లు కూడా ఆర్థిక ఇబ్బందుల్లో పడుతుంది. రవి కిషన్ అనే ఒక ఫేక్ గురువు, విదేశీ మహిళలతో రొమాన్స్, డ్రగ్స్ పార్టీలు నడుపుతాడు. ఈ మధ్యలో రామ్ జన్మభూమి ఉద్యమం, మండల్ కమిషన్ రిజర్వేషన్స్ వంటి రాజకీయ సంఘటనలు మొహల్లాను రెండు వర్గాలుగా చీలుస్తాయి.

మరో వైపు పాండే మత శుద్ధత కోసం పోరాడతాడు. ఒక ఫారినర్ టూరిస్ట్‌ను గంగా స్నానం చేయించి, హిందూ ఆచారాలు నేర్పుతాడు. ఆమెను మోసం చేసిన స్థానికుల తో గొడవ పడతాడు. చివరికి పాండే ఒక భారీ సంఘటనలో చిక్కుకుంటాడు. ఫేక్ బాబాలు ఒక విదేశీ మహిళను డ్రగ్స్ ఇచ్చి అఘాయిత్యం చేస్తారు. పాండే ఆమెను కాపాడుతాడు. కానీ స్థానికులు అతనిపై దాడి చేస్తారు. పోలీసులు వచ్చి అతన్ని అరెస్ట్ చేస్తారు. మత భావాలు గాయపరచినట్టు కేసు పెడతారు. జైలులో ఉన్నప్పుడు అతనికి, మతం, సంప్రదాయాలు ఇప్పుడు డబ్బు, రాజకీయాల కోసం ఉపయోగపడుతున్నాయని తెలుస్తుంది. బయటకు వచ్చిన తర్వాత పాండే మార్పును అంగీకరిస్తాడు. తన ఇంటిని హోమ్‌స్టేగా మార్చి, ఫారినర్స్‌కు గంగా దర్శనం చూపిస్తాడు. ఈ సినిమా సెటైరికల్ గా ముగుస్తుంది.