OTT Movie : అమ్మాయి కోసం బాయ్ ఫ్రెండ్ అవతారమెత్తే పిల్లి… మస్ట్ వాచ్ క్రేజీ కొరియన్ డ్రామా

OTT Movie : ఫ్యాంటసీ థ్రిల్లర్ సినిమాలు, సిరీస్ లు ఎంత బాగుంటాయంటే… ఒక్కసారి చూడడం స్టార్ట్ చేస్తే ఆపలేము. అందులోనూ ఇలాంటి కే డ్రామాల వచ్చాయంటే చూడకుండా ఉండలేం. అలాంటి ఓ అద్భుతమైన సిరీస్ గురించే ఈ రోజు మన మూవీ సజెషన్. ఈ సిరీస్ లో ఒక పిల్లికి మానవుడిగా మారగల శక్తి ఉంటుంది. ఇంట్రెస్టింగ్ కథాంశం, కామెడీ, ప్రేమ, ఎమోషనల్ మూమెంట్స్ తో నిండిన ఒక లైట్-హార్టెడ్ కే డ్రామా ఇది. మంచి ఫీల్ గుడ్ సిరీస్ చూడాలనుకునే వారు వర్త్ వాచింగ్ మావా అనాల్సిందే. మరి ఈ సిరీస్ ఏ ఓటీటీలో స్ట్రీమింగ్ అవుతుందంటే ?

స్టోరీలోకి వెళితే

హీరోయిన్ కిమ్ సోల్-ఆ ఒక యంగ్ గ్రాఫిక్ డిజైనర్. ఆమె వెబ్‌టూన్ ఆర్టిస్ట్ కావాలని కలలు కంటుంది. ఆమెకు పిల్లులంటే ఆమెకు పిల్లులు అంటే ఇష్టం మాత్రమే కాదు ద్వేషం కూడా. ఈ క్రమంలోనే ఓ ఫ్రెండ్లీ పిల్లిని ఇంటికి తీసుకువచ్చినప్పుడు ఆమె జీవితం ఊహించని మలుపు తిరుగుతుంది. ఈ తెల్ల పిల్లి పేరు సెర్గీ. హీరోయిన్ మాజీ ప్రేమికుడు లీ జే-సన్ స్నేహితురాలిది ఆ పిల్లి. జే-సన్‌కు పిల్లులు అంటే అలర్జీ ఉండటం వల్ల, అతను సోల్-ఆను ఈ పిల్లిని చూసుకోమని కోరుతాడు. సోల్-ఆ ఈ పిల్లికి “హాంగ్-జో” అని కొత్త పేరు పెడుతుంది.

కానీ హాంగ్-జో సాధారణ పిల్లి కాదు. దానికి మనిషిలా మారే శక్తి ఉంటుంది. సోల్-ఆ దగ్గర ఉన్నప్పుడు లేదా ఆమె వస్తువులతో సంబంధం ఉన్నప్పుడు మాత్రమే మారగలడు. సోల్-ఆ పిల్లి మనిషిలా మారినప్పుడు చూసి, అతను తన ల్యాండ్‌లార్డ్ కొడుకు అని అనుకుంటుంది. అంతేకాదు అతనితో కలిసి జీవించడం మొదలు పెడుతుంది. ఇక హాంగ్-జో సోల్-ఆపై ప్రేమను పెంచుకుంటాడు ఆమె దగ్గర ఉండటానికి, తన సీక్రెట్ ను రహస్యంగా ఉంచడానికి చాలా కష్టపడతాడు.

సోల్-ఆ గతంలో జే-సన్‌తో ఉన్న సంబంధం వల్ల హర్ట్ అవుతుంది. ఎందుకంటే జే-సన్ ఆమెను అకస్మాత్తుగా విడిచిపెట్టాడు. హాంగ్-జో ఆమెకు గత గాయాల నుండి కోలుకోవడానికి సహాయం చేస్తాడు. ఇక అతను ఆమెను రక్షించడానికి, సంతోషంగా ఉంచడానికి ఎప్పుడూ ఆమె పక్కనే ఉంటాడు. ఈ క్రమంలో సోల్-ఆ, హాంగ్-జో మధ్య ఒక మంచి బంధం ఏర్పడుతుంది. కానీ హాంగ్-జో సీక్రెట్ వీళ్ళ రిలేషన్ కు అడ్డుగా మారుతుంది. మరి హీరోయిన్ కి హీరో అసలు నిజం ఏంటో చెప్పాడా? విషయం తెలిసిన తరువాత ఆమె ఏం చేసింది ? చివరికి ఏం జరిగింది? అనే విషయాలను ఈ సిరీస్ ను చూసి తెలుసుకోవాల్సిందే.

రెండు ఓటీటీలలో స్ట్రీమింగ్

‘మియావ్, ది సీక్రెట్ బాయ్’ (Meow the secret boy korean series) అనేది 2020లో విడుదలైన దక్షిణ కొరియా ఫ్యాంటసీ రొమాంటిక్ కామెడీ టెలివిజన్ సిరీస్. గో అ-రా రాసిన 2009–2010 నావర్ వెబ్‌టూన్ “వెల్‌కమ్” ఆధారంగా దీన్ని రూపొందించారు. ఈ సిరీస్‌లో కిమ్ మ్యుంగ్-సూ (ఎల్), షిన్ యే-యున్, సియో జి-హూన్, యూన్ యే-జూ, కాంగ్ హూన్ ప్రధాన పాత్రల్లో నటించారు. జియో సినిమా (Jio Cinema) లేదా యాపిల్ టీవీ ఓటీటీలో ఈ సిరీస్ ను చూడొచ్చు.