OTT Movie : భార్య ఉండగానే మరొక అమ్మాయితో… ట్విస్టుల మీద ట్విస్టులు… ఇది తెలుగు వెబ్ సిరీసే

OTT Movie : వెబ్ సిరీస్ లు సరికొత్త స్టోరీలతో స్ట్రీమింగ్ కి వస్తున్నాయి. వీటిలో రొమాంటిక్ థ్రిల్లర్ సిరీస్ లను చూడటానికి యువత ఆసక్తి చూపిస్తున్నారు. అయితే ఇప్పుడు మనం చెప్పుకోబోయే సిరీస్ నగర జీవితంలో మానవ సంబంధాల నేపథ్యంలో జరుగుతుంది. ఈ స్టోరీ పబ్ కల్చర్ చుట్టూ తిరుగుతుంది. నవదీప్, బిందు మాధవి నటన ఈ సిరీస్ కి హైలెట్ గా నిలుస్తోంది. ఈ సిరీస్ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …

ఆహాలో స్ట్రీమింగ్

‘మస్తీస్’ (Masti’s) 2020లో విడుదలైన తెలుగు రొమాంటిక్ క్రైమ్ థ్రిల్లర్ వెబ్ సిరీస్. ఇది అజయ్ భూయాన్ దర్శకత్వంలో Aha ప్లాట్‌ ఫామ్‌లో 2020 ఫిబ్రవరి 8న ప్రీమియర్ అయింది. ఇందులో నవదీప్ (ప్రణవ్), బిందు మాధవి (గౌరి), చాందినీ చౌదరి (లేఖ), హెబ్బా పటేల్ (తాన్య), అక్షర గౌడ (సిమ్రాన్), మరియు రాజా చెంబోలు (ఆనంద్) ప్రధాన పాత్రల్లో నటించారు. ఈ సిరీస్ ఒక పబ్ నేపథ్యంలో జరుగుతుంది. ఇది ఎనిమిది ఎపిసోడ్‌లతో ఒక్కో ఎపిసోడ్ సుమారు 30-40 నిమిషాల నిడివి కలిగిఉంది. IMDbలో 6.3/10 రేటింగ్ ను పొందింది.

స్టోరీలోకి వెళితే

ఈ స్టోరీ మస్తీస్ అనే పబ్ చుట్టూ తిరుగుతుంది. ప్రణవ్ (నవదీప్) ఒక ధనవంతుడైన యాడ్ ఫిల్మ్‌మేకర్. తన భార్య గౌరి (బిందు మాధవి)ని ప్రేమతో చూసుకుంటూ ఉంటాడు. వీళ్ళు మొదటి సారిగా కలిసిన మస్తీస్ పబ్‌ ఇప్పుడు ఆర్థికంగా నష్టాల్లో పడుతుంది. అయితే గౌరి కోసం ప్రణవ్ దీనిని కొనుగోలు చేస్తాడు. కానీ ప్రణవ్ ఒక విమనైజర్, గౌరితో పాటు సిమ్రాన్ (అక్షర గౌడ) అనే మోడల్‌తో రహస్య సంబంధం పెట్టుకుంటాడు. ఈ రహస్యం ఒక రోజు అనుకోకుండా బయటపడుతుంది. ఆతరువాత అతని వ్యక్తిగత, వృత్తిపరమైన జీవితం గందరగోళంలోకి పడుతుంది.

పబ్‌లో పనిచేసే లేఖ (చాందినీ చౌదరి) ఒక వెయిట్రెస్. ఆమె తన మధ్యతరగతి జీవితం నుంచి బయటపడి, ఆర్థికంగా స్థిరపడాలని కలలు కంటూ ఉంటుంది. పబ్ మేనేజర్ ఆనంద్ (రాజా చెంబోలు) లేఖను ప్రేమిస్తుంటాడు. కానీ ఆమె అతని ప్రపోజల్‌ను తిరస్కరిస్తుంది. లేఖ ఒక రహస్యాన్ని దాచిపెడుతుంది. ఇది ఆమెను, ఆమె చుట్టూ ఉన్నవారిని సమస్యల్లో పడేస్తుంది. అదే సమయంలో తాన్య (హెబ్బా పటేల్) అనే ఒక రాక్ బ్యాండ్ సింగర్, తన కెరీర్‌ను ముందుకు తీసుకెళ్లడానికి ప్రయత్నిస్తుంది. ఆమె బ్యాండ్‌లోని సభ్యులు కార్తీక్, దినేష్ ఆమె పట్ల రొమాంటిక్ ఫీలింగ్స్ కలిగి, బ్యాండ్‌లో గొడవలకు కారణమవుతారు.

ఇక ఈ సిరీస్‌లో ప్రణవ్ యాడ్ క్యాంపెయిన్ లీక్ అవడం, గౌరి తాగిన స్థితిలో ప్రణవ్ రహస్యాలను తెలుసుకోవడం, లేఖ హాస్పిటల్‌లో చేరడం వంటి సంఘటనలు కథను ముందుకు నడిపిస్తాయి. ప్రణవ్ తన భార్యకు సర్దిచెప్పడానికి ప్రయత్నిస్తాడు. కానీ గౌరి అతని మోసాన్ని గుర్తించి విడాకులు దాఖలు చేస్తుంది. తాన్య బ్యాండ్‌ను కాపాడేందుకు ప్రయత్నిస్తుంది. కానీ ఆమె తల్లి ఆసుపత్రిలో చేరడం ఆమెను భావోద్వేగంగా కుంగదీస్తుంది. లేఖ రిజెక్షన్‌తో ఆనంద్ బాధపడుతూ, ఆమెను రక్షించేందుకు సహాయం చేస్తాడు. సిరీస్ చివరలో ఈ ఆరుగురు వ్యక్తులు తమ తప్పుల నుండి ఏం నేర్చుకుంటారు ? ఈ స్టోరీ క్లైమాక్స్ ఏమిటి ? అనే విషయాలను ఈ సిరీస్ ను చూసి తెలుకోండి.