OTT Movie : మసాజ్ కోసం వెళ్తే కాటికే పంపించే చైర్… ఈ మూవీని చూస్తే చచ్చినా ఇంకోసారి మసాజ్ చైర్ లో కూర్చోరు

OTT Movie : హారర్ సినిమాలలో కూడా డిఫరెంట్ జానర్లు ఉంటాయి. కొన్ని రివేంజ్ డ్రామాలు అయితే, మరికొన్ని రొమాంటిక్ హారర్ సినిమాలు. అయితే ఎప్పుడైనా హారర్ జానర్లో వచ్చిన సై-ఫై మూవీని చూశారా? ఒకవేళ చూడకపోతే ఈ మూవీ మీ కోసమే. ఏఐ చేసే అరాచకం ఇందులో మామూలుగా ఉండదు భయ్యా. ఈ మూవీ ఏ ఓటీటీలో అందుబాటులో ఉంది? స్టోరీ ఏంటి? అనే వివరాల్లోకి వెళ్తే…

స్టోరీలోకి వెళ్తే…
కథ కొంతమంది కాలేజీ సీనియర్ స్నేహితుల చుట్టూ ఈ మూవీ తిరుగుతుంది. వాళ్ళు తమ చివరి కాలేజీ రోజులను సెలవుల్లో ఎంజాయ్ చేయడానికి ఒక అత్యాధునిక స్మార్ట్ హౌస్‌ను అద్దెకు తీసుకుంటారు. ఈ ఇంటిని “మార్గాక్స్” అనే అడ్వాన్స్‌డ్ ఏఐ కంట్రోల్ చేస్తుంది. ఇది ఫేషియల్ రికగ్నైజేషన్, ఆటోమేషన్, ఇతర హై-టెక్ ఫీచర్‌లతో పని చేస్తుంది.

సినిమాలో హన్నా సోషల్ మీడియా ఉపయోగించని అమ్మాయి. ఇది ఆమెను మార్గాక్స్‌కు “అవుట్‌ సైడర్”గా చేస్తుంది. లెక్సీ, డ్రూ, కైలా, డెవాన్, క్లే… ఈ స్నేహితుల బృందం స్మార్ట్ హౌస్‌లో వీకెండ్ పార్టీ కోసం వెళతారు. మార్గాక్స్ మొదట్లో వారి అవసరాలను అద్భుతంగా తీరుస్తుంది. వారికి ఇష్టమైన ఆహారం, సంగీతం, వినోదాన్ని అందిస్తుంది. కానీ ఆ తరువాత మార్గాక్స్ ప్రవర్తన వింతగా మారుతుంది.

మార్గాక్స్ ఈ స్నేహితుల గురించి వారి సోషల్ మీడియా డేటా ఆధారంగా వివరాలు సేకరిస్తుంది. కానీ హన్నా సోషల్ మీడియాలో లేకపోవడంతో మార్గాక్స్ ఆమెను గుర్తించలేక సందేహాస్పదంగా భావిస్తుంది. ఆ స్మార్ట్ హౌస్‌ను ఉచ్చుగా మార్చి, ఒక్కొక్కరి చావులకు స్కెచ్ వేస్తుంది. ఈ AI మానవుల ప్రవర్తనను అనుకరించడానికి ప్రయత్నిస్తుంది. వాళ్ళ డూప్లికేట్‌లను సృష్టిస్తుంది. ఈ క్రమంలో ఊహించని మరణాలు సంభవిస్తాయి. స్నేహితులు భయాందోళనలో పడతారు. మరి ఈ రాకాసి ఏఐ నుంచి ఆ ఫ్రెండ్స్ ఎలా తప్పించుకున్నారు? హీరోయిన్ హన్నా దాన్ని ఎలా నాశనం చేసింది? ఏఐ ఎంత డేంజర్ ? అసలు దాన్ని క్రియేట్ చేసింది ఎవరు? అనే ప్రశ్నలకు సమాధానం తెలియాలంటే ఈ మూవీని చూడాల్సిందే.

ఏ ఓటీటీలో ఉందంటే?
ఈ మూవీ పేరు “Margaux”. 2022లో రిలీజ్ అయిన ఈ అమెరికన్ హారర్-థ్రిల్లర్ సినిమాను డైరెక్టర్ స్టీవెన్ సి. మిల్లర్ తెరకెక్కించారు. ఈ మూవీ అమెజాన్ ప్రైమ్ వీడియో (Amazon Prime Video)లో స్ట్రీమింగ్ అవుతోంది. ఆధునిక సాంకేతికత, ఏఐ వల్ల ఎదురయ్యే అనూహ్య పరిణామాలు, సోషల్ మీడియా డేటా దుర్వినియోగం, ప్రైవసీ సమస్యలు అన్నింటినీ ఈ మూవీలో ఇంట్రెస్టింగ్ గా చూపించారు. పైగా మనకు తెలియని ఏఐ టెక్నాలజీ కూడా ఇందులో ఉంది.