OTT Movie : శవాలుగా తేలే అమ్మాయిలు… కార్టూనిస్ట్ కన్నింగ్ భర్తపైనే అనుమానం… నరాలు కట్టయ్యే సస్పెన్స్

OTT Movie : యాక్షన్ థ్రిల్లర్ అభిమానులకు ఒక అదిరిపోయే బెంగాలీ మూవీ ఓటీటీలోకి వచ్చేసింది. థియేటర్లలో విడుదలైన మూడు నెలలకు ఓటీటీలోకి అడుగు పెట్టింది. ఈ సినిమా ఒక అమ్మాయి మర్డర్ తో మొదలవుతుంది. ఆ అమ్మాయి చావుకు, తల్లి తీర్చుకునే రివేంజ్ కి థియేటర్ కూడా దద్దరిల్లిపోతుంది. ఈ సినిమా బెంగాలీలో బిగ్గెస్ట్ హిట్ గా నిలిచింది. దీని పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాల్లోకి వెళ్తే ..

ఏ ఓటీటీలో ఉందంటే

‘మాడమ్ సెంగుప్త’ (Madam sengupta) 2025లో వచ్చిన బెంగాలీ యాక్షన్ థ్రిల్లర్ సినిమా. సయాంతన్ ఘోసల్ దీనికి దర్శకత్వం వహించారు. ఇందులో రితుపర్ణా సెంగుప్త, రాహుల్ బోస్, కౌషిక్ సేన్, అనన్య చటర్జీ ప్రధాన పాత్రల్లో నటించారు. ఈ సినిమా 2025 జూలై 4న థియేటర్లలో విడుదల అయింది. అక్టోబర్ 17 నుంచి ZEE5 ఓటీటీలో స్ట్రీమింగ్ కి వచ్చింది. IMDb లో దీనికి 8.7/10 రేటింగ్ కూడా ఉంది.

కథలోకి వెళ్తే

కలకత్తా మహానగరంలో అను రేఖ ఒక ప్రసిద్ధ కార్టూనిస్ట్. ఆమెకు పెళ్లితో పాటు, విడాకులు కూడా జరిగిపోయి ఉంటాయి. అయితే ఆమె జీవితంలో మరో ట్రాజీడీ జరుగుతుంది. ఆమె కుమార్తె అనన్య ఒక బెంగాలీ యూనివర్సిటీలో మర్డర్ అవుతుంది. అను రేఖకు ఈ మర్డర్ సాధారణమైనది కాదని, ఎవరో పక్కా ప్లాన్ తో చేశారని అనుమానిస్తుంది. ఆమె తన కుమార్తె మరణం వెనుక నిజం తెలుసుకోవడానికి విచారణ మొదలెడుతుంది. ఆమె ఎక్స్-హస్బెండ్ ను కూడా ఆమె అనుమానిస్తుంది. ఈ విచారణలో ఆమె కుమార్తె మరణం వెనుక పెద్ద రాజకీయ కుట్ర ఉందని తెలుస్తుంది. ఈ కుట్రలో శక్తివంతమైన వ్యక్తులు, రాజకీయ నాయకులు కూడా ఇన్వాల్వ్ అయినట్లు తెలుసుకుంటుంది.

అనురేఖ ఒంటరిగా పోరాడుతూ, తన బాధలను దిగమింగుతూ ధైర్యంగా ముందుకు వెళ్తుంది. కథ సస్పెన్స్ తో ఉత్కంఠంగా నడుస్తుంది. అనురేఖ తన కుమార్తె మర్డర్ వెనుక నిజాన్ని వెలుగు తీసే క్రమంలో ఎన్నో అడ్డంకులు ఎదురవుతాయి. ఈ కుట్రలో రాజకీయ నాయకులు ఉన్నారని తెలిసి, అనురేఖ ధైర్యంగా పోరాడి ప్రతీకారం తీర్చుకోవడానికి ప్రయత్నిస్తుంది. ఇక ఈ క్లైమాక్స్ ఊహించని మలుపులతో ముగుస్తుంది. అను రేఖ కూతుర్ని చంపింది ఎవరు ? ఎందుకు చంపారు ? అను రేఖ ప్రతీకారం తీర్చుకుంటుందా ? ఆమె మాజీ భర్త ప్రమేయం ఉందా ? అనేవిషయాలను, ఈ బెంగాలీ యాక్షన్ థ్రిల్లర్ సినిమాను చూసి తెలుసుకోవల్సిందే.