OTT Movie : వెంటాడి, వేటాడి చంపే పాయిజనస్ పొగ… వెనకడుగు వేస్తే నరకానికి డైరెక్ట్ టిక్కెట్

OTT Movie : కష్ట సమయంలో కుటుంబం కోసం పోరాడటం, ధైర్యం చూపడం వంటివి చేసే సాధారణ వ్యక్తే అసాధారణ పరిస్థితుల్లో హీరోగా మారతాడు. నిరాశలో ఉన్న జనాల్లో ఆశని నింపి, కాపాడే ప్రయత్నం చేస్తాడు. అలాంటి ఓ కొరియన్ సినిమా గురించే ఈరోజు మనం చెప్పుకోబోతున్నాము. ప్రపంచాన్ని నాశనం చేసే ఓ పొగ నుంచి ఈ హీరో అందరినీ ఎలా బయట పడేశాడు అన్నది స్టోరీ. ఈ మూవీ ఏ ఓటీటీలో ఉందంటే?

స్టోరీలోకి వెళ్తే…
యాంగ్-నామ్ (చో జంగ్-సియోక్) ఒక నిరుద్యోగి. అతడికి రాక్ క్లైంబింగ్‌ లో మంచి ట్యాలెంట్ ఉంటుంది. కానీ లైఫ్ లో మాత్రం సక్సెస్ కాలేకపోతాడు. తన కుటుంబంతో సియోల్‌లో నివసించే హీరో గురించి అతని తల్లి (గో డు-షిమ్) ఎప్పుడూ ఆందోళన చెందుతుంది.

యాంగ్-నామ్ తన తల్లి 70వ పుట్టినరోజు వేడుకను సియోల్‌ లోని ఒక బ్యాంక్వెట్ హాల్‌ లో ఏర్పాటు చేస్తాడు. అక్కడ తన కాలేజీ స్నేహితురాలు ఈ-జూ (ఇమ్ యూనా)ని కలుస్తాడు. ఆమె అదే హాల్‌ లో అసిస్టెంట్ మేనేజర్‌ గా పని చేస్తుంది. యాంగ్-నామ్ కి కాలేజీ రోజుల్లోనే కాదు ఇప్పటికీ ఆమె అంటే ఇష్టమే. కానీ ఈ-జూ అతనొక జాబ్ లెస్ ఫెల్లో అన్న కారణంతో అతనిపై ఇంట్రెస్ట్ చూపించదు.

బర్త్ డే వేడుక జరుగుతున్న సమయంలో, ఒక విష వాయువు (క్లోరిన్ గ్యాస్) సియోల్ నగరంలో వ్యాపించడం ప్రారంభమవుతుంది. ఈ వాయువు ఒక ఉగ్రవాద దాడి కారణంగా విడుదలవుతుంది. దీన్ని పీల్చిన వారిని తక్షణమే చంపేస్తుంది. విష వాయువు నగరంలో తక్కువ ఎత్తులోనే వ్యాపిస్తుంది. కాబట్టి బతకడానికి ఏకైక మార్గం ఎత్తైన ప్రదేశాలకు చేరుకోవడం. యాంగ్-నామ్, ఈ-జూ తమ కుటుంబాలను, ఇతరులను కాపాడాలని నిర్ణయించుకుంటారు.

యాంగ్-నామ్ తన రాక్ క్లైంబింగ్ నైపుణ్యాలను ఉపయోగించి, భవనాల మధ్య గోడలను ఎక్కడం, తాడులను ఉపయోగించడం, ప్రమాదకరమైన పరిస్థితుల నుండి తప్పించుకోవడం చేస్తాడు. ఈ-జూ తన తెలివితేటలు, ధైర్యంతో అతనికి సహాయం చేస్తుంది. ఈ క్రమంలో కామెడీ నుంచి ఎమోషన్ దాకా సినిమాలో నవరసాలు ఉంటాయి. మరి చివరికి ఈ ప్రమాదం నుంచి వాళ్ళు ఎలా తప్పించుకున్నారు ? ఒక భవనం పై నుంచి మరో భవనంపైకి దూకడం అన్నది అంత ఆషామాషీ వ్యవహారం కాదు. అలాగని కిందకి వెళ్లలేరు. మరి చివరికి వీళ్ళంతా ఆ డిజాస్టర్ నుంచి ఎలా బయటపడ్డారు ? అనే ఇంట్రెస్టింగ్ విషయాలు తెరపై చూడాల్సిందే. ఇందులోని యాక్షన్ సీక్వెన్స్, స్టంట్స్ మాత్రం గూస్ బంప్స్ తెప్పిస్తాయి. పక్కా వర్త్ వాచింగ్ మూవీ మావా.

ఏ ఓటీటీలో ఉందంటే?
ఇప్పుడు మనం చెప్పుకుంటున్న మూవీ పేరు “Exit”. 2019లో రిలీజ్ అయిన ఈ మూవీ ఒక దక్షిణ కొరియా యాక్షన్-కామెడీ డిజాస్టర్ సినిమా. దీనికి లీ సాంగ్-గ్యూన్ దర్శకత్వం వహించారు. ఈ మూవీ నెట్‌ఫ్లిక్స్‌ (Netflix)లో అందుబాటులో ఉంది.