OTT Movie : పసిపాపకు ప్రాణాలు తీసే పవర్… ఆమె ముట్టుకుంటే మసే… ఇలాంటి ఐడియాలు ఎలా వస్తాయి భయ్యా?

OTT Movie : రీసెంట్ గా ఓటీటీలో స్ట్రీమింగ్ కి వచ్చిన ఒక సూపర్ నేచురల్ థ్రిల్లర్ ఆడియన్స్ ని ఆకట్టుకుంటోంది. 19 వ శతాబ్ధంలో జరికే రెండు భయంకరమైన సంఘటనల చుట్టూ స్టోరీ తిరుగుతుంది. ఆ సమయంలో ప్లేగ్ మహమ్మరితో చాలా మంది ప్రాణాలు కోల్పోతుంటారు. అయితే ఇదే సమయంలో ఒక పాపాకి వింత సమస్య వస్తుంది. ఆమె ఎవరినైతే ముట్టుకుంటుందో వాళ్ళు చనిపోతుంటారు. ఈ సమస్య నుంచి బయట పడటానికి ఆమె తల్లి చసే పోరాటమే ఈ కథ. ఈ సినిమా పేరు ఏమిటి ? ఏ ఓటీటీలో ఉంది ? అనే వివరాలను తెలుసుకుందాం పదండి.

ఎందులో స్ట్రీమింగ్ అవుతుందంటే

2025లో విడుదలైన ఈ సూపర్ నేచురల్ వెస్ట్రన్ థ్రిల్లర్ మూవీ పేరు ‘కిల్లింగ్ ఫెయిత్’ (Killing Faith). నెడ్ క్రౌలీ దర్శకత్వం వహించిన ఈ సినిమా కథ 1849 నాటి అమెరికా పశ్చిమ ప్రాంతంలో ప్లేగు వ్యాధి నేపథ్యంలో సాగుతుంది. ఇందులో గై పియర్స్, డివాండా వైజ్, బిల్ పుల్‌మాన్ లీడ్ రోల్స్ లో నటించారు. ప్రస్తుతం ఈ సినిమాను Amazon Prime Video, Apple TV వంటి ప్లాట్‌ఫారమ్‌లలో చూడవచ్చు.

స్టోరీ ఏమిటంటే

1849 నాటి అమెరికన్ పశ్చిమ ప్రాంతంలో, ప్లేగు వ్యాధితో అతలాకుతలమైన పరిస్థితులు ఏర్పడుతాయి. ఎంతో మంది ప్రాణాలు కోల్పోతుంటారు. ఈ సమయంలో సారా అనే నల్ల జాతి బానిస స్త్రీకి విముక్తి లభిస్తుంది. అయితే ఆమెకు ఉన్న ఒక చిన్న కూతురు వల్ల పెద్ద సమస్య వస్తుంది. ఆ పాపకు దెయ్యం పట్టిందని సారా బలంగా నమ్ముతుంది. ఎందుకంటే ఆ అమ్మాయి చేతులు తగిలిన ప్రతి జీవి చనిపోతుంటుంది. తన కూతురిని దీని నుంచి రక్షించుకోవడానికి, సారా ఒక సుదూర ప్రాంతంలో ఉన్న “ఫెయిత్ హీలర్” అనే భూత వైద్యుడి వద్దకు వెళ్లాలని నిర్ణయించుకుంటుంది. ఈ ప్రయాణానికి ఆమె స్టీల్ బెండర్ అనే వైద్యుడిని ఒప్పిస్తుంది. అతను సైన్స్ ని నమ్ముతూ, దేవుడిపై నమ్మకాన్ని కోల్పోయి ఉంటాడు. డాక్టర్ బెండర్ ఆ అమ్మాయికి ఏదో ఒక అంటువ్యాధి ఉందని నమ్ముతాడు, కానీ సారా మాత్రం అది దెయ్యం పనే అని వాదిస్తుంది.

ఈ ముగ్గురు ప్రమాదకరమైన ప్రాంతాల గుండా ఐదు రోజుల ప్రయాణం చేస్తారు. దారిలో ప్రమాదకరమైన శక్తులను ఎదుర్కొంటారు. బెండర్ తన సొంత కూతురును గతంలో ప్లేగు వ్యాధిలో కోల్పోయిన బాధతో ఉంటాడు. ఇక ముగ్గురూ అతన్ని చెరడానికి అలుపెరుగని ప్రయాణం చేస్తారు. చివరికి వీళ్ళు ‘ఫెయిత్ హీలర్’ ను కలుస్తారా ? సారా కూతురికి వచ్చిన వింత సమస్య పోతుందా ? ఆమెకి నిజంగానే దెయ్యం పట్టిందా ? అనే ప్రశ్నలకు సమాధానాలను, ఈ సూపర్ నేచురల్ వెస్ట్రన్ థ్రిల్లర్ సినిమాను చూసి తెలుసుకోండి.