OTT Movie : మొదటి రాత్రే మొగుడు చనిపోతే… చిన్న వయసులో ఈ చిన్నారి ఏం చేసిందో తెలిస్తే మైండ్ బ్లాక్

OTT Movie : ఒకప్పుడు పెళ్లిళ్లు చిన్న వయసులోనే జరిపేవారు. బాల్య వివాహాలు అప్పట్లో సాధారణంగా జరిగేవి. భర్తలు చనిపోతే ఆడవాళ్ళ పరిస్థితి దారుణంగా ఉండేది. ఇప్పుడు ఆ పరిస్థితి మారిపోయింది అది వేరే విషయం. అయితే 1940లో జరిగే ఒక ఫీల్ గుడ్ స్టోరీ మూవీ ఓటిటిలో స్ట్రీమింగ్ అవుతోంది. ఆ మూవీ పేరేమిటి? ఎందులో స్ట్రీమింగ్ అవుతుందో వివరాల్లోకి వెళితే…

జి ఫైవ్ (Zee5) లో

ఈ ఫీల్ గుడ్ మూవీ పేరు ‘కక్స్పర్ష్‘ (Kaksparsh). ఈ మూవీలో ఒక బ్రాహ్మణ కుటుంభంలో, చిన్న వయసులోనే ఒక అమ్మాయికి పెళ్లి చేస్తారు. మొదటి రాత్రి గడవకముందే భర్త చనిపోతాడు. ఆ తర్వాత ఈమె పరిస్థితి ఏమిటి? అనే స్టోరీ చుట్టూ మూవీ తిరుగుతుంది. ఈ మూవీ ఓటిటి ఫ్లాట్ ఫామ్ జి ఫైవ్ (Zee5) లో స్ట్రీమింగ్ అవుతోంది. 2012లో విడుదలైన ఈ మరాఠీ పీరియడిక్ డ్రామా మూవీకి మహేష్ మంజ్రేకర్ దర్శకత్వం వహించారు. ఈ మూవీలో సచిన్ ఖేడేకర్, ప్రియా బాపట్, మేధా మంజ్రేకర్, సవితా మల్పేకర్, కేతకి మాతేగావ్కర్ నటించారు. ఈ మూవీ కమర్షియల్‌గా విజయవంతం అవ్వడంతో పాటు, విమర్శకుల ప్రశంసలు పొందింది.

స్టోరీ లోకి వెళితే

హరినాథ్ ది ఒక బ్రాహ్మణ కుటుంబం. ఇతనికి మహదేవ్ అనే తమ్ముడు ఉంటాడు. ఉన్నత విద్య అభ్యసిస్తూ అన్నకు తోడుగా ఉంటాడు. అయితే తమ్ముడిని పెళ్లి చేసుకోవాల్సిందిగా అడుగుతాడు హరినాథ్. ఇంట్లో వదినకి సహాయం గా ఉంటుందని పెళ్లికి ఒప్పిస్తాడు. చిన్న వయసు అయిన ఉమతో పెళ్లి జరిపిస్తాడు. అయితే ఇంకా ఉమ చిన్న పిల్ల కావడంతో, మొదటి రాత్రికి సమయం తీసుకోవాలనుకుంటారు. ఈ క్రమంలో మహదేవ్ ఇష్టం లేకపోయినా, భార్యను వదిలి చదువుకోవడానికి పట్టణానికి వెళ్తాడు. ఇంట్లో సంతోషంగా ఉంటుంది ఉమా. కొద్దిరోజుల తర్వాత మహదేవ్ ఇంటికి వస్తాడు. మహదేవ్, ఉమకి మొదటి రాత్రికి ఏర్పాట్లు చేస్తారు. ఆ సమయంలో తీవ్ర జ్వరంతో బాధపడతాడు మహదేవ్. డాక్టర్లు మందులు ఇచ్చినా ఉపయోగం లేకుండా పోతుంది. మహదేవ్ అనారోగ్యంతో ఆ రాత్రి చనిపోతాడు.

భర్త చనిపోవడంతో ఉమా పరిస్థితి ఆ తర్వాత మారిపోతుంది. కొద్ది రోజుల్లోనే హరినాథ్ కి కూడా భార్య చనిపోతుంది.ఆ తరువాత అందరూ హరినాథ్ ని ఉమని పెళ్లి చేసుకోమంటారు. అందుకు హరినాథ్ ఒప్పుకోడు. ఒకరోజు భార్య భర్తలు ఎలా ఉంటారు తెలుసుకోవాలని ఉమ చాటుగా చూస్తుంది. ఇది గమనించిన హరినాథ్ ఆమెను గట్టిగా తిడతాడు. అప్పుడు ఉమ చాలా బాధపడుతుంది. నా భర్త ఉంటే అతనితో సంతోషంగా ఉండేదాన్ని కదా అనుకుంటుంది. ఆ దిగులుతో మంచం పడుతుంది. ఆ సమయంలో హరినాథ్ ఆమె మెడలో తాళి కట్టడానికి ఒప్పుకుంటాడు. చివరికి ఆమె మెడలో హరినాథ్ తాళి కడతాడా? ఉమ పరిస్థితి ఏమవుతుంది? ఈ విషయాలను తెలుసుకోవాలనుకుంటే జి ఫైవ్ (Zee5) లో స్ట్రీమింగ్ అవుతున్న ఈ మరాఠీ మూవీని మిస్ కాకుండా చూడండి.