Thriller Series OTT : ఆత్మలతో మాట్లాడే డాక్టర్ … ఓటీటీలోకి రాబోతున్న సౌత్ కొరియన్ మెడికల్ థ్రిల్లర్ సిరీస్

Thriller Series OTT : కొరియన్ సిరీస్ లకు మన వాళ్ళు ఫిదా అయిపోతున్నారు. కొత్త పాత అనే తేడా లేకుండా వీటిని తెగ చూస్తున్నారు. ఇక అక్కడ నుంచి రొమాంటిక్, థ్రిల్లర్ జోనర్లోనే ఎక్కువగా వస్తున్నాయి. ఈ నేపథ్యంలో ఒక కొత్త మెడికల్ థ్రిల్లర్ సిరీస్ ఓటీటీలోకి అడుగుపెట్టబోతోంది. ఈ సిరీస్ పై అంచనాలు కూడా బాగానే ఉన్నాయి. చనిపోయిన వారిని సైతం బ్రతికించగలననే నమ్మకంతో ఉండే ఒక న్యూరోసర్జన్ చుట్టూ ఈ కథ ఉంటుంది. ఈ సిరీస్ పేరు ఏమిటి? ఎక్కడ చూడొచ్చు ? అనే విషయాలను తెలుసుకుందాం పదండి

ఏ ఓటీటీలో చూడచ్చు అంటే

ఈ కొరియన్ మెడికల్ థ్రిల్లర్ సిరీస్ పేరు ‘డాక్టర్ షిన్’ (Doctor Shin). ప్రధాన పాత్రల్లో జియాంగ్ యి-చాన్, బేక్ సో-రా నటించారు. ప్రముఖ రచయిత్రి ఫీబీ రాసిన మొదటి మెడికల్ థ్రిల్లర్ కావడంతో దీనిపై భారీ అంచనాలు ఉన్నాయి. ఇది 2026 మార్చి 14 నుంచి Chosun TV ఛానల్‌లో శని, ఆదివారాల్లో రాత్రి 10:30 గంటలకు ప్రసారమవుతుంది. అలాగే Coupang Play ఓటీటీలో కూడా అందుబాటులో ఉంటుంది ఈ సిరీస్.

స్టోరీ ఏమిటంటే

ఈ కథలో హీరో డాక్టర్ షిన్ ఒక రేంజ్ న్యూరో సర్జన్. నేను తలుచుకుంటే చచ్చినోడిని కూడా బ్రతికిస్తా అనే రకం ఈ డాక్టర్ గారు. కట్ చేస్తే, ఒక ఊహించని యాక్సిడెంట్‌లో ఒక అమ్మాయి కోమాలోకి వెళ్ళిపోతుంది. ఆమెను బ్రతికించడం కోసం ఈ డాక్టర్ గారు సైన్స్‌ని వాడి ఒక పిచ్చి ప్రయోగం చేస్తాడు. ఆపరేషన్ అయితే సక్సెస్ అవుతుంది కానీ, అక్కడే అసలు ట్విస్ట్ మొదలవుతుంది. ఆ అమ్మాయి ఒంట్లోకి వేరే ఆత్మ వచ్చి దూరినట్లు వింతగా ప్రవర్తించడం మొదలుపెడుతుంది. ఇక మెయిన్ మ్యాటర్ ఏంటంటే.. ఈ సినిమాలో తల్లి, కూతుళ్ల మధ్య మైండ్ గేమ్ నడుస్తుంది. ఒకరి మెదడు ఇంకొకరిలోకి మారడం, ఆ ప్రాసెస్‌లో వచ్చే గొడవలు సినిమాను నెక్స్ట్ లెవల్‌కి తీసుకెళ్తాయి. ఒక్క మాటలో చెప్పాలంటే ఒక మనిషి శరీరంలో వేరే మనిషి బుర్ర ఉంటే ఎలా ఉంటుంది? అనే కాన్సెప్ట్‌తో ఈ కథ సాగుతుంది. మొత్తానికి ఇది ఒక మాంచి మెడికల్ కిచిడీ, థ్రిల్లర్ అని చెప్పుకోవచ్చు.