OTT Movie : భర్త అనుకుని మరొకరితో అలాంటి పని చేసే భార్య … నిజం తెలిసాక ఆమె చేసే పనికి మైండ్ బ్లాక్

OTT Movie : ఒకప్పుడు మలయాళం సినిమాలంటే షకీలా లాంటి శృంగార తార నటించిన సినిమాలు గుర్తుకు వచ్చేవి. అయితే ఇప్పుడు పరిస్థితి పూర్తిగా మారిపోయింది. మంచి కథలను స్క్రీన్ మీద చక్కగా ప్రజెంట్ చేస్తున్నారు మేకర్స్. ఇప్పుడు మనం చెప్పుకోబోయే మూవీ భార్య భర్తల చుట్టూ తిరుగుతుంది. స్టోరీ కూడా సుత్తి లేకుండా నడుస్తూ ఉంటుంది. ఈ మూవీ పేరు ఏమిటి? ఎందులో స్ట్రీమింగ్ అవుతుంది ? అనే వివరాల్లోకి వెళితే…

జియో హాట్ స్టార్ (Jio hotstar) లో

ఈ మలయాళ డ్రామా మూవీ పేరు ‘జానకి జానే’ (Jaanaki Jaane). 2023 లో వచ్చిన ఈ మూవీకి అనీష్ ఉపాసన దర్శకత్వం వహించారు. ఈ చిత్రంలో టైటిల్ రోల్‌లో నవ్య నాయర్‌తో పాటు సైజు కురుప్, షరాఫ్ యు ధీన్, అనార్కలి మరికర్, జానీ ఆంటోనీ, కొట్టాయం నజీర్, జార్జ్ కోరా, స్మిను సిజో, ప్రమోద్ వెలియనాడు, జేమ్స్ ఎలీ తదితరులు నటించారు. విడుదలయ్యాక ఈ సినిమా యావరేజ్ టాక్ తో ప్రేక్షకులను ఆకట్టుకుంది. ఈ మూవీ జియో హాట్ స్టార్ (Jio hotsar) లో స్ట్రీమింగ్ అవుతోంది.

స్టోరీ లోకి వెళితే

జానకి అనే అమ్మాయికి ఒంటరిగా ఉండడం అంటే భయం, చీకటి అంటే కూడా భయపడుతూ ఉంటుంది. ఆమెకు ఫాంటోఫోబియా అనే డిసీజ్ ఉంటుంది. దానివల్ల ఎక్కువగా భయపడి స్పృహ కోల్పోతూ ఉంటుంది. ఒకసారి ఆటోలో ఒక రాజకీయ నాయకున్ని కలవడానికి వెళుతుంది. ఆ ప్రాంతం నిర్మానుషంగా ఉంటుంది. ఆటో డ్రైవర్ ఆమెను ఆ ఇంటికి దగ్గరలో వదిలి వెళ్ళిపోతాడు. అక్కడ ఒంటరిగా భయపడి కళ్ళు తిరిగి పడిపోతుంది. అక్కడికి దగ్గర్లో ఉండే ఉన్ని ముకుందన్ ఆమెను చూసి జాగ్రత్తగా ఇంటికి చేరుస్తాడు. అలా వీళ్ళిద్దరూ ప్రేమలో పడి, పెళ్లి కూడా చేసుకుంటారు. ఆమెకు ఉన్న సమస్యలు అతను పెద్దగా పట్టించుకోకుండా, ఆమెకు సపోర్ట్ గా ఉంటాడు. అదే ఊరిలో ఉంటే ఒక రాజకీయ నాయకుడు తన కొడుకుని రాజకీయాల్లోకి దింపుతాడు.

ఒకరోజు ఒక ఫంక్షన్ లో కరెంటు పోవడంతో జానకి భయపడి భర్త అనుకుని, మరొకరిని గట్టిగా కౌగిలించుకొని పట్టుకుంటుంది. కరెంటు వచ్చాక అతడు రాజకీయ నాయకుడి కొడుకు అని తెలుసుకుని దూరంగా జరుగుతుంది. అప్పటినుంచి ఆమెను ఫాలో అవుతూ ఉంటాడు ఆ పొలిటికల్ లీడర్. ఆ తర్వాత ఆ జంటకి ఈ లీడర్ ఎక్కువ ఇబ్బందులు పెడుతుంటాడు. ఉన్ని కాంట్రాక్టు బిల్లులను కూడా ఆపుతూ ఉంటాడు. ఓ పక్క ఆమెకున్న భయాలు, మరోపక్క ఆ పొలిటికల్ లీడర్తో సమస్యలను ఎదుర్కోవాల్సి వస్తుంది. చివరికి ఈ జంట ఈ సమస్యల నుంచి ఎలా బయటపడుతుంది ? పొలిటికల్ లీడర్ కి ఎలా బుద్ధి చెప్తారు? తన భయాలను ఎలా పోగొట్టుకుంటుంది ? ఈ విషయాలను తెలుసుకోవాలి అనుకుంటే ఈ మూవీని చూడండి.