Horror comedy OTT : హారర్ సినిమాలు ఎక్కువగా భయపెడుతూ ఉంటాయి. వీటిలో రక్తపాతం కాస్త ఎక్కువనే ఉంటుంది. అయితే కొన్ని సినిమాలలో ఈ హారర్ కి కామెడీ ని కూడా జోడిస్తుంటారు. ఈ కంటెంట్ కూడా బాగా ఎంటర్టైన్ చేస్తుంది. ఇప్పుడు మనం చెప్పుకోబోయే మూవీ న్యూ ఇయర్ సెలబ్రేషన్స్ నేపథ్యంలో జరుగుతుంది. ఆ రాత్రి భయంకరమైన కాలరాత్రి అవుతుంది. ఓ పక్క మర్డర్లు జరుగుతూనే, మరోవైపు నవ్వు కూడా తెప్పిస్తుంది ఈ సినిమా. ఇది సీరియస్ హారర్ సినిమాలా కాకుండా, ఇందులో హింసతో పాటు కామెడీ కూడా మిక్స్ అయి ఉంటుంది.
ఈ పోలిష్ బ్లాక్ కామెడీ హారర్ మూవీ పేరు ‘ఆల్ మై ఫ్రెండ్స్ ఆర్ డెడ్’ (All My Friends Are Dead). జాన్ బెల్క్ రాసి దర్శకత్వం వహించిన ఈ సినిమాలో జూలియా వినీవా, మికాల్ మేయర్, ఆడమ్ వోరోనోవిచ్ లీడ్ రోల్స్ లో నటించారు. ఇది 2021 ఫిబ్రవరి 3న ప్రపంచవ్యాప్తంగా నెట్ఫ్లిక్స్ (Netflix)లో స్ట్రీమింగ్ కి వచ్చింది.
ఒక పెద్ద విల్లాలో న్యూ ఇయర్ పార్టీ జరుగుతుంది. బోలెడంత మంది కుర్రాళ్లు, అమ్మాయిలు ఫుల్ ఎంజాయ్మెంట్ కోసం అక్కడ కలిశారు. అక్కడ డ్రగ్స్, మద్యంతో పార్టీ సందడిగా మొదలవుతుంది. కానీ ఆ పార్టీలో ఒక్కొక్కరిలో ఒక్కో ఫ్రస్ట్రేషన్, సీక్రెట్స్ ఉంటాయి. ఒక అమ్మాయి, అబ్బాయి ఒక గదిలోకి వెళ్తారు. అక్కడ అనుకోకుండా ఒక గన్ కనిపిస్తుంది. ఆ గన్తో ఆడుకుంటున్నప్పుడు మిస్ ఫైర్ అయ్యి ఒకరు చనిపోతారు. సరిగ్గా అక్కడి నుండే అసలు గందరగోళం మొదలవుతుంది. ఆ చావుని చూసి మిగిలిన వాళ్లందరూ భయపడిపోతారు.
ఇక అక్కడ ఒకరిని ఒకరు అనుమానించుకోవడం, గొడవ పడటం మొదలుపెడతారు. పార్టీకి వచ్చిన వాళ్లలో అపార్థాలు పెరిగిపోయి… ఒకరిని ఒకరు కొట్టుకోవడం, చంపుకోవడం మొదలుపెడతారు. చివరికి ఏమవుతుందంటే, తెల్లారేసరికి ఆ ఇంట్లో ఉన్న వాళ్లంతా దాదాపుగా శవాలుగా మారిపోతారు. బయట నుండి పోలీసులు వచ్చి లోపల జరిగిన ఘోరాన్ని చూసి షాక్ అవుతారు. అసలు అక్కడ ఏం జరిగింది ? ఎందుకు ఒకర్ని ఒకరు చంపుకున్నారు ? ఈ గందరగోళాన్ని మీరు కుడా చూడాలనుకుంటే, ఈ సినిమాపై ఓ లుక్ వేయండి.
Read Also : 47 అవార్డులతో ప్రశంసలు… అప్పు ఇచ్చిన బ్యాంకుకే కన్నం… చూసే కొద్దీ చూడాలనిపించే మూవీ
Share
Ashika Ranganath : ట్రెడిషినల్ లుక్ లో మతిపోగొడుతున్న ఆషిక.. రెండు కళ్లు చాలట్లేదు..
Inzamam-ul-Haq: "క్షుద్ర పూజలు" చేసి ఇంగ్లాండ్ ను ఓడించారు..ఇండియాపై ఇంజమామ్ ఆరోపణలు
