Hoichoi 2026 lineup : ఓటీటీలలో అమెజాన్ ప్రైమ్ వీడియో, నెట్ ఫ్లిక్స్, హాట్ స్టార్ ఎంత పాపులర్ అన్న విషయం ప్రత్యేకంగా చెప్పక్కరలేదు. ఈ లిస్ట్ లో హోయిచోయ్ అనే ఓటీటీ కూడా ఉంది. ఈ బెంగాలీ స్ట్రీమింగ్ ప్లాట్‌ఫామ్ 2026లో 12 వెబ్ షోల ప్రతిష్టాత్మక స్లేట్‌ ను విడుదల చేసింది. ఈ లైనప్ లో పాపులర్ ఫ్రాంచైజీల సీక్వెల్స్ తో పాటు కొత్త ఒరిజినల్ కథలు కూడా రాబోతున్నాయి, థ్రిల్లర్లు, సోషల్ డ్రామాలు, జానపద కథలు, ఇన్వెస్టిగేటివ్ డ్రామాలు వంటి వివిధ జానర్ల కు సంబంధించిన వెబ్ సిరీస్లు ఈ లిస్ట్ లో ఉన్నాయి. హోయిచోయ్‌లో ఫిబ్రవరి నుండి మార్చి వరకు ఈ లిస్ట్ లో ఉన్న సిరీస్ లు విడుదల కానున్నాయి.
నిర్ఝర్ మిత్రా దర్శకత్వంలో మిమి చక్రవర్తి ప్రధాన పాత్రలో నటించిన సిరీస్ ‘క్వీన్స్’. ఈ రివేంజ్ డ్రామాలో వివాహం జరిగిన రోజే సర్కార్ కుటుంబంలో ఓ ఊహించని మరణం సంభవిస్తుంది. ప్రమాదంగా గుర్తించబడిన ఈ మరణం, నలుగురు వితంతువులను ఇబ్బందుల్లో పడేస్తుంది. దుఃఖం కోపంగా మారి, వారు ప్రతీకారం తీర్చుకోవాలని నిర్ణయించుకుంటారు.
కమలేశ్వర్ ముఖర్జీ దర్శకత్వంలో కౌషాని ముఖర్జీ నటించిన ఈ థ్రిల్లర్, కార్పొరేట్ ప్రపంచంలో ద్రోహం, న్యాయం గురించిన స్టోరీతో ఉంటుంది. విజయవంతమైన కార్పొరేట్ నాయకురాలు పనిలో ఊహించని ద్రోహానికి గురవుతుంది, దీంతో ఆమె ప్రపంచం తలక్రిందులవుతుంది. న్యాయం కోసం పోరాడుతున్నప్పుడు ఆమె పోరాటాన్ని ప్రమాదకరమైన అధికార క్రీడగా మారుస్తాయి. కౌషాని ముఖర్జీ నటన ఈ సిరీస్‌ను మరింత ఆకర్షణీయంగా చేస్తుంది.
Also Read : ఎట్టకేలకు డైరెక్ట్ గా ఓటీటీలోకి అవార్డు విన్నింగ్ మూవీ… స్ట్రీమింగ్ ఎప్పుడు ఎక్కడ ?
అరిత్ర సేన్ దర్శకత్వంలో పరంబ్రత చటోపాధ్యాయ నటించిన ఈ మిస్టరీ థ్రిల్లర్, రహస్యాలు, మోసాలు చుట్టూ తిరుగుతుంది. చౌదరి భవనంలో జరిగిన రహస్యమైన లిఫ్ట్ ప్రమాదం ఇన్వెస్టిగేటర్ ఆదిత్య మజుందార్‌ను ఆకర్షిస్తుంది. మర్డర్, మిస్సింగ్ వంటి అంశాలతో, ఊహించని ట్విస్ట్ లతో ఈ సిరీస్ సాగుతుంది. డిటెక్టివ్ పాత్రలో ఆకట్టుకుంటాడు. సస్పెన్స్, ట్విస్ట్‌లతో నిండిన ఈ సిరీస్ ప్రేక్షకులను థ్రిల్ చేస్తుంది.
పరంబ్రత ఛటోపాధ్యాయ దర్శకత్వంలో శాశ్వత ఛటర్జీ నటించిన ఈ సూపర్‌నాచురల్ థ్రిల్లర్, పురాతన శాపాలు, పునర్జన్మల నేపథ్యంలో రూపొందుతోంది. పవిత్ర కళాఖండం పోయిన తర్వాత పురాతన శాపం తిరిగి మేలుకొంటుంది. ఆధునిక కాలంలో ఆ శాపం భయాన్ని సృష్టిస్తుంది. అగంబాగిష్ చరిత్ర పునరావృతం కావడానికి ముందే చెడును ఆపాలి. శాశ్వత ఛటర్జీ నటన, హారర్ ఎలిమెంట్స్ ఈ సిరీస్‌ను ప్రత్యేకం చేస్తాయి.
అదితి రాయ్ దర్శకత్వంలో రిధిమా ఘోష్, సుస్మితా డే, అంగనా రాయ్ నటించిన ఈ డ్రామా ఒక మర్డర్ మిస్టరీ. ప్రముఖ ACP దిగ్భ్రాంతికర మరణం కుహేలిని కుదిపేస్తుంది. దర్యాప్తు లోతుగా సాగుతున్నప్పుడు, షాకింగ్ విషయాలు బయట పడతాయి. ఇక ఇంకా ఈ లిస్ట్ లో ఠాకుమార్ ఝులి, బిరంగన 2, ఏకేన్ బాబు – పురూలియా-ఎ-పక్రావ్, మోంటు పైలట్ 3, నికోష్ ఛాయా 2, కాలరాత్రి 2 వంటి సిరీస్ లు ఉన్నాయి.
Share
Maha Shivaratri 2026: శివయ్య నామస్మరణలో.. ఈ 10 పాటలు చూస్తే తన్మయత్వంలోకి వెళ్లాల్సిందే!
Director Bobby: డైరెక్టర్ బాబీ లవ్ స్టోరీలో ఇన్ని ట్విస్ట్ లా.. సినిమా తియొచ్చు..
