Feel good Movie OTT: అప్పు కోసం కూతుర్ని తాకట్టు… కన్నీళ్లు పెట్టించే కామెడీ మూవీ

Feel good Movie OTT : రోజు రోజుకి కొరియన్ సినిమాల ఫ్యాన్స్ ఎక్కువ అవుతున్నారు. దీనికి కారణం అక్కడ నుంచి వస్తున్న ఫీల్ గుడ్ స్టోరీలే. మంచి కంటెంట్ తో మనసంతా దోచేస్తున్నాయి ఈ కొరియన్ సిరీస్ లు, సినిమాలు. ఈ నేపథ్యంలో ఒక కొరియన్ మూవీ గురించి చెప్పుకోవాల్సిందే. ఈ సినిమాను ఫ్యామిలీ ఆడియన్స్ తెగ చూసారు కూడా. కొరియాలో బ్లాక్ బస్టర్ హిట్ గా నిలిచి పోయిన ఈ సినిమా, క్లైమాక్స్లో లో కన్నీళ్లు కూడా పెట్టిస్తుంది.

ఎక్కడ చూడవచ్చు?

ఈ కొరియా ఫ్యామిలీ కామెడీ డ్రామా సినిమా పేరు ‘పాన్’ (Pawn). 2020లో వచ్చిన ఈ అద్భుతమైన సినిమా, ప్రపంచవ్యాప్తంగా మంచి గుర్తింపు పొందింది. కాంగ్ డే-గ్యు ఈ సినిమాకి దర్శకత్వం వహించారు. ఇందులో సుంగ్ డాంగ్-ఇల్, హా జి-వోన్, కిమ్ హీ-వోన్, చైల్డ్ ఆర్టిస్ట్ పార్క్ సో-యి లీడ్ రోల్స్ లో ఉన్నారు. ఈ చిత్రం 2020 సెప్టెంబర్ 29న థియేటర్‌లలో విడుదలైంది. ఇది 2020లో అత్యధిక వసూళ్లు చేసిన కొరియన్ చిత్రంగా ఆరవ స్థానంలో నిలిచింది. ఈ సినిమా ప్రస్తుతం Viki, Amazon Prime Video, Netflix ఓటీటీలలో అందుబాటులో ఉంది. ఈ సినిమా చూస్తున్నప్పుడు కచ్చితంగా కన్నీళ్లు వస్తాయి, అందుకే దీనిని ‘హార్ట్ వార్మింగ్ టియర్ జెర్కర్’ అని కూడా పిలుస్తారు.

స్టోరీ ఏమిటంటే

1993లో ఇంచియాన్ పట్టణంలో దూ-సోక్, జోంగ్-బే అనే ఇద్దరు మొరటు వ్యక్తులు ఉంటారు. అప్పులు ఇచ్చి కనికరం లేకుండా వసూలు చేస్తుంటారు. ఈ క్రమంలోనే ఒక మహిళ దగ్గరకు వెళ్తారు. ఆమె అప్పు తీర్చలేకపోవడంతో, గ్యారెంటీగా ఆమె 9 ఏళ్ల కూతురు సంగ్-యిని తీసుకెళ్తారు. అయితే ఆ తల్లి అక్రమ వలసదారు కావడంతో పోలీసులు ఆమెను వెంటనే దేశం నుంచి పంపించేస్తారు. దీంతో ఆ చిన్నారిని ఎవరికి అప్పగించాలో తెలియక, ఆ ఇద్దరు ఆ అమ్మాయిని చూసుకోవాల్సి మారాల్సి వస్తుంది.

మొదట్లో ఆ అమ్మాయిని ఒక భారంగా భావించినా, మెల్లమెల్లగా ఆ చిన్నారి అమాయకత్వం ఆ ఇద్దరి మనసులను కరిగిస్తుంది. ముఖ్యంగా దూ-సోక్ ఆ అమ్మాయిని తన సొంత కూతురిలా చూసుకోవడం మొదలుపెడతాడు. ఆమెను మంచి స్కూల్లో చేర్పించి చదివిస్తాడు కూడా. అలా రక్తం సంబంధం లేకపోయినా, ఒక అద్భుతమైన తండ్రీ, కూతుళ్ల బంధం ఏర్పడుతుంది వాళ్ళ మధ్య. ఆ అమ్మాయి కూడా వారిని తన సొంత నాన్న, బాబాయ్ లాగే ప్రేమిస్తుంది.

ఇక సంగ్-యి పెద్దయి మంచి ఉద్యోగంలో చేరుతుంది. అయితే ఒకానొక సమయంలో దూ-సోక్ ప్రమాదానికి గురై కనిపించకుండా పోతాడు. పదేళ్ల పాటు అతని కోసం వెతికిన సంగ్-యి, చివరికి ఒక ఆసుపత్రిలో జ్ఞాపకశక్తి కోల్పోయిన స్థితిలో అతన్ని గుర్తిస్తుంది. ఈ సినిమాలో ఈ సీన్స్ కన్నీళ్లు పెట్టిస్తాయి. మరి ఈ క్లైమాక్స్ ఎలా ఉంటుందో తెలుసుకోవాలని అనుకుంటే,ఈ సినిమాను మిస్ కాకుండా చుడండి.