Family Drama Series OTT : రియల్ లైఫ్ కపుల్స్ రీల్ లైఫ్ లో… ఫ్యామిలీ ఆడియన్స్ కు ఫుల్ మీల్స్ పెట్టనున్న మరాఠీ సిరీస్… మరికొన్ని గంటల్లో ఓటీటీలోకి

Family Drama Series OTT : ఓటీటీలోకి ఫ్యామిలీ ఆడియన్స్ ను పలకరించబోతోంది ఒక మరాఠీ సిరీస్. ఈ కథ కూడా చాలా ఇంట్రెస్టింగా, చూడచక్కగా ఉంటుంది. ఇది పెళ్లై పదేళ్లు పూర్తయిన ఒక జంట కథ. జీవితంలో అన్నీఉన్నా కొత్తదనం కోసం ఈ జంట ప్రయత్నాలు చేస్తుంది. ఈ ప్రయత్నంలో సాగే కథ మన చుట్టుపక్కల ఇళ్ళల్లో ఉన్నట్లు, మన కుటుంబంలో జరుగుతున్నట్లు అనిపిస్తుంటుంది. ఇందులో ప్రధాన పాత్రల్లో ఒక రియల్ లైఫ్ కపుల్స్ నటిస్తుండటం విశేషం.

జీ5 (ZEE5) ఓటీటీలో స్ట్రీమింగ్

ఈ మరాఠీ ఫ్యామిలీ సిరీస్ పేరు ‘హే కాయ్ నవీన్’ (Hey Kay Navin). క్లాసిక్ హిట్ సినిమా ‘మురంబా’ తీసిన వరుణ్ నార్వేకర్ ఈ సిరీస్‌ని డైరెక్ట్ చేశారు. ఆయన కుటుంబ కథలను సహజంగా చూపించడంలో దిట్ట. ఇక మరాఠీ ఇండస్ట్రీలో మోస్ట్ పాపులర్ రియల్ లైఫ్ కపుల్ ప్రియా బాపట్, ఉమేష్ కామత్ ఇందులో నటిస్తున్నారు. వీరిద్దరూ గతంలో చేసిన ‘ఆణి కాయ్ హవ’ సిరీస్ పెద్ద హిట్ అయింది. అందుకే ఇప్పుడు దీనిపై కూడా భారీ అంచనాలు ఉన్నాయి. ఇందులో శుభాంగి గోఖలే, ఉదయ్ టికేకర్, సుయోగ్‌ గోర్హే, రాజశ్రీ భావే కీలక పాత్రల్లో నటించారు. దీనిని ప్రతమేష్ రనడే నిర్మించిన ఈ సిరీస్ 2026 మార్చి 27 నుంచి, జీ5 (ZEE5) ఓటీటీలో మరాఠీ భాషలో మాత్రమే స్ట్రీమింగ్ అవుతుంది.

స్టోరీ ఏమిటంటే

ఇది పెళ్లి అయిపోయి, పదేళ్ల లైఫ్‌లో అన్నీ సెట్ అయిపోయిన ఒక మొగుడు పెళ్లాల కథ. రమ, ఆదిత్య అనే ఇద్దరు భార్యాభర్తలు ఉంటారు. మంచి ఉద్యోగాలు, సొంత ఇల్లు, సుఖమైన కాపురం.. ఇలా బయట నుంచి చూస్తే అంతా సరిగ్గానే అన్నట్టు ఉంటుంది. కానీ జీవితం ఒకేలా సాగుతుంటే బోరింగ్ గా ఫీల్ అవుతుంది రమ. సరిగ్గా అప్పుడే రమ తనకంటూ ఒక కొత్త గుర్తింపు కోసం చీరల బిజినెస్ స్టార్ట్ చేయాలనుకుంటుంది. ఈ కొత్త ప్రయాణంలో వాళ్ల మధ్య వచ్చే చిన్న చిన్న గొడవలు, ప్రేమలు, నవ్వులే ఈ సిరీస్. పదేళ్ల పెళ్లి తర్వాత కూడా కొత్తగా ఏం చేయొచ్చు, ఒకరికొకరు ఎలా తోడుండాలి అనే విషయాన్ని చాలా న్యాచురల్ గా, మన పక్కింటి వాళ్ల కథలాగా చూపించబోతున్నారు ఇందులో. ఎప్పుడూ రొటీన్ గా సాగే కాపురంలో మళ్లీ ఉత్సాహాన్ని ఎలా నింపుకున్నారో తెలుసుకోవడమే ఈ ‘హే కాయ్ నవీన్’ అసలు ముచ్చట.