మిస్టీరియస్ జంతువులను పరిగెత్తించి కొట్టే స్కూల్ పిల్లలు… కొరియన్ యాక్షన్ ప్యాక్డ్ మాస్టర్ పీస్

Korean Sci Fi Thriller Series: స్కూల్ పిల్లలు స్కూల్ కు ఎందుకు వెళతారు ? చదువుకుని బాగుపడాలి అనుకుంటారు. కానీ ఈ సిరీస్ లో మాత్రం అభం శుభం తెలియని అమాయకపు పిల్లలకు మార్కుల ఆశ చూపి, వాళ్ళ చేత మతిపోగొట్టే పనులు చేయిస్తారు. ఆ పనులు ఏంటో తెలియాలంటే ఈ సిరీస్ పై ఒక లుక్కేయాల్సిందే. 2022లో విడుదలై కొరియన్ సైన్స్ ఫిక్షన్ హారర్ థ్రిల్లర్ సిరీస్‌ ‘డ్యూటీ ఆఫ్టర్ స్కూల్’ (Duty After School). హా ఇల్-క్వాన్ రాసిన పాపులర్ వెబ్‌టూన్ ఆధారంగా రూపొందిన సిరీస్ ఇది. మరి ఈ సిరీస్ ఎక్కడ స్ట్రీమింగ్ అవుతోంది ? స్టోరీ ఏంటి ? అనే వివరాల్లోకి వెళ్ళే ముందు కథ ఏంటో తెలుసుకుందాం.

కథలోకి వెళ్తే…

దక్షిణ కొరియాలోని సింగ్జిన్ హైస్కూల్‌ లో కథ నడుస్తుంది. హైస్కూల్ చివరి సంవత్సరం విద్యార్థులందరూ కాలేజీ ఎంట్రన్స్ ఎగ్జామ్ (CSAT) ఒత్తిడితో సతమతమవుతుంటారు. కానీ ఒకరోజు ఆకాశం నుండి వింతైన ఊదా రంగు గోళాలు (Alien Spheres) భూమిపైకి వస్తాయి. మొదట్లో కదలకుండా ఉన్న ఆ గోళాలు కాలక్రమేణా ప్రమాదకరమైన, మనుషులను వేటాడి చంపే క్రూర జీవులుగా మారుతాయి. సైనికులు కూడా వాటిని ఏమీ చేయలేక చేతులు ఎత్తేస్తారు. చాలామంది ప్రాణాలు కోల్పోతారు.

ఈ నేపథ్యంలోనే ప్రపంచవ్యాప్తంగా సైనికుల కొరత ఏర్పడటంతో దక్షిణ కొరియా ప్రభుత్వం ఒక సంచలన నిర్ణయం తీసుకుంటుంది. హైస్కూల్ థర్డ్ ఇయర్ విద్యార్థులందరినీ సైన్యంలో చేర్చి, యుద్ధానికి పంపించాలని ఆదేశిస్తుంది. బదులుగా కాలేజీ ఎంట్రన్స్ ఎగ్జామ్‌ లో అదనపు మార్కులు ఇస్తామని ఆశ చూపిస్తుంది. చదువు కోసం ఏమైనా చేయాలని ఆశపడిన విద్యార్థులు తుపాకులు పట్టుకోవడానికి అంగీకరిస్తారు. స్కూల్ ఒక మిలిటరీ క్యాంపుగా మారుతుంది.

కఠినమైన లీడర్ లీ చున్-హో విద్యార్థులకు యుద్ధ శిక్షణ ఇస్తాడు. పుస్తకాలు, నోట్స్ స్థానంలో తుపాకులు, గ్రనేడ్లు వాళ్ళ జీవితంలోకి వస్తాయి. ఇక్కడే వారి స్నేహాలు, ప్రేమలు, పోటీలు, భయాలు ఇలా ఒక్కో ట్విస్ట్ ఉంటుంది. మొదట్లో యుద్ధం ఒక అడ్వెంచర్‌లా అనిపించినా, క్రమంగా స్నేహితులు కళ్ల ముందే చనిపోతుంటే నిజమైన భయం అంటే ఎలా రుచి చూస్తారు. ఒక వైపు ఏలియన్ గోళాల దాడి, మరోవైపు విద్యార్థుల మధ్య ఏర్పడే మానసిక ఒత్తిడి, స్వార్థం… ఈ అంశాలతో సిరీస్‌ ఉత్కంఠభరితంగా నడుస్తుంది.

తెలుగులో మాత్రం లేదు

2 పార్టులుగా వచ్చిన ఈ సిరీస్ విద్యార్థుల జీవితాల్లోని ఒత్తిడి, స్నేహం, త్యాగం, సర్వైవల్‌ వంటి అంశాల ఆధారంగా ఉంటుంది. యువ నటుల నటన, విజువల్ ఎఫెక్ట్స్, బ్యాక్‌గ్రౌండ్ స్కోర్ సిరీస్‌లో హైలెట్ గా ఉంటాయి. ‘డ్యూటీ ఆఫ్టర్ స్కూల్’ Amazon Prime Videoలో ఉంది. తెలుగు డబ్బింగ్ ఇంకా అందుబాటులో లేదు. కావాలంటే ఇంగ్షీషు సబ్ టైటిల్స్ తో చూడవచ్చు.