OTT Movie : ఈ మూవీ ఏంది భయ్యా ఇంత బ్రూటల్ గా ఉంది ? గుండె గట్టిగా ఉన్నవాళ్లే చూడాల్సిన హర్రర్ సస్పెన్స్ థ్రిల్లర్

OTT Movie : ఇండోనేషియాలో మొదటి కాథలిక్ ఎక్సార్సిజం హారర్‌గా గుర్తింపు పొందిన ‘డామినియన్ ఆఫ్ డార్క్‌నెస్’ సినిమా హారర్ ప్రియుల గుండెల్లో గుబులు పుట్టిస్తోంది. ఒక టీనేజ్ అమ్మాయిలో దెయ్యం ఆవహించడంతో ఈ హారర్ స్టోరీ మొదలవుతుంది. ఆ తరువాత వచ్చే సీన్స్ ఒంటరిగా చుస్తే మాత్రం అంతే సంగతులు. హారర్ కంటెంట్ ఈ సినిమాలో అంత ఘోరంగా ఉంటుంది. ఈ ఇండోనేషియాన్ సినిమా ఏ ఓటీటీలో ఉంది ? కథ ఏంటి ? అనే వివరాలను తెలుసుకుందాం పదండి.

కథలోకి వెళ్తే

థామస్ తన తల్లి, సిస్టర్‌ను కోల్పోయిన తర్వాత ప్రీస్ట్ పదవిని వదులుకోవాలని నిర్ణయించుకుంటాడు. అయితే అతని లేట్ సిస్టర్ బెస్ట్ ఫ్రెండ్ కాలాలో దెయ్యం ప్రవేశించినప్పుడు, ఎక్సార్సిస్ట్ రెండ్రా కు థామస్ సహాయం చేయాల్సి వస్తుంది. కాలా మదర్ మాయాకి కూడా గతంలో ఇలాంటి దెయ్యమే పట్టి ఉంటుంది. ఇప్పుడు ఆదేయ్యం కాలా లైఫ్‌ను థ్రెట్ లో పడేస్తుంది. థామస్, రెండ్రా కలిసి ఈ భూతాన్ని ఎక్సార్సైజ్ చేయడానికి ప్రయత్నిస్తారు. ఈ దెయ్యం కాలా లైఫ్ మాత్రమే కాక, ఆమె తల్లి మాయా లైఫ్‌ను కూడా థ్రెట్ చేస్తుంది.

రెండ్రా ఆరోగ్య సమస్యలతో బాధపడుతూ కూడా రిచ్యువల్స్ చేస్తాడు. భూతం కాలా ద్వారా ట్రిక్స్ ప్లే చేస్తుంది. మాయా హాంటింగ్ పాస్ట్ బయటపడుతుంది. ఇది కాలా పాసెషన్‌కు కనెక్ట్ అవుతుంది. క్లైమాక్స్‌లో థామస్, రెండ్రా ఆ దెయ్యాన్ని ఎక్సార్సైజ్ చేస్తారు. కానీ స్టోరీ భయంకరమైన మలుపు తిరుగుతుంది. థామస్, రెండ్రా ఆ దెయ్యం నుంచి కాలాని కాపాడతారా ? ఆ దెయ్యం గతం ఏమిటి ? ఎందుకు కాలాలో ఆవహించింది ? అనే విషయాలను ఈ ఇండోనేషియన్ హారర్-థ్రిల్లర్ సినిమాను చూసి తెలుసుకోండి.

నెట్‌ఫ్లిక్స్‌లో స్ట్రీమింగ్

‘డామినియన్ ఆఫ్ డార్క్‌నెస్’ (Dominion of Darkness) 2024లో విడుదలైన ఇండోనేషియన్ హారర్-థ్రిల్లర్ చిత్రం. ఇది బాబీ ప్రసెట్యో దర్శకత్వంలో రూపొందింది. ఇందులో జెరోమ్ కుర్నియా (థామస్/జోహాన్), లుక్మాన్ సార్ది (ఫాదర్ ఆంటన్/రెండ్రా), ఆస్ట్రిడ్ టియార్ (మాయా), లెఆ చియారాచెల్ (కాలా), మకాలా రోజ్ హిల్లీ (సపోర్టింగ్ రోల్) ప్రధాన పాత్రల్లో నటించారు. ఇది 2024 ఫిబ్రవరి 2న ఇండోనేషియాలో విడుదలై, 2024 అక్టోబర్ 3 నుంచి నెట్‌ఫ్లిక్స్‌లో స్ట్రీమింగ్ అవుతోంది. ఈ సినిమా 1 గంట 51 నిమిషాల రన్‌టైమ్ తో IMDb 5.6/10 రేటింగ్ పొందింది.